Marko 16:6 - BAIBLO ALOO NGMAMI KLƆUKLƆU Ɔ

⁶ Se niheyo ɔ de mɛ ke, “Nyɛ ko ye gbeye! Nyɛ ngɛ Yesu, Nazaret no nɛ a sɛu ɔ hlae; pi jã? E te si! E be hiɛ ɔ. He nɛ a kɛ lɛ fɔ ɔ ji nɛ ɔ nɛ.

Somi He Ɔ

⁶ Se e de mɛ ke. “Nyɛ ko ye gbeye! Nyɛ ngɛ Yesu Nazareno nɛ a sɛu ɔ hlae; e te si, e be hiɛ ɔ; oʼɛ, he nɛ a kɛ lɛ fɔ ɔ ji nɛ ɔ nɛ!

Marko 16:6 ပူးပေါင်းရင်းမြစ်များ

La 71:20

Mo lɛ o ha nɛ i na amanehlu babauu, mo nɔuu lɛ o ma ha ye yi ma na wami ekohu. O maa kpale mi kɛ je gbeje kɛ ba je mi ekohu.

Abɛ Womi 8:17

Nihi nɛ suɔ mi ɔ, imi hu i suɔ mɛ; nɔ tsuaa nɔ nɛ hlaa ye se blɔ ɔ, e maa na mi.

Mateo 12:40

Bɔ nɛ Yona ye nyɔ kɛ pia ligbi etɛ ngɛ wo mi lo nguaa a muklii mi ɔ, jã Nɔmlɔ Bi ɔ maa ye nyɔ kɛ pia ligbi etɛ ngɛ zu mi.

Marko 1:24

“Yesu Nazaret no, mɛni sane waa kɛ mo ngɛ? O ba nɛ o ba kpata wa hɛ mi; pi ja? I le mo tsɔ! Mo ji Mawu tsɔlɔ klɔuklɔu ɔ nɛ.”

Marko 1:27

Ni ɔmɛ tsuo nɛ ngɛ kpe he ɔ, a he mi po, nɛ a bɔni a he bimi ke, “Mɛni ji nɛ ɔ? Tsɔɔmi he ko lo? Nɛ he wumi hu ngɛ mi. Nɔmlɔ nɛ ɔ ngɛ he wami nɛ e kɛ ngaa mumi yayamihi a yi nɛ a buɔ lɛ tue!”

Marko 10:34

Ni nɛ ɔmɛ maa ye e he fɛu, nɛ a maa la lada ngɔ pue e nɔ. A maa fia lɛ kplibi, nɛ a maa gbe lɛ; se ligbi etɛ se ɔ, e maa te si kɛ ba wami mi ekohu.”

Marko 14:33

Yesu ngɔ Petro, Yakobo, kɛ Yohane ngɔ piɛ e he kɛ ho. Gbeye nu lɛ, nɛ e hao wawɛɛ.

Marko 9:15

Benɛ ni ɔmɛ na Yesu ɔ, e pee mɛ nyakpɛ, nɛ a sa fo kɛ ba e ngɔ ba fɔ lɛ.

Luka 24:46

E de mɛ ke, “Bɔ nɛ a ngma ji kaa ja a gbe Kristo ɔ, nɛ e te si kɛ je gbeje ligbi etɛ se.

Ni Tsumi 2:24

Se Mawu tle lɛ si kɛ je gbeje; e kpɔ lɛ ngɛ gbenɔ nya mi, ejakaa gbenɔ be e nya nyɛe maa tsi kɔkɔɔkɔ.

Ni Tsumi 4:10

lɔ ɔ lɛɛ nɔ́ nɛ sa nɛ nyɛ tsuo nyɛɛ le, nɛ Israel ma kpekpemi ɔ tsuo hu nɛ na nɛ a le ji nɛ ɔ nɛ. Nɔmlɔ nɛ a tsa lɛ nɛ daa si ngɛ nyɛ hɛ mi nɛ ɔ, Yesu Kristo, Nazaret no ɔ he wami nya nɛ a tsa lɛ. Nyɛɛ lɛɛ nyɛ sɛu Yesu ɔ, se Mawu tle lɛ si kɛ je gbeje.