Marko 14:65 - BAIBLO ALOO NGMAMI KLƆUKLƆU Ɔ

⁶⁵ A ti ni komɛ su lada pue Yesu nɔ; a kɛ bo fi e hɛ mi, nɛ a bɔni lɛ kongomi; nɛ a bi lɛ ke, “Mɛnɔ gba mo ma a?” Tsɔɔ wɔ. Buli ɔmɛ bu pue e nɔ nɛ a bɔni lɛ ma gbami kpoto kpoto.

Somi He Ɔ

⁶⁵ Nɛ ni komɛ bɔni lada lami kɛ e nɔ puemi; nɛ a fi e hɛ mi nɛ a hɛɛ lɛ ni, nɛ a de lɛ ke: “Gbaa!” Nɛ we mi sɔmɔli ɔmɛ pue e nɔ kɛ lɛ ma gbami.

Marko 14:65 ပူးပေါင်းရင်းမြစ်များ

Kronika II, 18:23

Kɛkɛ nɛ gbalɔ Zedekia, Kenaana binyumu ɔ ho nɛ e ya gba Mikaya hɛ mi ma, nɛ e bi lɛ ke, “Mɛni be nɛ Yawɛ mumi ɔ je ye nɔ nɛ e kɛ mo ba tu munyu?”

Ester 7:8

Benɛ e ya bu si ngɛ Manyɛ Ester sɛ ɔ nɔ ɔ, matsɛ ɔ kpale e se kɛ je abɔɔ ɔ mi kɛ ba tsu ɔ mi. Benɛ matsɛ ɔ na nɔ́ nɛ ɔ, e kpa ngmlaa ke, “Anɛ nyumu nɛ ɔ ngɛ hlae nɛ e tua manyɛ ɔ ngɛ hiɛ ɔ, ngɛ ye hɛ mi, ngɛ imi nitsɛ ye we mi lo?” Matsɛ ɔ nya nɔɛ si tete nɛ nihi nɛ a puɛ mɛ ɔ kɛ nɔ́ ko ba ha Haman hɛ mi.

Hiob 30:10

A hɛ mɛ kɛ je ye kasa nya; a hiee mi. Ke a hyɛ mi kɛkɛ a la lada pue ye nɔ.

Yesaya 50:6

I ngmɛ blɔ nɛ a fia ye se mi kpa; a jɛ mi; a hia ye kpɛni si bwɔmi, nɛ a su lada ngɔ pue ye hɛ mi kɛ pue ye hɛ mi si.

Yesaya 52:14

Nihi babauu nɛ na lɛ ɔ, a he mi po; ejakaa a puɛ e nɔmlɔ tso subai ɔ kulaa; ke o hyɛ lɛ ɔ, e slo lɛ kulaa ngɛ adesa he!

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Mika 5:1

Nyɛ Yerusalem bi, nyɛ bua nyɛ he nya! A sa ma a yi! A ba tua Israel hɛ mi nyɛɛlɔ ɔ!

Mose IV, 12:14

Se Yawɛ de Mose ke, “Ke Miriam tsɛ su lada pue e hɛ mi ɔ, anɛ e kɛ zo be e he lae ligbi kpaago lo? A je lɛ kɛ je sito he ɔ, nɛ a ya tsi e nya ligbi kpaago loko a ngɔ lɛ kɛ ba ekohu.”

Mateo 27:30

A su lada ngɔ pue e nɔ, nɛ a he tso ɔ ngɛ e dɛ nɛ a kɛ fia e yi mi.

Marko 10:34

Ni nɛ ɔmɛ maa ye e he fɛu, nɛ a maa la lada ngɔ pue e nɔ. A maa fia lɛ kplibi, nɛ a maa gbe lɛ; se ligbi etɛ se ɔ, e maa te si kɛ ba wami mi ekohu.”

Marko 15:19

Kɛkɛ nɛ a kɛ tso fia e yi mi, nɛ a su lada ngɔ pue e nɔ, nɛ a kpla si ha lɛ kaa pe a ngɛ lɛ jae.

Yohane 18:22

Benɛ Yesu de enɛ ɔ, tsɔli ɔmɛ nɛ ngɛ lejɛ ɔ a ti nɔ kake gba lɛ ma, nɛ e de lɛ ke, “Heto nɛ o ha osɔfo nɔkɔtɔma pe kulaa a ji nɛ ɔ?”

Yohane 19:3

nɛ a kplã si ngɛ e hɛ mi, nɛ a ye e he fɛu ke, “Yuda bi a matsɛ, manye oo manye!” Nɛ a gba e hɛ mi ma.

Ni Tsumi 23:2

Kɛkɛ nɛ Anania, osɔfo nɔkɔtɔma pe kulaa a fa nihi nɛ daa si ngɛ e kasa nya a ke a gba e nya ma.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.