Marko 15:46 - BAIBLO ALOO NGMAMI KLƆUKLƆU Ɔ

⁴⁶ Yosef ya he kploba; nɛ e ba je Yesu gbogboe ɔ kɛ je tso ɔ nɔ. E kɛ kploba a ha he, nɛ e ya to lɛ ngɛ yɔkɔ ko mi. Tɛ sa mi a kpɛ yɔkɔ ɔ ngɛ, nɛ a kpɛne tɛ kɛ tsi muɔ ɔ nya.

Somi He Ɔ

⁴⁶ Nɛ Yosef ya he kploba, nɛ e ba je lɛ kɛ kple si nɛ e kɛ kploba a ha e he, nɛ e kɛ lɛ ya fɔ yɔkɔ nɛ a kpɛ ngɛ tɛ sa mi ɔ mi, nɛ e kpɛne tɛ ko kɛ tsi muɔ ɔ nya.

Marko 15:46 ပူးပေါင်းရင်းမြစ်များ

Yesaya 53:9

E gbo ngɛ yayami peeli a kpɛti, nɛ a pu lɛ ngɛ niatsɛ ko yɔkɔ mi; se anɔkuale mi ɔ, e yi nɔ ko awi hyɛ, nɛ lakpa ko hu ji e nya hyɛ.”

Yohane 11:38

Yesu hao ngɛ mumi mi ekohu, nɛ e pue nɔ kɛ ho yɔkɔ ɔ he ya. Tɛ puɔ nɛ a ngɔ tɛ kɛ tsi nya ji yɔkɔ ɔ.

Yesaya 22:16

“Kɛ o susuu ngɛ o he kɛɛ? Mɛnɔ ji mo? Mɛnɔ ha mo he blɔ kaa o kpɛ yɔkɔ ha o he ngɛ tɛ sa mi ngɛ yoku nɛ ɔ he?

Luka 23:53

E ya je gbogboe ɔ kɛ kple si, nɛ e ngɔ kploba ngɔ blaa lɛ, nɛ e ya to lɛ ngɛ yɔkɔ ko mi. Yɔkɔ nɛ ɔ, a kpɛ ngɛ tɛ sa mi, nɛ a tui nɔ ngɛ mi hyɛ.

Mateo 28:2

Tlukaa a, zugba mimiɛ wawɛɛ; Nyɔmtsɛ ɔ bɔfo je hiɔwe kple si, nɛ e ba kpɛne tɛ ɔ kɛ je muɔ ɔ nya, nɛ e hi nɔ.

Marko 15:45

Benɛ e ná le enɛ ɔ kɛ je asafoatsɛ ɔ nya a, e fa kaa a ngɔ Yesu gbogboe ɔ kɛ ha Yosef.

Marko 15:47

Maria Magdalena, kɛ Maria, Yose nyɛ ɔ daa si nɛ a ngɛ hyɛe he nɛ a to Yesu gbogboe ɔ ngɛ ɔ.

Yohane 11:41

Jehanɛ a je tɛ ɔ; kɛkɛ nɛ Yesu wo e hɛ nɔ nɛ e hyɛ hiɔwe, nɛ e de ke, “Tsaatsɛ, i naa mo si kaa o buɔ mi tue.

Yohane 20:1

Otsi ɔ we kekleekle ligbi ɔ makɛ mla, benɛ je mi tsɔ we lolo ɔ, Maria Magdalena ba yɔkɔ ɔ he, nɛ e na kaa a je tɛ ɔ kɛ je yɔkɔ ɔ nya.