Marko 4:27 - BAIBLO ALOO NGMAMI KLƆUKLƆU Ɔ

²⁷ E ya hwɔɔ si nyɔ mi, nɛ ke je na a, e teɔ si. Be nɛ ɔ mi tsuo ɔ, wu ɔmɛ ngɛ puɛe nɛ a ngɛ wae, se kɛ̃ e li nɔ́ nɛ ngɛ nɔ yae.

Somi He Ɔ

²⁷ E ya hwɔɔ si nyɔ mi, nɛ e tee si ke je na, nɛ (lɛ be ɔ mi tsuo ɔ), dumi wu ɔmɛ ngɛ puɛe nɛ a ngɛ wae, nɛ e li bɔ nɛ peɔ.

Marko 4:27 ပူးပေါင်းရင်းမြစ်များ

Fiɛlɔ 11:5

Níhi nɛ Mawu pee ɔ, o juɛmi su a he lo? Ke o juɛmi sui a he ɔ, lɛɛ kɛ o maa pee kɛ le bɔ nɛ wami he jeɔ sisi ngɛ yohɔyo mi mi kɛɛ?

2 Tesalonikabi 1:3

Wa nyɛmimɛ! E hia kaa waa na Mawu si daa ha nyɛ. E sa kaa waa pee jã, ejakaa nyɛ hemi kɛ yemi ɔ mi ngɛ wae wawɛɛ nitsɛ, nɛ suɔmi nɛ nyɛ ti nɔ tsuaa nɔ ngɛ kɛ ha e nyɛmi ɔ ngɛ nɔ yae bɔ nɛ sa.

Fiɛlɔ 8:17

Se ní tsumi nɛ Mawu ngɛ tsue ngɛ je nɛ ɔ mi ɔ lɛɛ nɔmlɔ be nya nae gblegbleegble. Ke o gbo dengme hluu po, o be nya nae. Ní leli nɛ e peeɔ mɛ kaa mɛɛ a le ɔ, mɛ po a nɛ nya.

2 Petro 3:18

Se nyɛɛ ya nɔ nɛ nyɛɛ wa ngɛ dloomi ɔ mi, nɛ nyɛɛ le wa Nyɔmtsɛ, kɛ wa kpɔlɔ Yesu Kristo ɔ saminya. Á wo e hɛ mi nyami kɛ je be nɛ ɔ mi kɛ ya neneene! Amen.

Marko 4:26

Yesu tsa nɔ ke, “Mawu matsɛ yemi ɔ ngɛ kaa bɔ nɛ a duɔ wu nɛ e waa. Nyumu ko ya fĩaa ní ngɛ e zugba nɔ.

Marko 4:28

Zugba a nitsɛ lɛ haa ní ɔmɛ waa nɛ a woɔ yiblii, ba mumu ɔ kekle, kɛkɛ ɔ tso ɔ, nɛ lɔ ɔ se ɔ, ngma a nitsɛ ngɛ tso ɔ yi mi.