Marko 2:16 - BAIBLO ALOO NGMAMI KLƆUKLƆU Ɔ

¹⁶ Mlaa tsɔɔli ɔmɛ ekomɛ nɛ ji Farisi bi ɔmɛ na nɛ Yesu kɛ kikɛmɛ a nimli nɛ ɔmɛ hii si ngɛ ní yee. Lɔ ɔ he ɔ, a bi e kaseli ɔmɛ ke, “Mɛni he je nɛ Nyɔmtsɛ ɔ kɛ nimli kaa kikɛ nɛ ɔ yeɔ ní ɔ?”

Somi He Ɔ

¹⁶ Mlaa tsɔɔli ɔmɛ ekomɛ nɛ ji Farisifo ɔmɛ na kaa Yesu kɛ kikɛmɛ a nimli nɛ ɔmɛ ngɛ ni yee; lɔ ɔ he ɔ, a bi e kaseli ɔmɛ ke: “Mɛni he je nɛ nyɛ nyɔmtsɛ ɔ kɛ onia tsuli kɛ yayami peeli ngɛ ni yee ngɛ nue nɛ ɔ?”

Marko 2:16 ပူးပေါင်းရင်းမြစ်များ

Luka 19:10

Nɔmlɔ Bi ɔ ba, konɛ e ba hla nihi nɛ laa a, nɛ e he a yi wami.”

Luka 18:11

“Farisi no ɔ ya da si ngɛ he ko banee, nɛ e sɔle ke, ‘Mawu, i naa mo si kaa i pee we jiklɔɔ; i sisi we nɔ, nɛ i puɛ we gba kaa bɔ nɛ ni komɛ peeɔ ɔ. I naa mo si ekohu kaa i be kaa tó tsulɔ nɛ ɔ hulɔ.

1 Korintobi 2:15

Nɔmlɔ nɛ mumi ɔ ngɛ e mi ɔ naa nɔ́ tsuaa nɔ́ kaa bɔ nɛ e ngɛ anɔkuale mi ɔ pɛpɛɛpɛ; se lɛɛ nɔ ko nɔ ko li lɛ kɛ pi si.

Ni Tsumi 23:9

Huhui ɔ nya ba wa, nɛ mlaa tsɔɔli ɔmɛ nɛ ngɛ Farisi bi ɔmɛ a se ɔ te si kɛ pɛ wawɛɛ, nɛ a de ke, “Wɔɔ lɛɛ wa nɛ nɔ́ yaya ko ngɛ nɔmlɔ nɛ ɔ he! Alini mumi ko, loo hiɔwe bɔfo ko kɛ lɛ tu munyu niinɛ!”

Luka 19:7

Nihi tsuo nɛ na nɔ́ nɛ ɔ, tu munyu huitihuiti ke, “Nyumu nɛ ɔ ya to yayami peelɔ we mi.”

Yesaya 65:5

Se bɔ nɛ mɛ mohu a deɔ ni kpahi ji, ‘Nyɛɛ hɛ nyɛ kɛ ya se; nyɛ ko ba wa kasa nya; wɔɔ lɛɛ wa he tsɔ!’ Kikɛmɛ a nimli nɛ ɔmɛ ngɛ kaa la su ku nɛ ngɛ ye gugwɔ mi sɛe, kɛ la nɛ ngɛ tsoe daa ligbi!

Hebribi 12:3

Nyɛ susu si nɛ yayami peeli te ngɔ wo lɛ ɔ, kɛ bɔ nɛ e to e tsui si kɛ na nɔ́ wawɛɛ ɔ he, konɛ pɔ ko tɔ nyɛ, nɛ nyɛ kɔni mi ba jɔ̃.

Marko 2:7

“Mɛni e ngɛ dee nɛ ɔ? E ngɛ musu bɔe. Nɔ ko be nyɛe nɛ e kɛ yayami maa pa, ja Mawu pɛ.”

Mateo 18:17

Se ke e bui mɛ hu tue ɔ, yaa sɛɛ ha asafo ɔ. Ke e bɛɛe bui asafo ɔ hu tue ɔ, buu lɛ kaa wɔ jalɔ, loo tó tsulɔ.

Mateo 9:11

Farisi bi komɛ na nɔ́ nɛ ɔ, nɛ a bi e kaseli ɔmɛ ke, “Mɛni he je nyɛ tsɔɔlɔ ɔ, kɛ tó tsuli, kɛ yayami peeli ngɛ ní yee ɔ?”

Mateo 5:46

Ke nyɛ suɔ ni nɛmɛ nɛ suɔ nyɛ ɔ pɛ ɔ, mɛni hiɔwo pa ngɛ ha nyɛ? Anɛ tó tsuli ɔmɛ tete pee we ja nɔuu lo?

Marko 2:15

Pee se ɔ, Yesu kɛ e kaseli ɔmɛ ya ye ní ngɛ Levi we ɔ mi. Tó tsuli, kɛ nihi babauu nɛ a buu mɛ yayami peeli nɛ nyɛɛ Yesu se hu piɛ e kɛ kaseli ɔmɛ a he kɛ ye ní ɔ.

Luka 5:30

Kɛkɛ nɛ Farisi bi komɛ, kɛ mlaa tsɔɔli komɛ tu munyu huitihuiti kɛ si Yesu kaseli ɔmɛ ke, “Mɛni he je nɛ nyɛɛ kɛ tó tsuli, kɛ yayami peeli ngɛ ní yee, nɛ nyɛɛ kɛ mɛ ngɛ ní nue ɔ?”