Marko 13:22 - BAIBLO ALOO NGMAMI KLƆUKLƆU Ɔ

²² Ejakaa lakpa kristohi, kɛ gbali maa te si, nɛ a maa pee okadihi, kɛ nyakpɛ níhi, konɛ ke e maa hi ɔ, a mlɔɔ ni nɛmɛ nɛ a hla a tete.

Somi He Ɔ

²² Ejakaa lakpa kristohi kɛ lakpa gbali maa te si nɛ a maa pee okadihi kɛ nyakpɛ nihi, konɛ, ke e maa hi ɔ, a mlɔɔ ninɛmɛ nɛ a hla a tete.

Marko 13:22 ပူးပေါင်းရင်းမြစ်များ

Mateo 24:24

Ejakaa lakpa kristohi, kɛ lakpa gbali maa te si. A maa pee okadi nguahi, kɛ nyakpɛ níhi kɛ mlɔɔ nihi nɛ Mawu hla a tete.

Mateo 7:15

“Nyɛɛ hyɛ saminya ngɛ lakpa gbali a he. Ke a ba nyɛ ngɔ ɔ, a naa mɛ kaa jijɔ, se anɔkuale mi ɔ, a ngɛ kaa ogbeteehi;

Marko 13:21

“Jehanɛ hu ke nɔ ko de nyɛ ke, ‘Hyɛ, Kristo ɔ ngɛ hiɛ ɔ!’ aloo ‘Hyɛ, e ngɛ lejɛ ɔ!’ ɔ, nyɛ ko he ye.

Marko 13:23

Se nyɛɛ lɛɛ nyɛɛ hyɛ saminya! I de nyɛ nɔ́ tsuaa nɔ́ ngɔ to.

Marko 13:6

Nihi babauu maa ba nɛ a kɛ ye biɛ maa tu munyu; a ti nɔ tsuaa nɔ ma de ke, ‘Imi ji Kristo ɔ nɛ!’ Nɛ a maa mlɔɔ nihi fuu.

Yohane 4:48

Se Yesu de lɛ ke, “Blɔɔ ke nyɛ nɛ okadihi, kɛ nyakpɛ níhi ɔ, lɛɛ nyɛ be hee maa ye!”

Mose V, 13:1

“Ke gbalɔ ko, loo nlami sisi tsɔɔlɔ ko wo si ke e maa pee okadi ko, loo nyakpɛ nɔ́ ko,

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

1 Yohane 2:18

Ye bimɛ tsɔwi, nyagbe be ɔ su ta! A de nyɛ ke Kristo he nyɛlɔ ɔ ma; se amlɔ nɛ ɔ, Kristo he nyɛli fuu ba momo. Enɛ ɔ he ɔ, wa le kaa nyagbe ɔ su ta.

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.

1 Yohane 2:26

I ngɛ nyɛ womi nɛ ɔ ngmae ngɛ nihi nɛ hlaa kaa a puɛ nyɛ tue ɔ a he.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 17:8

Lohwe ɔ nɛ o na a, be ko ɔ, e hɛ ngɛ, se piɔ lɛɛ e be je mi hu. E be kɛe nɛ e maa je muɔ voo ɔ mi kɛ ba, nɛ a ma kpata e hɛ mi pɛsɛpɛsɛ. Nɛ nihi tsuo nɛ ngɛ je ɔ mi nɛ a ngmɛ a biɛ ngɛ wami womi ɔ mi loko a bɔ je ɔ, ke a na lohwe ɔ, a nya maa kpɛ a he saminya. E hi si be ko; amlɔ nɛ ɔ lɛɛ e be je mi, se e maa kpale ba ekohu.