Marko 2:18 - BAIBLO ALOO NGMAMI KLƆUKLƆU Ɔ

¹⁸ Ligbi ko ɔ, Yohane nɔ sɔlelɔ ɔ kaseli ɔmɛ, kɛ Farisi bi ɔmɛ ngɛ hwɔ hae. Ni komɛ ba Yesu ngɔ ba bi lɛ ke, “Mɛni he je nɛ Yohane kaseli ɔmɛ, kɛ Farisi bi ɔmɛ a kaseli ɔmɛ haa hwɔ, se o kaseli ɔmɛ lɛɛ a hɛ́ hwɔ ɔ?”

Somi He Ɔ

¹⁸ Ligbi ko ɔ, Yohane Baptisilɔ ɔ kaseli kɛ Farisifo ɔmɛ a kaseli ɔmɛ ngɛ hwɔ hae. Ni komɛ ba Yesu ngɔ ba bi lɛ ke: “Mɛni he je nɛ Yohane kɛ Farisifo ɔmɛ a kaseli ɔmɛ haa hwɔ, se o kaseli ɔmɛ lɛɛ a hɛ́ hwɔ ɔ?”

Marko 2:18 ပူးပေါင်းရင်းမြစ်များ

Mateo 23:5

Ke a ngɛ nɔ́ ko pee ɔ, kikɛ nɛ ɔ a hɛ ngɛ si poe nɛ a ngɛ hyɛe kaa nihi maa na mɛ lo. Lohwe he womihi nɛ a ngma Mawu munyu ngɛ a nɔ nɛ a fiɔ ngɛ a hɛ nya, kɛ a nine he ɔ, hyɛ bɔ nɛ a bli gbabagbabaa ha! Dekehi hu nɛ ngɛ a tade klɔii ɔmɛ a nya a, hyɛ bɔ nɛ lɔ ɔmɛ hu ka gagaaga ha!

Mateo 6:16

“Jehanɛ ɔ, ke nyɛ ngɛ hwɔ hae ɔ, nyɛ ko pee nyɛ hɛ mi mɔbɔmɔbɔ kaa bɔ nɛ osatotsɛmɛ ɔmɛ peeɔ ɔ. A peeɔ a hɛ mi nyanyaanya, konɛ nihi nɛ a na kaa a ngɛ hwɔ hae. Niinɛ, i ngɛ nyɛ dee ke a nine su a hiɔwo nɔ momo.

Mateo 6:18

Ni kpahi nɛ a ko na kaa nyɛ ngɛ hwɔ hae, ja nyɛ Tsɛ nɛ a nɛ lɛ ɔ pɛ. Kɛkɛ ɔ, nyɛ Tsɛ ɔ nɛ naa nɔ́ nɛ a peeɔ ngɛ laami mi ɔ ma ha nyɛ nɔ́ nɛ ngɛ nyɛ hiae ɔ.

Marko 2:19

Yesu he nɔ ke, “Ke nɔ ko kpee yo nɛ e huɛmɛ ba e he nyami ɔ, anɛ nyɛ susuɔ kaa e maa ha mɛ hwɔ be mi nɛ e kɛ mɛ ngɛ ɔ lo? Be abɔ nɛ ayɛflo huno ɔ kɛ mɛ ngɛ nɛ ɔ, a be hwɔ hae.

Luka 18:12

I haa hwɔ si enyɔ ngɛ otsi mi, nɛ i haa mo níhi tsuo nɛ i naa a mi dlami nyɔngmanyɔngma mi kakaaka.’

Romabi 10:3

Blɔ nɔ nɛ Mawu guu kɛ buu nɔ nɔ nɛ da a, a li, nɛ a hlaa kaa a ma wo mɛ nitsɛmɛ a blɔ. Lɔ ɔ he ɔ, a ngɔɛ a he ngɔ ha we Mawu, konɛ e bu mɛ nihi nɛ da.