Se nyumu ɔ pue nɔ kɛ ho, nɛ e ya bɔni sane ɔ fiɛmi ngɛ he tsuaa he. Enɛ ɔ ha sane ɔ gbɛ fĩa bɔ nɛ Yesu nyɛ we nɛ e nyɛɛ paa kɛ ya ma ko mi hu; se e hi ngapa he komɛ banee, nɛ nihi jee he tsuaa he kɛ baa e ngɔ.
Jehanɛ Yesu je lejɛ ɔ, nɛ e pue nɔ kɛ ho Tiro kɛ Sidon ní ɔmɛ a mi ya. E ya sɛ we ko mi, nɛ e sume kaa nɔ ko nɛ le kaa e ngɛ lejɛ ɔ; se e nyɛ we e he nɛ e laa.
Yesu de mɛ ke, “I heɔ yeɔ kaa nyɛ maa bu mi abɛ nɛ ɔ ke, ‘Tsopatsɛ, tsa mo nitsɛ o he.’ Nyɛ ma de mi hulɔ ke nihi nɛ nyɛ nu nɛ i pee ngɛ Kapernaum ɔ, ma pee ngɛ hiɛmɛ nɛ ɔ, ngɛ imi nitsɛ ye ma mi.”
Benɛ e ná le kaa Yesu je Yudea kɛ ba Galilea a, e ba e ngɔ, nɛ e ba kpa lɛ pɛɛ ke e binyumu miɔ nɛ e ma gbo, lɔ ɔ he ɔ, a ho Kapernaum ya nɛ e ya tsa lɛ.