Marko 14:38 - BAIBLO ALOO NGMAMI KLƆUKLƆU Ɔ

³⁸ Kɛkɛ nɛ e de mɛ ke, “Nyɛɛ huɔ nɛ nyɛɛ sɔle konɛ Abosiami ko ka nyɛ. Mumi ɔ suɔ kaa e maa pee, se nɔmlɔ tso ɔ nyɛ we kulaa.”

Somi He Ɔ

³⁸ Nyɛɛ fɔ nyɔ nɛ nyɛɛ sɔle, konɛ nyɛ ko sɛ ka mi. Mumi ɔ ngɛ kplɛɛe mohu se he lo ɔ he wɛ́.”

Marko 14:38 ပူးပေါင်းရင်းမြစ်များ

Mateo 26:41

Nyɛɛ fɔ nyɔ nɛ nyɛɛ sɔle, konɛ nyɛ ko sɛ ka mi. Mumi ɔ lɛɛ e suɔ kaa e maa pee jã, se he lo ɔ gbede.”

Mateo 24:42

“Lɔ ɔ he ɔ, nyɛ hɛ nɛ hi nyɛ he nɔ; ejakaa nyɛ li ligbi ɔ nɛ nyɛ Nyɔmtsɛ ɔ ma.

Luka 21:36

Nyɛɛ hyɛ nyɛ he nɔ saminya, nɛ nyɛɛ sɔle daa, konɛ Mawu nɛ ha nyɛ he wami nɛ nyɛ kɛ gblee ní nɛ ɔmɛ tsuo nɛ maa ba a a mi slɔkee, nɛ nyɛ nyɛ nɛ nyɛɛ da Nɔmlɔ Bi ɔ hɛ mi.”

Luka 22:40

Benɛ a su lejɛ ɔ, e de mɛ ke, “Nyɛɛ sɔle, konɛ nyɛ ko sɛ ka mi.”

Luka 22:46

E de mɛ ke, “Mɛni he je nyɛ ngɛ mahe hwɔe ɔ? Nyɛɛ te si nɛ nyɛɛ sɔle, konɛ nyɛ ko sɛ ka mi.”

Galatabi 5:17

Ejakaa nɔ́ nɛ nɔmlɔ tso ɔ suɔ ɔ, pi lɔ ɔ nɛ mumi ɔ suɔ; nɛ nɔ́ nɛ mumi ɔ suɔ ɔ, pi lɔ ɔ nɛ nɔmlɔ tso ɔ suɔ. Nɔ́ enyɔ nɛ ɔmɛ kɛ a he yi. Enɛ ɔ tsɔɔ kaa nyɛ be nyɛe maa pee nyɛ nitsɛmɛ nyɛ suɔmi nya ní.

1 Petro 5:8

Nyɛ hɛ nɛ ka si; nyɛɛ pee klaalo! Nyɛ he nyɛlɔ, Abosiami ɔ ngɛ nyɛɛe kɛ ngɛ yae kɛ ngɛ bae kaa jata nɛ ngɛ huae, nɛ ngɛ nɔ ko hlae nɛ e tsɔtslɔɔ e mi.

Marko 14:34

E de mɛ ke, “Ye klaa ngɛ haoe wawɛɛ, nɛ nɔ́ nɛ ɔ miɔ nɛ e gbe mi. Nyɛɛ hi si ngɛ hiɛ ɔ nɛ nyɛɛ huɔ!”

1 Korintobi 16:13

Nyɛɛ huɔ; nyɛɛ hɛɛ hemi kɛ yemi ɔ mi wawɛɛ; nyɛɛ pee kã, nɛ nyɛ he nɛ wa.

Mateo 25:13

Nɔ́ nɛ Yesu de kɛ gbe e munyu ɔ nya ji, “Lɔ ɔ he ɔ, nyɛɛ hyɛ nyɛ he nɔ saminya, ejakaa jamɛ a ligbi ɔ, loo jamɛ a ngmlɛfia a, nyɛ li.

Mateo 6:13

Nɛ o kɛ wɔ ko ya ka mi; se mohu, je wɔ kɛ je nɔ yayami ɔ dɛ mi.’

Kpojemi 3:10

I wo mo mlaa ke o to o tsui si ngɛ nɔ́ nami mi; nɛ o ye nɔ. Enɛ ɔ he je ɔ, amanehlu nguaa a nɛ ma je ɔ tsuo nɔ ɔ, ke be ɔ su ɔ, imi hu ma ha nɛ o maa ye o he. Ee, a kɛ amanehlu nɛ ɔ maa ka nihi tsuo ngɛ je ɔ mi.

Filipibi 2:12

Ye nyɛmimɛ nɛ i suɔ! E he hia wawɛɛ kaa amlɔ nɛ ɔ tete nɛ i be nyɛ ngɔ ɔ, nyɛɛ bu mi tue wawɛɛ pe kekle ɔ po. Nyɛɛ kɛ gbeye yemi, kɛ he domi blibliibli nɛ tsu ní wawɛɛ, konɛ a he nyɛ yi wami.

Marko 14:37

Benɛ e kpale kɛ ba a, e ba na kaseli etɛ ɔmɛ nɛ a ngɛ mahe hwɔe. Lɔ ɔ he ɔ, e de Petro ke, “Simon, mahe o ngɛ hwɔe? O nyɛ we nɛ o fɔ nyɔ ngmlɛfia kake po?”

Marko 14:39

Yesu kpale ho ekohu nɛ e ya sɔle, nɛ e tu jamɛ a munyu ɔ nɔuu.