Marko 2:12 - BAIBLO ALOO NGMAMI KLƆUKLƆU Ɔ

¹² Ngɛ mɛ tsuo a hɛ mi ɔ, nyumu ɔ te si nɔuu; e ngɔ e sa a, nɛ e je kpo. Mɛ tsuo a nya kpɛ a he, nɛ a je Mawu yi ke, “Wa nɛ enɛ ɔ eko hyɛ!”

Somi He Ɔ

¹² A ngɛ lɛ hyɛe nɔuu nɛ nyumu ɔ te si, e hlue e sa a, nɛ e je kpo. Mɛ tsuo a nya kpɛ a he, nɛ a je Mawu yi ke: “Wa nɛ́ enɛ ɔ eko gblee!”

Marko 2:12 ပူးပေါင်းရင်းမြစ်များ

Mateo 12:23

Nimli kpekpemi ɔ a nya kpɛ a he, nɛ a bi ke, “David Bi ɔ ji nɛ ɔ?”

Mateo 15:31

Benɛ ma kpekpemi ɔ na nɛ amuɛti ɔmɛ ngɛ munyu tue, nɛ glɔtsɛmɛ ɔmɛ a he mi wa mɛ, nɛ nihi nɛ hule ɔ ngɛ nyɛɛe, nɛ hɛ yuyuili ɔmɛ ngɛ nɔ́ hyɛe ɔ, a nya kpɛ a he. Nɛ a je Israel Mawu ɔ yi.

Mateo 9:33

Yesu hia mumi yayami ɔ, nɛ amlɔ ɔ, amuɛti ɔ bɔni munyu tumi. Nɔ́ nɛ ɔ pee nimli kpekpemi ɔ nyakpɛ, nɛ a de ke, “A nɛ kikɛmɛ a nɔ́ nɛ ɔ eko hyɛ ngɛ Israel!”

Mateo 9:8

Benɛ ma kpekpemi ɔ na nɔ́ nɛ ɔ, a nya kpɛ a he, nɛ a je Mawu yi kaa e ha nɔmlɔ adesa he wami kaa kikɛ nɛ ɔ.

Marko 1:27

Ni ɔmɛ tsuo nɛ ngɛ kpe he ɔ, a he mi po, nɛ a bɔni a he bimi ke, “Mɛni ji nɛ ɔ? Tsɔɔmi he ko lo? Nɛ he wumi hu ngɛ mi. Nɔmlɔ nɛ ɔ ngɛ he wami nɛ e kɛ ngaa mumi yayamihi a yi nɛ a buɔ lɛ tue!”

Marko 2:11

“I ngɛ mo dee ke, tee si, hluɛ o sa a nɛ o ya we mi!”

Luka 13:13

E ngɔ e nine kɛ pue yo ɔ nɔ, nɛ amlɔ nɔuu ɔ, e mi kpã, nɛ e da tlɔmɔɔ, nɛ e je Mawu yi.

Luka 17:15

Benɛ a ti nɔ kake na kaa a tsa lɛ ɔ, e kpale e se kɛ ba, nɛ e ba je Mawu yi kɛ ngmlaa.

Luka 5:26

Mɛ tsuo a he mi po, nɛ a ye gbeye, nɛ a je Mawu yi, nɛ a de ke, “Wa na nyakpɛ ní mwɔnɛ ɔ!”

Luka 7:16

Gbeye nu ni ɔmɛ tsuo, nɛ a je Mawu yi, nɛ a de ke, “Gbalɔ nguaa ko te si ngɛ wa kpɛti! Mawu ba, konɛ e ba kpɔ wɔ, e ma a!”

Yohane 7:31

Ma mi bi ɔmɛ a ti nihi babauu he Yesu ye, lɔ ɔ he ɔ, a bi ke, “Anɛ Mesia a nɛ maa ba a ma nyɛ to okadi pe nɔmlɔ nɛ ɔ lo?”

Yohane 9:32

Kɛ je benɛ a bɔ je ɔ, nɔ ko nɔ ko nui hyɛ kaa a bli nɔ ko nɛ a fɔ lɛ hɛ yuyuilɔ hɛngmɛ?

Ni Tsumi 4:21

Kɛkɛ nɛ kpe ɔ bɔ mɛ kɔkɔ wawɛɛ pe kekle ɔ po, nɛ a ngmɛɛ a he. A nɛ́ bɔ nɛ a maa pee nɛ a maa gbla a tue; ejakaa ni ɔmɛ tsuo ngɛ Mawu hɛ mi nyami woe ngɛ nɔ́ nɛ a pee ɔ he.