Marko 2:5 - BAIBLO ALOO NGMAMI KLƆUKLƆU Ɔ

⁵ Yesu na kaa ni ɔmɛ he lɛ ye saminya, lɔ ɔ he ɔ, e de hiɔtsɛ ɔ ke, “Ye bi, a ngɔ o he yayami ɔmɛ kɛ pa mo!”

Somi He Ɔ

⁵ Yesu na a hemi kɛ yemi ɔ hiemi nɛ e de hiɔtsɛ ɔ ke: “Ye bi, a ngɔ o he yayami ɔmɛ ngɔ ke mo!”

Marko 2:5 ပူးပေါင်းရင်းမြစ်များ

Mose I, 22:12

Yawɛ bɔfo ɔ de lɛ ke, “O nine nɛ ko sa niheyo ɔ he; koo pee lɛ nɔ́ ko nɔ́ ko. Jehanɛ lɛɛ i na kaa o yeɔ Mawu gbeye, ejakaa o bi kake too ɔ he nɔ́ dɔɛ mo kaa o kɛ lɛ ma ha Mawu.”

La 103:3

E kɛ ye he yayamihi tsuo paa mi, nɛ e tsaa ye he hiɔhi tsuo.

Yesaya 38:17

Niinɛ, kpakpa nɛ o ngɛ hlae ha mi he je nɛ haomi nɛ nya wa nɛ ɔ ba ye nɔ ɔ nɛ; se o je mi kɛ je hɛ mi kpatami mi; ejakaa o kɛ ye he yayami ɔmɛ tsuo pa mi.

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Mateo 9:2

Kɛkɛ nɛ a kɛ nɔ ko nɛ ngɛ hulemi hiɔ nue fɔ sa nɔ kɛ ba e ngɔ. Benɛ Yesu na bɔ nɛ a hemi kɛ yemi ɔ mi wa ha a, e de hiɔtsɛ ɔ ke, “Ye bi, wlua mo! A kɛ o he yayami ɔmɛ pa mo.”

Mateo 9:22

Yesu plɛ e he, nɛ benɛ e na lɛ ɔ, e de lɛ ke, “Biyo, o tsui nɛ nɔ o mi; o hemi kɛ yemi ɔ tsa mo.” Nɛ yo ɔ na he wami jamɛ a ngmlɛfia a nɔuu.

Mateo 9:5

Hyɛ, kaa a ma de ke, ‘A kɛ o he yayami ɔmɛ pa mo’, aloo, ‘Tee si nɛ o nyɛɛ’ ɔ, te e mi nɔ́ nɛ demi wa nɛɛ?

Marko 2:6

Se mlaa tsɔɔli ɔmɛ ekomɛ nɛ hii si ngɛ lejɛ ɔ susu ngɛ a yi mi ke,

Marko 5:34

Yesu de lɛ ke, “Biyo, o hemi kɛ yemi tsa mo! O hiɔ ɔ nɛ jɔ! Yaa ngɛ he jɔmi mi.”

Luka 5:20

Benɛ Yesu na hemi kɛ yemi nɛ ni ɔmɛ kɛ tsu ní ɔ, e de hiɔtsɛ ɔ ke, “Maminyumu! A kɛ o he yayami ɔmɛ pa mo.”

Luka 8:48

Yesu de lɛ ke, “Biyo, o hemi kɛ yemi tsa mo; yaa ngɛ he jɔmi mi.”

Yohane 2:25

E hia we pohu nɛ nɔ ko nɛ ye nɔmlɔ adesa he odase kɛ tsɔɔ lɛ, ejakaa lɛ nitsɛ e le nɔmlɔ yi mi.

Yohane 5:14

Pee se ɔ, Yesu ya na nyumu ɔ ngɛ sɔlemi we ɔ, nɛ e de lɛ ke, “Bu tue, amlɔ nɛ ɔ nɛ o na he wami nɛ ɔ, koo pee yayami hu. Ke pi jã a, nɔ́ nɛ maa ba o nɔ ɔ maa pe kekle nɔ́ ɔ.”

Ni Tsumi 11:23

Benɛ e ya su lejɛ ɔ, nɛ e na bɔ nɛ Mawu gbaa ni ɔmɛ ɔ, e bua jɔ e he, nɛ e tu munyu tsɔɔ mɛ tsuo ke a ye Nyɔmtsɛ ɔ anɔkuale kɛ a tsui tsuo.

Ni Tsumi 14:9

Benɛ Paulo ngɛ munyu tue ɔ, nyumu ɔ bu lɛ tue saminya. Paulo hyɛ lɛ too, nɛ e na kaa nyumu ɔ ngɛ hemi kɛ yemi kaa a ma tsa lɛ.

Ni Tsumi 5:31

Mawu wo e nɔ, nɛ e ngɔ lɛ kɛ to e hiɔ nɔ, nɛ e pee lɛ hɛ mi nyɛɛlɔ, kɛ kpɔlɔ, konɛ Israel bi nɛ a ná he blɔ nɛ a tsake a tsui, nɛ a ngɔ a he yayami ɔmɛ kɛ pa mɛ.

1 Korintobi 11:30

Enɛ ɔ he nɛ nyɛ ti nihi fuu gbɔjɔ, nɛ a be he wami, nɛ nihi babauu hu gbo ɔ nɛ.

2 Korintobi 2:10

Ke nyɛɛ kɛ nɔ ko he yayami pa lɛ ɔ, kɛkɛ imi hu i kɛ pa lɛ. Ke e hia kaa ma ngɔ nɔ ko he yayami kɛ pa lɛ ɔ, nyɛ he ɔ, i ngɔɔ kɛ paa lɛ; ejakaa i le kaa nɔ́ nɛ i ngɛ pee ɔ, Kristo ngɛ hyɛe.

Efesobi 2:8

Mawu dloomi nya nɛ a he nyɛ yi wami akɛnɛ nyɛ he ye ɔ. Pi dengme ko nɛ nyɛ nitsɛmɛ nyɛ gbo he je; e ji nɔ́ nɛ Mawu ke nyɛ, bɔ nɛ pee nɛ nɔ ko nɔ ko ko fĩa.

Kolosebi 3:13

Ke nɔ ko kɛ e nyɛmi ngɛ sane ko ɔ, nyɛɛ na ha nyɛ sibi, nɛ nyɛ kɛ pa nyɛ he kaa bɔ nɛ Nyɔmtsɛ ɔ hu ngɔ nyɛ he yayami ngɔ pa nyɛ ɔ.

Yakobo 5:15

Ke a sɔle kɛ hemi kɛ yemi ha lɛ kikɛ nɛ ɔ, hiɔtsɛ ɔ ma na he wami. Nyɔmtsɛ ɔ ma tsa lɛ kulaa, nɛ e maa ngɔ yayami tsuo nɛ ngɛ hiɔtsɛ ɔ he ɔ kɛ pa lɛ.