Marko 16:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ a sɛ yɔkɔ ɔ mi, nɛ a na niheyo ko nɛ hii si ngɛ hiɔ nɔ je kɛ e he tade hiɔ klɔii. Enɛ ɔ ha nɛ a ye gbeye.

Somi He Ɔ

⁵ Nɛ benɛ a sɛ yɔkɔ ɔ mi ɔ, a na niheyo ko nɛ hii si ngɛ nɔ hiɛ ɔ nɔ je nɛ e wo tade hiɔ gagaaga; nɛ a hɛli si.

Marko 16:5 ပူးပေါင်းရင်းမြစ်များ

Daniel 10:12

Kɛkɛ nɛ e de mi ke, “Daniel, koo ye gbeye. Kɛ je kekleekle ligbi ɔ nɛ o to kaa o maa ba o he si ha o Mawu ɔ, konɛ o nu níhi a sisi ɔ, jamɛ a be ɔ tɔɔ Mawu nu o kue fami ɔ. Nɛ lɔ ɔ he i ba hiɛ ɔ nɛ.

Daniel 8:17

Kɛkɛ nɛ Gabriel ba da si ngɛ ye kasa nya. Benɛ e ba a, ye tsui po, nɛ i kɛ ye hɛ mi bu si. Gabriel de mi ke, “Nɔmlɔ adesa, na nɛ o le kaa nina a kɔɔ je mi nyagbe he.”

Mateo 28:3

E hɛ mi ngɛ kpɛe kaa oslabai la, nɛ e tade ɔ hu hiɛ futafuta kaa kalo.

Marko 1:27

Ni ɔmɛ tsuo nɛ ngɛ kpe he ɔ, a he mi po, nɛ a bɔni a he bimi ke, “Mɛni ji nɛ ɔ? Tsɔɔmi he ko lo? Nɛ he wumi hu ngɛ mi. Nɔmlɔ nɛ ɔ ngɛ he wami nɛ e kɛ ngaa mumi yayamihi a yi nɛ a buɔ lɛ tue!”

Marko 14:33

Yesu ngɔ Petro, Yakobo, kɛ Yohane ngɔ piɛ e he kɛ ho. Gbeye nu lɛ, nɛ e hao wawɛɛ.

Marko 9:15

Benɛ ni ɔmɛ na Yesu ɔ, e pee mɛ nyakpɛ, nɛ a sa fo kɛ ba e ngɔ ba fɔ lɛ.

Luka 1:12

Benɛ Zakaria na bɔfo ɔ, e tsui po, nɛ e ye gbeye.

Yohane 20:8

Jehanɛ ɔ, kaselɔ kaketsɛ ɔ nɛ su lejɛ ɔ kekle ɔ hu sɛ yɔkɔ ɔ mi; nɛ benɛ e na ní nɛ ɔmɛ ɔ, e he ye.