Marko 16:17 - BAIBLO ALOO NGMAMI KLƆUKLƆU Ɔ

¹⁷ Ni nɛmɛ nɛ ma he ye ɔ, a ma ha mɛ he wami nɛ a kɛ maa pee nyakpɛ ní nɛ ɔmɛ: a maa hia mumi yayamihi ngɛ ye biɛ mi; a maa tu munyu ngɛ gbi kpahi a mi;

Somi He Ɔ

¹⁷ Se okadihi nɛ maa nyɛɛ ninɛmɛ nɛ heɔ yeɔ ɔmɛ a se ji nɛ ɔmɛ nɛ: Ye biɛ mi ɔ, sa maa hia mumi yayamihi; a maa tu munyu hehi;

Marko 16:17 ပူးပေါင်းရင်းမြစ်များ

Marko 9:38

Yohane de lɛ ke, “Tsɔɔlɔ, wa na nɔ ko nɛ e kɛ o biɛ ngɛ mumi yayami hiae, nɛ wa tsi lɛ blɔ, ejakaa e piɛ we wa he kɛ nyɛɛ o se.”

Luka 10:17

Ni nyingmi kpaago kɛ enyɔ ɔmɛ kpale kɛ ba kɛ bua jɔmi babauu. A ba de ke, “Nyɔmtsɛ, mumi yayamihi tete bu wɔ tue benɛ waa kɛ o biɛ hia mɛ ɔ!”

Yohane 14:12

I ngɛ nyɛ dee anɔkuale mi ke, nɔ tsuaa nɔ nɛ heɔ mi yeɔ ɔ, níhi nɛ i tsuɔ kɛ toɔ okadi ɔ, lɛ hu e ma tsu. Ee, e maa pee níhi nɛ pe enɛ ɔmɛ tete po, ejakaa i je kɛ yaa Tsaatsɛ ngɔ.

Ni Tsumi 10:46

Ejakaa a nu kaa a ngɛ ma se gbi slɔɔtohi tue, nɛ a ngɛ Mawu yi jee. Kɛkɛ nɛ Petro wo e gbi nɔ nɛ e de ke,

Ni Tsumi 16:18

E pee enɛ ɔ hluu kɛ ya si Paulo mi mi wo la, nɛ e plɛ e he nɛ e de mumi ɔ ke, “I ngɛ mo fae ngɛ Yesu Kristo biɛ mi ke o je e mi.” Amlɔ nɔuu ɔ, mumi ɔ je yiheyo ɔ mi.

Ni Tsumi 19:6

Paulo kɛ e nine pue a nɔ, kɛkɛ nɛ a na Mumi Klɔuklɔu ɔ. A tu munyu ngɛ gbihi nɛ a nui mi, nɛ a fiɛ Mawu sɛ gbi ɔ.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Ni Tsumi 5:16

Nihi jeɔ mahi nɛ bɔle Yerusalem ɔ a mi kɛ baa. A kɛ hiɔtsɛmɛ, kɛ nihi nɛ mumi yayamihi ngɛ mɛ haoe ɔ baa, nɛ bɔfo ɔmɛ tsaa hiɔtsɛmɛ ɔmɛ, nɛ a hiaa mumi yayami ɔmɛ hulɔ.

Ni Tsumi 8:7

Nihi fuu nɛ mumi yayamihi ngɛ a mi ɔ, mumi ɔmɛ kpa ngmlaa wawɛɛ kɛ je a mi. A tsa nihi nɛ hule pue si, kɛ glɔtsɛmɛ babauu.

1 Korintobi 12:10

Mumi ɔ haa nɔ ko he wami nɛ e kɛ tsuɔ nyakpɛ ní, nɛ e haa nɔ ko hu he wami nɛ e kɛ fiɛɔ Mawu sɛ gbi ɔ. Mumi ɔ haa nɔ kpa hu he wami nɛ e kɛ kpaa mumi slɔɔtohi a si. Mumi ɔ haa nɔ ko he wami nɛ e kɛ tuɔ gbi slɔɔtohi, nɛ e haa nɔ kpa hu he wami nɛ a kɛ tsɔɔ kikɛmɛ a gbi nɛ ɔmɛ a sisi.

1 Korintobi 12:28

Mawu ngɔ he ní nɛ ɔmɛ tsuo ngɔ to a blɔ hehi ngɛ asafo ɔ mi, kɛ je kekleekle blɔ he kɛ ya si nyagbe nɔ́. Mɛ ji bɔfohi, Mawu sɛ gbi fiɛli, kɛ tsɔɔli. Nihi nɛ ba ngɛ a se ji nyakpɛ ní peeli, nihi nɛ a ha mɛ he wami nɛ a kɛ tsuɔ ní komɛ, nɔ́ nɛ á kɛ tsaa nɔ, loo a kɛ yeɔ bua ni kpahi, loo a kɛ toɔ blɔ nya saminya, loo a kɛ tuɔ gbi slɔɔtohi.

1 Korintobi 12:30

Pi nɔ tsuaa nɔ nɛ ngɛ he wami nɛ a kɛ tsaa hiɔ, loo a kɛ tuɔ gbi slɔɔtohi. Pi nɔ tsuaa nɔ ko hu nɛ ngɛ he wami nɛ a kɛ tsɔɔ gbi sisi.

1 Korintobi 13:1

Ke i nyɛɔ nɛ i tuɔ adesahi a gbihi, loo hiɔwe bɔfohi po a gbihi, se i be suɔmi ɔ, lɛɛ i ngɛ kaa gɔ̃gɔ̃, loo ngmlɛ nɛ ngɛ pɛe gegeege kɛkɛ.

1 Korintobi 14:2

Nɔ nɛ tuɔ gbi slɔɔtohi ɔ, pi adesa nɛ e kɛ ngɛ munyu tue, se Mawu, ejakaa nɔ ko nɔ ko nui sisi. Mumi ɔ he wami nɛ e kɛ ngɛ laami munyu ɔmɛ tue ɔ nɛ.