Marko 3:29 - BAIBLO ALOO NGMAMI KLƆUKLƆU Ɔ

²⁹ Se nɔ nɛ bɔɔ musu kɛ siɔ Mumi Klɔuklɔu ɔ, a kɛ be lɛ pae gblegbleegble kɛ maa ya neneene; ejakaa e yeɔ fɔ kɛ yaa neneene.”

Somi He Ɔ

²⁹ Se nɔ nɛ tuɔ musu bɔmi munyu kɛ siɔ Mumi Klɔuklɔu ɔ, a kɛ be lɛ pae gblegbleegblee kɛ maa ya neneene, ejakaa e pee yayami nɛ a kɛ pɛ́.”

Marko 3:29 ပူးပေါင်းရင်းမြစ်များ

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

Mateo 9:3

Kɛkɛ nɛ mlaa tsɔɔli ɔmɛ a ti ni komɛ tu munyu kusikusi ke, “Nyumu nɛ ɔ ngɛ musu bɔe.”

Marko 12:40

A kpɔɔ yalɔyi a wehi ngɛ a dɛ, kɛkɛ ɔ, a peeɔ sɔlemi gagaaga konɛ a kɛ laa a ní peemi ní ɔmɛ a nɔ. Ni nɛ ɔmɛ a tue gblami maa pee gbeye.”

Marko 3:30

(Yesu de enɛ ɔ, ejakaa ni komɛ ke, “Mumi yayami ngɛ e mi.”)

Luka 12:10

“Nɔ tsuaa nɔ nɛ maa tu munyu kɛ si Nɔmlɔ Bi ɔ, a kɛ maa pa lɛ; se nɔ nɛ maa tu musu bɔmi munyu kɛ si Mumi Klɔuklɔu ɔ, a kɛ be lɛ pae.

2 Tesalonikabi 1:9

A maa gbla a tue, nɛ a hɛ mi ma kpata pɛsɛpɛsɛ kɛ maa ya neneene. A ma je mɛ kɛ je Nyɔmtsɛ ɔ hɛ mi. A be Nyɔmtsɛ ɔ hɛ mi nyami ɔ, kɛ e he wami ɔ nae

Yuda 1:13

A ngɛ kaa wo mi oslɔke nɛ ngɛ kue hamahama, nɛ a zo ní ɔmɛ je kpo paa kaa hwɔli. A ngɛ kaa dodoehi nɛ ngɛ si bɔlee kɛ ngɛ yae kɛ ngɛ bae; nimli nɛ ɔmɛ ɔ, Mawu dla he ko ngɔ to mɛ momo ngɛ gbogboehi a je diblii nɛ mi ti ɔ mi.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.