Marko 15:10 - BAIBLO ALOO NGMAMI KLƆUKLƆU Ɔ

¹⁰ E le faii kaa ninyɛ he je nɛ osɔfo nikɔtɔma amɛ nu Yesu kɛ ba ha lɛ ɔ nɛ.

Somi He Ɔ

¹⁰ Ejakaa e le kaa ninyɛ he je nɛ esɔfo nikɔtɔma amɛ nu lɛ kɛ ba ha lɛ ɔ nɛ.

Marko 15:10 ပူးပေါင်းရင်းမြစ်များ

Mose I, 37:11

Yosef nyɛmimɛ ɔmɛ a mi mi wo la wawɛɛ nitsɛ, se e tsɛ ɔ lɛɛ daa nɛ ɔ, e ngɛ sane ɔmɛ a he susue.

Abɛ Womi 27:4

Mi mi la puɛɔ ní wawɛɛ nitsɛ; nɛ muklii mi fumi hu nɔ́ pe, se hunga jemi lɛɛ e nɔ nya hi dami.

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Mateo 27:18

E le kaa Yuda nimeli ɔmɛ ngɔ Yesu ngɔ ha, ejakaa a nyɛ lɛ kaa e biɛ he si.

Marko 15:11

Se osɔfo nikɔtɔma amɛ wo ma a yi mi ke a bi lɛ ke e ngmɛɛ Baraba mohu he ngɔ ha mɛ.

Marko 15:9

e he nɔ nɛ e bi mɛ ke, “Nyɛ suɔ kaa ma ngmɛɛ Yuda bi ɔmɛ a matsɛ ɔ he ha nyɛ lo?”

Ni Tsumi 13:45

Se benɛ Yuda bi ɔmɛ na ma kpekpemi ɔ, hunga jemi sɛ a mi. A tu munyu yaya kɛ bɔ musu kɛ si Paulo, kɛ níhi nɛ e ngɛ dee ɔ.

Tito 3:3

Ejakaa sa a, wɔ nitsɛmɛ hu wa je kuasia; wa gbo tue, nɛ wa tla blɔ. Wa ya di akɔnɔ yaya, kɛ he lo mi níhi nɛ haa wɔ bua jɔmi a se. Wa susuu nihi a he yayami, nɛ wa hɛ kɔ̃ɔ̃; nɔ́ peeɔ wɔ tai, nɛ wa nyɛɛ wa sibi.

Yakobo 4:5

Anɛ nyɛ susuu kaa yaka gu nɛ a ngma ke, “Mumi nɛ Mawu ngɔ wo wa mi ɔ, e jeɔ he hunga wawɛɛ” ɔ?

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.