Marko 16:18 - BAIBLO ALOO NGMAMI KLƆUKLƆU Ɔ

¹⁸ ke a ta sinɔ he, loo a nu duɔ po, nɔ́ ko nɔ́ ko be mɛ pee; a kɛ a ninehi ma pue hiɔtsɛmɛ a nɔ, nɛ a he maa wa mɛ.”

Somi He Ɔ

¹⁸ a ma wo sinɔhi a nɔ; nɛ ke a nu nɔ́ ko nɛ gbee nɔ ɔ, e be mɛ yayami ko pee; a kɛ a ninehi ma pue hiɔtsɛmɛ a nɔ, nɛ a he maa wa mɛ.

Marko 16:18 ပူးပေါင်းရင်းမြစ်များ

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

La 91:13

O maa naa jata, kɛ sanga nɔ; o maa naa jata bi kɛ sinɔ nɔ.

Marko 5:23

nɛ e fa kue wawɛɛ ha lɛ ke, “Ye biyo wayoo miɔ nɛ e ma gbo. Ba nɛ o kɛ o nine ba pue e nɔ, konɛ e na he wami, nɛ e yi nɛ na wa.”

Luka 10:19

Nyɛɛ bu tue! I ha nyɛ he wami nɛ nyɛɛ kɛ maa naa sinɔhi, kɛ nyingmogblakotohi a nɔ. Nyɛ maa ye he nyɛlɔ ɔ he wami ɔ tsuo nɔ, nɛ nɔ́ ko nɔ́ ko be nyɛ pee.

Ni Tsumi 19:12

A ngɔɔ dukuhi, kɛ tade hɛ mi hami bohi tete nɛ Paulo he sa he kɛ ya haa hiɔtsɛmɛ a nɔ, kɛkɛ ɔ, hiɔ taa; nɛ mumi yayami ɔmɛ jee a mi.

Ni Tsumi 3:12

Benɛ Petro na ni ɔmɛ ɔ, e de mɛ ke, “Ye nyɛmimɛ Israel fɔfɔɛhi, mɛni he je nyɛ hɛ mi pee nyɛ yaa? Mɛni he je nyɛ ngɛ wɔ hyɛe gaa kikɛ nɛ ɔ? Nyɛ susu kaa wɔ nitsɛmɛ wa he wami, aloo wa Mawu nɛ wa jaa saminya he je nɛ nyumu nɛ ɔ ngɛ nyɛɛe nɛ ɔ?

Ni Tsumi 3:16

E he wami nya nɛ a tsa glɔtsɛ nɛ ɔ nɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ná le nɛ ɔ, a nyɛ́ pee akɛnɛ a heɔ lɛ yeɔ. E he Yesu ye, lɔ ɔ he nɛ e na he wami kaa bɔ nɛ nyɛ tsuo nyɛ ngɛ hyɛe ɔ nɛ.

Ni Tsumi 4:10

lɔ ɔ lɛɛ nɔ́ nɛ sa nɛ nyɛ tsuo nyɛɛ le, nɛ Israel ma kpekpemi ɔ tsuo hu nɛ na nɛ a le ji nɛ ɔ nɛ. Nɔmlɔ nɛ a tsa lɛ nɛ daa si ngɛ nyɛ hɛ mi nɛ ɔ, Yesu Kristo, Nazaret no ɔ he wami nya nɛ a tsa lɛ. Nyɛɛ lɛɛ nyɛ sɛu Yesu ɔ, se Mawu tle lɛ si kɛ je gbeje.

Ni Tsumi 4:22

Nɔmlɔ nɛ a gu kikɛmɛ a nyakpɛ blɔ nɔ kɛ tsa lɛ ɔ ye pe jeha nyingmi eywiɛ.

Ni Tsumi 4:30

Je o he wami kpo, nɛ o ha a tsa nihi, nɛ a ngɔ Yesu, o tsɔlɔ klɔuklɔu ɔ biɛ kɛ pee okadihi, kɛ nyakpɛ níhi.”

Ni Tsumi 9:34

Kɛkɛ nɛ Petro de lɛ ke, “Aenea, Yesu Kristo tsa mo; tee si nɛ o hluɛ o sa a!” Aenea te si amlɔ.

Romabi 16:20

E be kɛe kulaa nɛ he jɔmi Mawu ɔ ma kpata Abosiami hɛ mi, nɛ wa maa ye e nɔ. Wa Nyɔmtsɛ Yesu Kristo dloomi ɔ kɛ nyɛ nɛ hi si.

1 Korintobi 12:9

Mumi kake too ɔ haa nɔ ko hemi kɛ yemi, nɛ e haa nɔ kpa he wami nɛ e kɛ tsaa hiɔ.