Marko 16:10 - BAIBLO ALOO NGMAMI KLƆUKLƆU Ɔ

¹⁰ Maria ho nɛ e ya sɛɛ ha Yesu huɛmɛ ɔmɛ. E ya na mɛ nɛ a wo yana nɛ a ngɛ awe nyae.

Somi He Ɔ

¹⁰ Nɛ lɛ e ya nɛ e ya sɛɛ ngɔ ha nihi nɛ kɛ lɛ hi si nɛ a ngɛ kɔmɔ yee nɛ a ngɛ ya foe ɔ.

Marko 16:10 ပူးပေါင်းရင်းမြစ်များ

Yohane 20:18

Maria Magdalena ya nɛ e ya sɛɛ ha kaseli ɔmɛ ke e na Nyɔmtsɛ ɔ, nɛ e bɔ mɛ níhi tsuo nɛ Yesu de lɛ ɔ.

Yohane 16:6

Se nɛ i de nyɛ ní nɛ ɔmɛ ɔ, nyɛ ngɛ tsui yee.

Luka 24:17

Yesu bi mɛ ke, “Mɛni nyɛ ngɛ sɛɛe ngɛ blɔ ɔ nɔ ɔ?” A da si kɛ a hɛ mi mɔbɔmɔbɔ.

Marko 14:72

Amlɔ ɔ, kungwɔ kpa nɔ́ si enyɔne; nɛ Petro kai munyu nɛ Yesu de lɛ ke, “Kungwɔ be nɔ kpae si enyɔ nɛ o ma de si etɛ ke o li mi” ɔ. Benɛ Petro kai nɔ́ nɛ ɔ, e hao, kɛkɛ nɛ e wo ya.

Mateo 9:15

Yesu he nɔ ke, “Ke a fɔ̃ nihi nine kɛ ya yo kpeemi ɔ, anɛ a maa ye kɔmɔ be abɔ nɛ ayɛflo huno ɔ kɛ mɛ ngɛ ɔ lo? Dɛbi! Be maa ba nɛ a maa ngɔ ayɛflo huno ɔ kɛ je a kpɛti kɛ ho; jamɛ a be ɔ loko a maa ha hwɔ.

Mateo 24:30

Kɛkɛ ɔ, Nɔmlɔ Bi ɔ we okadi ɔ maa je kpo ngɛ hiɔwe. Zugba a nɔ wɛtso ɔmɛ tsuo maa na Nɔmlɔ Bi ɔ nɛ ma ngɛ hiɔwe bɔku ɔmɛ a mi kɛ he wami, kɛ hɛ mi nyami babauu. Nɛ mɛ tsuo pɛpɛɛpɛ a maa wo yana.

Mateo 19:22

Benɛ niheyo ɔ nu nɔ́ nɛ ɔ, e kɛ aywilɛho je lejɛ ɔ; ejakaa e ngɛ ní babauu.