Marko 14:61 - BAIBLO ALOO NGMAMI KLƆUKLƆU Ɔ

⁶¹ Se Yesu kpɛ we e kuɔ si, hluu nɛ e maa pã e nya mi po. Osɔfo nɔkɔtɔma pe kulaa a kpale bi lɛ ekohu ke, “Mo ji Kristo ɔ? Mo ji Mawu Bi ɔ nɛ a gbaa?”

Somi He Ɔ

⁶¹ Se e kpɛ we e kuɔ si nɛ e ha we heto. Osɔfo nɔkɔtɔma a kpale bi lɛ ekohu ke: “Mo ji Kristo, nɔ nɛ a gbaa a bi ɔ lo?”

Marko 14:61 ပူးပေါင်းရင်းမြစ်များ

Marko 15:2

Pilato bi lɛ ke, “Mo ji Yuda bi ɔmɛ a matsɛ ɔ?” Yesu he nɔ ke, “Ja o de ɔ nɛ!”

Yesaya 53:7

“A wa lɛ yi mi, nɛ a pi lɛ; se e kpɛ we e kuɔ si! A kpaka lɛ kɛ ho kaa to bi nɛ a yaa gbe. Nɛ bɔ nɛ jijɔ peeɔ kpoo ngɛ e he bwɔmi salɔ hɛ mi ɔ, ja nɔuu e kpɛ we e kuɔ si.

Yohane 19:7

Yuda bi ɔmɛ he nɔ ke, “Wɔɔ lɛɛ wa ngɛ mlaa, nɛ wa mlaa a nya a, e sa gbenɔ, ejakaa e pee e he Mawu Bi.”

1 Petro 2:23

Benɛ a ngɛ lɛ jɛe ɔ, lɛɛ e jɛ we nɔ ngɔ to we nane mi. Benɛ e ngɛ amanehlu nae ɔ, e gbíɛ nɔ ko; se mohu e ngɔ e he ngɔ ha Mawu, kojolɔ ɔ nɛ yeɔ dami sane ɔ.

Yohane 10:36

Lɛɛ imi nɛ Tsɛ ɔ hla mi, nɛ e tsɔ mi je ɔ mi ɔ, kɛ peeɔ kɛɛ nɛ ke i de ke Mawu Bi ji mi nɛ́ nyɛ deɔ ke i bɔ musu ɔ?

Yohane 1:34

Nɔ́ nɛ ɔ ba mi jã pɛpɛɛpɛ nɛ i na, lɔ ɔ he nɛ i ngɛ odase yee ke Yesu ji Mawu Bi ɔ nɛ.”

Mateo 16:16

Simon Petro he nɔ ke, “Mo ji Kristo ɔ, Mawu hɛ kalɔ ɔ Bi ɔ.”

Mateo 8:29

Si kake too ɔ, mumi yayami ɔmɛ kpa ngmlaa ke, “Mo Mawu Bi, mɛni sane waa kɛ mo ngɛ? Anɛ o ba hiɛ ɔ nɛ o ba gbla wa tue loko be ɔ nɛ su lo?”

Mateo 3:17

Kɛkɛ nɛ gbi ko je hiɔwe de ke, “Imi nitsɛ ye bi nɛ i suɔ ji nɛ ɔ nɛ! Ee, i ngɛ e he bua jɔmi saminya.”

La 119:12

Yawɛ, ma je o yi; tsɔɔ mi o mlaa amɛ.

La 39:9

Ma ma ye nya nɛ ma pee dii, ejakaa mo lɛ o ha nɛ i na nɔ́ kikɛ nɛ ɔ nɛ.

La 2:7

Matsɛ ɔ ke, “Nɔ́ nɛ Yawɛ de mi ɔ, ma sɛɛ nɛ nyɛɛ nu. Yawɛ de mi ke, ‘Ye bi ji mo; mwɔnɛ ɔ, i fɔ mo.

1 Timoteo 6:15

Mawu pɛ ji je ɔ tsuo nɔ yelɔ nɛ pe kulaa. Lɛ ji matsɛmɛ a matsɛ, kɛ nyɔmtsɛmɛ tsuo a nyɔmtsɛ. E ma je Kristo kpo kɛ tsɔɔ ngɛ lɛ nitsɛ e be nɛ e to nɛ sa a mi.

1 Timoteo 1:11

A naa tsɔɔmi kpakpa nɛ ɔ ngɛ sɛ gbi nɛ haa nɔ hɛ mi baa nyami ɔ mi. Mawu lɛ ngɔ sɛ gbi nɛ ɔ ngɔ ha mi ke ma fiɛ. E sa kaa nɔ tsuaa nɔ nɛ je Mawu yi.

Ni Tsumi 8:32

Ngmami ɔ mi he nɛ e ngɛ kanee ɔ ji nɛ ɔ nɛ: “A ngɔ lɛ kɛ ho kaa jijɔ nɛ a yaa gbe! Nɛ bɔ nɛ jijɔ bi peeɔ kpoo ngɛ e he bwɔmi sãlɔ hɛ mi ɔ, ja nɔuu e pee. nɛ e kpɛ we e kuɔ si.

Yohane 19:9

Lɔ ɔ he ɔ, e kpale sɛ mɔ ɔ mi, nɛ e bi Yesu ke, “Jije o je?” Se Yesu pui e nya mi.

Yohane 18:37

Lɔ ɔ he ɔ, Pilato bi lɛ ke, “Se matsɛ ji mo kɛ̃?” Yesu he nɔ ke, “O ngɛ dee ke matsɛ ji mi. Imi lɛɛ enɛ ɔ he nɛ a fɔ mi kɛ ba je ɔ mi, konɛ ma tsɔɔ anɔkuale ɔ. Nɔ tsuaa nɔ nɛ le anɔkuale ɔ buɔ mi tue.”

Yohane 10:24

Kɛkɛ nɛ Yuda bi ɔmɛ ba bu e nɔ, nɛ a bi lɛ ke, “Kɛ yaa su mɛni be nɛ o ma ha wa yi mi maa pee wɔ sikɔsikɔ ngɛ o he? Anɛ mo ji Kristo ɔ? De wɔ anɔkuale ɔ koo!”

Marko 14:60

Jehanɛ, osɔfo nɔkɔtɔma pe kulaa a te da si ngɛ mɛ tsuo a hɛ mi, nɛ e bi Yesu ke, “O be heto hae lo? Sanehi nɛ a po ngɔ fɔ o nɔ nɛ ɔ, o be nya jee?”