Marko 13:9 - BAIBLO ALOO NGMAMI KLƆUKLƆU Ɔ

⁹ “Se nyɛɛ lɛɛ nyɛɛ le nyɛ he nɔ hyɛmi saminya. A maa ngɔ nyɛ kɛ ya kojomi hehi. A maa fia nyɛ kpa ngɛ kpe he ɔmɛ, nɛ ye he ɔ, a kɛ nyɛ maa da amlaalohi, kɛ matsɛmɛ a hɛ mi, konɛ nyɛɛ ye odase ngɔ tsɔɔ mɛ.

Somi He Ɔ

⁹ “Se nyɛɛ lɛɛ nyɛɛ le nyɛ he nɔ hyemi, ejakaa a maa ngɔ nyɛ kɛ maa ya guahi a nɔ, nɛ a maa fia nyɛ kpa ngɛ kpe he ɔmɛ, nɛ a kɛ nyɛ maa da ganɔhi kɛ matsɛmɛ a hɛ mi ngɛ ye he, konɛ nyɛɛ ye odase ngɔ tsɔɔ mɛ.

Marko 13:9 ပူးပေါင်းရင်းမြစ်များ

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Marko 1:44

E de lɛ ke, “Hyɛ, ko de nɔ ko nɔ́ ko, se mohu yaa tɛɛ nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, yaa nɛ o ya sã bɔ kaa bɔ nɛ Mose wo mlaa a, konɛ e pee okadi ha nɔ tsuaa nɔ kaa jehanɛ lɛɛ o he tsɔ.”

Marko 13:5

Yesu de mɛ ke, “Nyɛɛ hyɛ saminya, konɛ nɔ ko kó mlɔɔ nyɛ!

Marko 13:8

Ma maa te si ngɔ wo ma; nɛ matsɛ yemi maa te si ngɔ wo matsɛ yemi. Zugba ma mimiɛ, nɛ a maa nu he ngɛ hehi fuu; nɛ hwɔ maa ba. Níhi nɛ maa ba nɛ ɔ ngɛ kaa yohɔyo kɔɔmi sisije kɛkɛ.

Marko 6:11

Ke nyɛ ya su ma ko mi, nɛ a he we nyɛ ɔ, nyɛ blɛ nyɛ nane si zu kɛ pue si nɛ nyɛɛ je! Nɔ́ nɛ ɔ maa to mɛ okadi!”

Luka 9:5

Ke nyɛ ya he ko nɛ a he we nyɛ atuu ɔ, loko nyɛ maa je ma a mi ɔ, nyɛ blɛ nyɛ nane sisi zu kɛ pue si kɛ to mɛ okadi kaa a maa gbla a tue.”

Yohane 15:20

Nyɛ kai kaa i de nyɛ momo ke, ‘Nyɔguɛ pã we e nyɔmtsɛ.’ Nɛ́ a wa mi yi mi ɔ, nyɛɛ lɛɛ kɛ a maa pee nyɛ kɛɛ? Ke a bu mi tue ɔ, nyɛ hu a maa bu nyɛ tue.

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

Ni Tsumi 21:11

E ba wa ngɔ, nɛ e ba ngɔ Paulo mlɛ mi fimi nɔ́ ɔ, nɛ e kɛ fi lɛ nitsɛ e nanehi, kɛ e ninehi; nɛ e de ke, “Bɔ nɛ Mumi Klɔuklɔu ɔ de ji nɛ ɔ nɛ: Nɔ nɛ nɔ́ ji mlɛ mi fimi nɔ́ nɛ ɔ, kikɛ nɛ ɔ Yuda bi ɔmɛ maa pee lɛ ngɛ Yerusalem, nɛ a maa ngɔ lɛ ngɔ wo ma je li ɔmɛ a dɛ mi.”

Ni Tsumi 7:54

Benɛ kpe ngua a mi bi ɔmɛ nu kikɛmɛ a munyu nɛ ɔmɛ ɔ, a mi mi wo la wawɛɛ nitsɛ, nɛ a kpe lungu nya kɛ wo e he.

Ni Tsumi 9:16

Ejakaa ma tsɔɔ lɛ bɔ nɛ e ma gbo dengme wawɛɛ ngɛ ye biɛ ɔ he.”

Filipibi 1:29

Blɔ nya nɛ a ha nyɛ kaa Kristo we bi ɔ, nyɛɛ lɛɛ pi kaa nyɛ ma he ye kɛkɛ, se mohu kaa e he ɔ, nyɛ maa na amanehlu hulɔ.

2 Tesalonikabi 1:5

Enɛ ɔ tsɔɔ paa kaa Mawu yeɔ dami sane; e ngɔ nɔ́ nɛ nyɛ ngɛ nae nɛ ɔ kɛ ngɛ nyɛ dlae kɛ ha e matsɛ yemi ɔ.

2 Yohane 1:8

Lɔ ɔ he ɔ, nyɛɛ hyɛ nyɛ he saminya, konɛ ní nɛ wa tsu ɔ, nyɛ ko je mi dɛ gu; se mohu nyɛ ná hiɔwo nɛ sa.

Kpojemi 1:9

Imi nyɛ nyɛmi Yohane lɛ i ngma womi nɛ ɔ. Kaa Kristo se nyɛɛlɔ ɔ, a ngɛ mi yi mi wae kaa nyɛ nɔuu. I kɛ nyɛ tsuo nɛ wa ngɛ Kristo matsɛ yemi ɔ blɔ hyɛe, nɛ e sa kaa waa to wa tsui si ngɛ amanehlu nɛ wa ngɛ nae ɔ mi. A ngɔ mi ya fɔ Patmo zugba kpɔ nɛ wo bɔle lɛ ɔ nɔ, ejakaa i fiɛ Mawu munyu ɔ, nɛ i ye Yesu he odase.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Kpojemi 2:13

I le o hi he ɔ kaa Abosiami matsɛ sɛ ɔ ngɛ lejɛ ɔ. Se o pɛtɛ ye biɛ he. Nɛ benɛ a gbe Antipa tete po ɔ, hemi kɛ yemi nɛ o ngɛ ngɛ ye mi ɔ, o ngmɛɛ we he. Niinɛ, Antipa ye ye he odase nɛ e ye mi anɔkuale. Nɛ sane kpakpa a nɛ e ngɛ fiɛe ɔ he je ɔ, a gbe lɛ ngɛ nyɛ kpɛti ngɛ he nɛ Abosiami ngɛ ɔ.