Marko 14:58 - BAIBLO ALOO NGMAMI KLƆUKLƆU Ɔ

⁵⁸ “Wɔ nitsɛmɛ wa nu nɛ e de ke, ‘Ma ku sɔlemi we nɛ nimli ma nɛ ɔ, nɛ ligbi etɛ se ɔ, ma ma ekpa nɛ pi nimli nɛ ma.’ ”

Somi He Ɔ

⁵⁸ “Wɔ nitsɛmɛ wa nu nɛ e de ke: ‘Imi lɛɛ ma ku sɔlemi tsu nɛ ɔ nɛ a kɛ nine pee ɔ, nɛ ligbi etɛ mi ɔ ma ma ekpã nɛ pi nine nɛ a kɛ pee.’ ”

Marko 14:58 ပူးပေါင်းရင်းမြစ်များ

Daniel 2:34

Benɛ o ngɛ amaga a hyɛe kɛ mwɔɔ ɔ, tɛ agbo ko nɛ nɔ ko nine sɛ he, hia kɛ je yo ɔ mi ba fia amaga a nanewɛɛhi nɛ a kɛ dade kɛ zu pee ɔ.

Daniel 2:45

O na hu kaa tɛ ko hia kɛ je yo ɔ mi nɛ nɔ ko nine sɛ́ he; tɛ nɛ ɔ ba fia amaga a nɛ a kɛ dade, akɔblee, zu, sika hiɔ, kɛ sika tsu pee ɔ. Mawu nɛ kle agbo ɔ je nɔ́ nɛ maa ba hwɔɔ se ɔ kɛ tsɔɔ mo. I sɛɛ nlami ɔ kɛ ha mo kaa bɔ nɛ o nla a sisiisi, nɛ i tsɔɔ mo sisi pɛpɛɛpɛ.”

Mateo 26:61

nɛ a ba de ke, “Nyumu nɛ ɔ de ke, ‘Ma nyɛ ma ku Mawu sɔlemi we ɔ pue si, nɛ ligbi etɛ se ɔ, ma fia ekohu.’ ”

Marko 14:57

Jehanɛ ni komɛ te si nɛ a ye lakpa odase kɛ si Yesu ke,

Marko 14:59

Se lɔ ɔ tete po, a nya be kake.

Marko 15:29

Nihi nɛ bee ɔ tu musu bɔmi munyuhi kɛ si Yesu. A mimiɛ a yi, nɛ a de ke, “Ei, mo nɛ o kuɔ sɔlemi we ɔ, nɛ o kpaleɔ maa lɛ ligbi etɛ ɔ ji nɛ ɔ!

Yohane 2:19

Yesu he nɔ ke, “Nyɛɛ ku sɔlemi we nɛ ɔ, nɛ ligbi etɛ se ɔ, ma ma lɛ ekohu.”

Ni Tsumi 7:48

“Pohu Hiɔwe No ɔ tsa hi tsu nɛ a kɛ adesa nine pee mi kaa bɔ nɛ gbalɔ ɔ hu de ɔ.

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

Hebribi 9:11

Se Kristo ba kaa osɔfo nɔkɔtɔma pe kulaa kɛ ha blɔ nya tomi kpakpa nɛ wa na nɛ ɔ. Bo tsu nɛ e sɔmɔɔ ngɛ mi ɔ kle, nɛ e hi kɛ pi si. Pi adesa nɛ pee, nɛ tsɔɔ kaa pi je nɛ ɔ mi níhi nɛ a bɔ ɔ eko.

Hebribi 9:24

Ejakaa Kristo ɔ, pi he klɔuklɔu pe kulaa nɛ a kɛ nine pee, nɛ ji nɔ́ nitsɛ ɔ henɔ kɛkɛ ɔ mi nɛ e ya. Mohu ɔ, hiɔwe nitsɛnitsɛ nɛ e ho; nɛ amlɔ nɛ ɔ, e ngɛ lejɛ ɔ ngɛ Mawu hɛ mi ngɛ wa he.