Marko 16:14 - BAIBLO ALOO NGMAMI KLƆUKLƆU Ɔ

¹⁴ Pee se ɔ, Yesu je e he kpo tsɔɔ ni nyɔngma kɛ kake ɔmɛ nitsɛmɛ benɛ a hii si nɛ a ngɛ ní yee. E ka a hɛ mi, ejakaa nihi nɛ na lɛ benɛ e te si ɔ, a he we mɛ yi, nɛ a wa tue hulɔ.

Somi He Ɔ

¹⁴ Pee se ɔ e je e he kpo tsɔɔ ni nyɔngma kɛ kake ɔ nitsɛ, benɛ a hii si ngɛ niye ni he ɔ, nɛ e ka a hɛ mi ngɛ hemi nɛ a he we yi kɛ a tsui wami ɔ he, ejakaa a he we nihi nɛ na lɛ ngɛ e sitemi ɔ se ɔ yi.

Marko 16:14 ပူးပေါင်းရင်းမြစ်များ

Mose IV, 14:11

Yawɛ bi Mose ke, “Kɛ yaa si mɛni be ma nɛ ɔ ma kua mi? Kɛ yaa si mɛni be loko a ma he mi maa ye ngɛ okadihi babauu nɛ i pee ngɛ a kpɛti ɔ he?

Mateo 11:20

Mahi nɛ Yesu tsu nyakpɛ ní babauu ngɛ a mi ɔ, nihi nɛ ngɛ jamɛ a ma amɛ a mi ɔ tsakee we a tsui. Enɛ ɔ he je ɔ, Yesu ka a hɛ mi, nɛ e de ke,

Mateo 17:20

Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Mateo 28:17

Benɛ a na lɛ ɔ, a kpla si nɛ a ja lɛ; se ni komɛ je nɔ́.

Marko 7:18

E de mɛ ke, “Anɛ kikɛ nɛ ɔ nyɛ hu nyɛ nui nɔ sisi! Nyɛ nɛ́ kaa nɔ́ tsuaa nɔ́ nɛ jeɔ kpo nɔ blɔ sɛɔ nɔmlɔ mi ɔ nyɛ we lɛ blemi,

Luka 24:11

Bɔfo ɔmɛ ngɔ nɔ́ nɛ yi ɔmɛ ba de mɛ ɔ kaa nyazia, nɛ a he we yi. [

Luka 24:25

Kɛkɛ nɛ Yesu de mɛ ke, “Kuasiahi nɛ nyɛ sume kaa nyɛ ma he níhi tsuo nɛ gbali ɔmɛ de ɔ maa ye!

Yohane 20:25

Lɔ ɔ he ɔ, kaseli kpa amɛ de lɛ pee se ke, “Wa na Nyɔmtsɛ ɔ!” Se Toma de mɛ ke, “Ja i na e dɛ mi plɛɛko pa amɛ nɛ i kɛ ye nine nguɛ slaa a nya, nɛ i ngɔ ye nine hɔ e kasa mi ɔ hulɔ loko ma he ye.”

Yohane 20:26

Ligbi kpaanyɔ se ɔ, kaseli ɔmɛ bua a he nya ekohu ngɛ tsu mi, nɛ Toma piɛ a he. A nga sinya amɛ, se Yesu ba nɛ e ba da si ngɛ a kpɛti, nɛ e de ke, “Nyɛ he manye!”

Yohane 20:27

Jehanɛ, e de Toma ke, “Ngɔɔ o nine nguɛ ba slaa ye dɛ mi nɛ o hyɛ; nɛ o kɛ o nine ba hɔ ye kasa mi. Kpa nɔ jemi, nɛ o he ye!”

Yohane 21:1

Pee se ɔ, Yesu kpale je e he kpo tsɔɔ kaseli ɔmɛ ekohu ngɛ Tiberia wo ɔ nya. Bɔ nɛ e ba mi ha ji nɛ ɔ nɛ.

Yohane 21:14

Enɛ ɔ ji si etɛ nɛ Yesu je e he kpo tsɔɔ kaseli ɔmɛ benɛ Mawu tle lɛ si kɛ je gbeje ɔ se.

Ni Tsumi 1:3

E gbenɔ se kekleekle ligbi nyingmi eywiɛ ɔmɛ ɔ, e gu blɔhi fuu a nɔ je e he kpo tsɔɔ bɔfo ɔmɛ kaa e ngɛ wami mi kɛ mwɔɔ. A na lɛ, nɛ e kɛ mɛ sɛɛ Mawu matsɛ yemi ɔ he ní.

1 Korintobi 15:5

E jé e he kpo ngɔ tsɔɔ Petro; nɛ pee se ɔ, e jé e he kpo ngɔ tsɔɔ ni nyɔngma kɛ enyɔ ɔmɛ.

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.