Marko 13:7 - BAIBLO ALOO NGMAMI KLƆUKLƆU Ɔ

⁷ Ke nyɛ nu tahi, kɛ ta sanehi a he ɔ, nyɛ ko hao. Ja ní nɛ ɔmɛ ba mi, se kɛ̃ ɔ, nyagbe be ɔ sui lolo.

Somi He Ɔ

⁷ Se ke nyɛ nu tahi kɛ ta sanehi a he ɔ, nyɛ ko hao, ejakaa ja a ba mi, se nyagbe ɔ sui lolo.

Marko 13:7 ပူးပေါင်းရင်းမြစ်များ

Samuel II, 14:14

Gbenɔ fɔɔ si kɛ ha wɔ tsuo; wa ngɛ kaa nyu nɛ a kpa pue si nɛ be hie muɔmi hu. Mawu lɛɛ e kpataa we susuma hɛ mi; se mohu e toɔ ga, konɛ nɔ ko nɛ a je lɛ we ɔ, e ko ba pee nɔmlɔ nɛ tlɔ nga pɛsɛpɛsɛ.

La 112:7

E yi sane yobu ko nɛ maa ba a gbeye; nɔ́ ko nɔ́ ko pue we e tsui nɔ, ejakaa e ngɔ e hɛ kɛ fɔ Yawɛ nɔ.

La 27:3

Ke ta ba tua mi, nɛ tabohi ba sa ye yi po, i be gbeye yee. Mawu nɔ kɛkɛ lɛ ma ngɔ ye hɛ kɛ fɔ.

Abɛ Womi 3:25

Haomihi nɛ baa yiwutsotsɛmɛ a nɔ tlukaa kaa kɔɔhiɔ nɛ nya wa a, lɔ ɔmɛ be o he gbeye woe.

Yesaya 8:12

“Koo piɛ ni ɔmɛ a he kɛ to a ga amɛ, nɛ níhi nɛ mɛɛ a yee gbeye ɔ, koo ye gbeye.

Yeremia 51:46

Nyɛ nine mi nɛ ko je wu; sanehi nɛ nyɛ nu ɔ hu a ko po nyɛ tsui. Daa jeha a, a ke sane he ko kɛ̃ maa ba. Ke sane ɔ kɔ we yi wu tso níhi nɛ a ngɛ pee ngɛ zugba a nɔ a he ɔ, lɛɛ matsɛ kɛ matsɛ lɛ na.

Mateo 18:7

Musu tloo je ɔ kaa níhi ngɛ je ɔ mi nɛ haa nɔ peeɔ yayami! Ní nɛ ɔmɛ maa ba kɛ̃, se nɔmlɔ nɛ haa nɛ ní nɛ ɔmɛ baa a, musu tloo lɛ!

Mateo 2:3

Benɛ Matsɛ Herode nu nɔ́ nɛ ɔ, e hao, nɛ nihi tsuo nɛ ngɛ Yerusalem hu hao ja nɔuu.

Marko 13:6

Nihi babauu maa ba nɛ a kɛ ye biɛ maa tu munyu; a ti nɔ tsuaa nɔ ma de ke, ‘Imi ji Kristo ɔ nɛ!’ Nɛ a maa mlɔɔ nihi fuu.

Marko 13:8

Ma maa te si ngɔ wo ma; nɛ matsɛ yemi maa te si ngɔ wo matsɛ yemi. Zugba ma mimiɛ, nɛ a maa nu he ngɛ hehi fuu; nɛ hwɔ maa ba. Níhi nɛ maa ba nɛ ɔ ngɛ kaa yohɔyo kɔɔmi sisije kɛkɛ.

Yohane 14:1

Yesu de e kaseli ɔmɛ ke, “Nyɛ ko ye nyɛ tsui. Nyɛɛ lɛɛ nyɛ he Mawu nyɛɛ ye; nɛ imi hu nyɛ he mi nyɛɛ ye.

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Ni Tsumi 17:3

E tsɔɔ mɛ níhi a mi faii kaa e sa kaa Kristo ɔ nɛ na amanehlu, nɛ e te si kɛ je gbeje. Paulo de mɛ hulɔ ke, “Yesu, nɛ i ngɛ e he sane jajee kɛ ngɛ nyɛ tsɔɔe nɛ ɔ, lɛ ji Kristo ɔ nɛ.”