Marko 4:20 - BAIBLO ALOO NGMAMI KLƆUKLƆU Ɔ

²⁰ Se ni kpa komɛ ngɛ kaa wuhi nɛ ya nɔ zu kpakpa nɔ. Mɛɛ lɛɛ ke a nu munyu ɔ, a pɛtɛɛ he, nɛ a woɔ yiblii, eko nyingmi etɛ, eko nyingmi ekpa, kɛ eko lafa.”

Somi He Ɔ

²⁰ Se ni kpa komɛ hu ngɛ kaa wuhi nɛ a du ngɛ zu kpakpa mi. A nuɔ munyu ɔ, nɛ a pɛtɛɛ he, nɛ a woɔ yiblii: eko nyingmi etɛ, eko nyingmi ekpa, kɛ eko lafa.”

Marko 4:20 ပူးပေါင်းရင်းမြစ်များ

Mose I, 26:12

Isak du ní ngɛ jamɛ a zugba a nɔ, nɛ jamɛ a jeha a, e kpa nɔ́ nɛ e du ɔ yi totoe lafa, ejakaa Yawɛ gbaa lɛ.

Mateo 13:23

Se wu nɛ ya pue zugba kpakpa nɔ ɔ lɛɛ e daa si ha nihi nɛ nuɔ sɛ gbi ɔ, nɛ a kɔɔ se hulɔ. Mɛ ji ni nɛmɛ nɛ woɔ yiblii ɔ, ni komɛ lafa, ni komɛ nyingmi ekpa, kɛ ni komɛ hu nyingmi etɛ.”

Mateo 13:8

Se ekomɛ hu ya pue zugba kpakpa nɔ, nɛ tso ɔmɛ wo yiblii, ekomɛ lafa, ekomɛ nyingmi ekpa, kɛ ekomɛ hu nyingmi etɛ.”

Marko 4:8

Se wu ɔmɛ ekomɛ ya pue zugba kpakpa nɔ. Mɛɛ lɛɛ a puɛ nɛ a wa, nɛ a wo yiblii, eko nyingmi etɛ, eko nyingmi ekpa, kɛ eko lafa.”

Luka 8:15

Wuhi nɛ ya pue zugba kpakpa mi ɔ daa si ha nihi nɛ a tsui mi hi, nɛ a yeɔ anɔkuale. Mɛɛ lɛɛ ke a nu Mawu munyu ɔ, a tsuɔ he ní hluu kɛ ya siɔ e woɔ yiblii.

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Yohane 15:2

Ye kɔni tsuaa kɔni nɛ wui yiblii ɔ, e poɔ; se nɔ́ nɛ woɔ yiblii ɔ, e sãã he, konɛ e he nɛ tsɔ, nɛ e wo yiblii pe kekle ɔ.

Romabi 7:4

Ye nyɛmimɛ, bɔ nɛ nyɛ sane ngɛ ji nɛ ɔ nɛ. Kristo nɔmlɔ tso ɔ he ɔ, nyɛ ngɛ kaa nihi nɛ gbo, nɛ mlaa fi we nyɛ hu. Lɔ ɔ he ɔ, nyɛ peeɔ nɔ nɛ a tle lɛ si kɛ je gbeje ɔ nihi, konɛ wɔ tsuo waa wo yiblii ha Mawu.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Kolosebi 1:10

Kɛkɛ ɔ, nyɛ maa ba nyɛ je mi bɔ nɛ maa sa Nyɔmtsɛ ɔ hɛ mi. Nyɛ ma tsu ní kpakpa sɔuu, nɛ nyɛ maa le Mawu saminya pe bɔ nɛ nyɛ le lɛ daa.

1 Tesalonikabi 4:1

Nyagbe ɔ, nyɛmimɛ, nyɛ kase kɛ je wa ngɔ bɔ nɛ nyɛ maa ba nyɛ je mi nɛ e sa Mawu hɛ mi; nɛ jã nyɛ ngɛ pee ɔ nɛ. Se kɛ̃, ngɛ Nyɔmtsɛ Yesu biɛ mi ɔ, wa ngɛ nyɛ pɛɛ kpae, nɛ wa ngɛ nyɛ ga woe kaa nyɛɛ pee kɛ ya nɔ pe jã po.

2 Petro 1:8

Kikɛmɛ a su nɛ ɔmɛ a he hia nyɛ, nɛ ke nyɛ na mɛ bɔ nɛ sa a, nyɛ ma tsu ní nɛ maa wo yiblii saminya, nɛ nyɛ he maa ba se nami, akɛnɛ nyɛ le wa Nyɔmtsɛ Yesu Kristo ɔ.