Marko 14:21 - BAIBLO ALOO NGMAMI KLƆUKLƆU Ɔ

²¹ Nɔmlɔ Bi ɔ ma gbo kaa bɔ nɛ a ngma ngɛ e he ɔ mohu, se musu tloo nɔ nɛ tsɔɔ Nɔmlɔ Bi ɔ se blɔ ɔ! Afani mohu nɛ a na we nɛ a fɔ jamɛ a nɔ ɔ.”

Somi He Ɔ

²¹ Nɔmlɔ Bi ɔ ma gbo kaa bɔ nɛ a ngma ngɛ e he ɔ mohu; se musu tloo nɔ nɛ tsɔɔ Nɔmlɔ Bi ɔ se blɔ ɔ! Afani nɛ a na we nɛ a fɔ jamɛ a nɔmlɔ ɔ.”

Marko 14:21 ပူးပေါင်းရင်းမြစ်များ

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

La 55:15

Ha nɛ ye he nyɛli ɔmɛ nɛ a gbo tlukaa; ha nɛ a hi a nane nya kɛ ya gbeje! Ejakaa yayami ngɛ a we ɔmɛ a mi, kɛ a tsui mi.

Yesaya 52:14

Nihi babauu nɛ na lɛ ɔ, a he mi po; ejakaa a puɛ e nɔmlɔ tso subai ɔ kulaa; ke o hyɛ lɛ ɔ, e slo lɛ kulaa ngɛ adesa he!

Daniel 9:24

“Be nɛ Mawu to nɛ e maa gbla o ma a, kɛ Yerusalem tue kɛ yaa si ji jeha nyingmi kpaago totoe kpaago. Lɔ ɔ se ɔ, atuã tsɔmi, kɛ yayami peemi se maa po. A kɛ a he yayami ɔmɛ maa pa mɛ, nɛ a maa pee nɔ́ nɛ da kɛ maa ya neneene. Jamɛ a be ɔ mi ɔ, nina a, kɛ gbami ɔ maa ba mi, nɛ a maa pee Yawɛ we ɔ klɔuklɔu ekohu.

Daniel 9:26

Jeha lafa kɛ nyingmi etɛ kɛ eywiɛ se ɔ, a maa gbe hɛ mi nyɛɛlɔ ɔ nɛ Mawu hla a yaka gu. Lɔ ɔ se ɔ, ganɔ ngua ko ma ba tua Yerusalem, nɛ e tabo ɔ ma kpata ma a, kɛ Yawɛ we ɔ a hɛ mi. Nyagbe ɔ maa ba kaa nyu kpekpemi, nɛ ta kɛ hɛ mi kpatami nɛ Mawu de to ɔ maa nyɛɛ se.

Zakaria 13:7

Yawɛ Tabohiatsɛ ɔ ke, “Klaate, tee si ngɔ wo ye huɛ to hyɛlɔ nɛ ngɛ ní tsue ha mi ɔ! Moo fia lɛ nɔ konɛ to ɔmɛ nɛ a gbɛ fĩa. I kɛ tsɔwitsɔwi nɛ ɔmɛ maa to ní.

Mateo 26:54

Ke e ba jã a, lɛɛ ngmami ɔmɛ nɛ deɔ ke kikɛ nɛ ɔ e sa kaa níhi nɛ ba a, kɛ jamɛ a ngmami ɔmɛ maa pee kɛ ba mi kɛɛ?”

Mateo 26:56

Se a pee ní nɛ ɔmɛ tsuo, konɛ níhi nɛ gbali ɔmɛ ngma a nɛ ba mi.” Amlɔ ɔ, kaseli ɔmɛ tsuo tu fo nɛ a si lɛ.

Marko 14:20

Yesu he nɔ ke, “Nyɛ ni nyɔngma kɛ enyɔ nɛ ɔmɛ nyɛ kpɛti nɔ kake; jamɛ a nɔ ɔ kɛ mi ngɛ ní yee ngɛ ka nɛ ɔ mi.

Marko 14:22

Benɛ a ngɛ ní yee ɔ, Yesu kɛ̃ abolo ɔ eko nɛ e jɔɔ nɔ; kɛkɛ nɛ e ku mi, nɛ e kɛ ha e kaseli ɔmɛ, nɛ e de mɛ ke, “Nyɛ hee! Enɛ ɔ ji ye nɔmlɔ tso.”

Marko 14:49

Daa nɛ i kɛ nyɛ ngɛ sɔlemi we ɔ, nɛ́ i tsɔɔ nyɛ ní ɔ, lɔ ɔ lɛɛ nyɛ nui mi; se e sa kaa nɔ nɛ a ngma a nɛ ba mi.”

Luka 22:22

Nɔmlɔ Bi ɔ ma gbo kaa bɔ nɛ Mawu to ɔ, se musu tloo nɔ nɛ maa tsɔɔ e se blɔ ɔ!”

Luka 24:44

Enɛ ɔ se ɔ, e de mɛ ke, “Benɛ i kɛ nyɛ ngɛ ɔ, níhi nɛ i deɔ nyɛ ji nɛ ɔmɛ nɛ: níhi tsuo nɛ a ngma ngɛ ye he ngɛ Mose mlaa a, kɛ gbali ɔmɛ, kɛ La womi ɔ a mi ɔ, ja lɛ tsuo ba mi.”

Yohane 19:28

Benɛ Yesu na kaa a gbe nɔ́ tsuaa nɔ́ nya a, bɔ nɛ pee nɛ ngmami ɔ nɛ ba mi ɔ, e de ke, “Kuma ngɛ mi yee!”

Ni Tsumi 1:25

konɛ e sɔmɔ kaa bɔfo ngɛ Yuda nane mi. Yuda je wa he kɛ ho he nɛ sa kaa e hi ɔ ya.”

Ni Tsumi 2:23

Mawu nitsɛ to e yi mi momo kaa e maa ngɔ Yesu ɔ ngɔ ha nyɛ. Nyɛ ngɔ lɛ ngɔ ha yayami peeli nɛ a sɛu lɛ ngɛ sɛumi tso nɔ, nɛ e gbo.

Ni Tsumi 4:27

Niinɛ, Herode, Pontio Pilato, ma je li ɔmɛ, kɛ Israel ma amɛ hu ba bua a he nya ngɛ ma nɛ ɔ mi ngɔ wo Yesu, o tsɔlɔ klɔuklɔu nɛ o pɔ lɛ nu ɔ he.