Marko 13:21 - BAIBLO ALOO NGMAMI KLƆUKLƆU Ɔ

²¹ “Jehanɛ hu ke nɔ ko de nyɛ ke, ‘Hyɛ, Kristo ɔ ngɛ hiɛ ɔ!’ aloo ‘Hyɛ, e ngɛ lejɛ ɔ!’ ɔ, nyɛ ko he ye.

Somi He Ɔ

²¹ “Nɛ lɛ be ɔ mi ɔ, ke nɔ ko de nyɛ ke: ‘Hyɛ, Kristo ɔ ngɛ hiɛ ɔ!’ aloo ‘Hyɛ, e ngɛ lejɛ ɔ!’ ɔ, nyɛ ko he ye.

Marko 13:21 ပူးပေါင်းရင်းမြစ်များ

Mateo 24:5

Ejakaa nihi fuu maa ba, nɛ a ma ba tu munyu ngɛ ye biɛ mi ke, ‘Imi ji Kristo ɔ nɛ!’ nɛ a maa mlɔɔ nihi babauu.

Marko 13:20

Se Nyɔmtsɛ ɔ po ligbi ɔmɛ a nɔ; ke pi jã a, jinɛ a be nɔ ko nɔ ko yi wami hee. Nihi nɛ Mawu hla a a he ɔ, e po ligbi ɔmɛ a nɔ.

Marko 13:22

Ejakaa lakpa kristohi, kɛ gbali maa te si, nɛ a maa pee okadihi, kɛ nyakpɛ níhi, konɛ ke e maa hi ɔ, a mlɔɔ ni nɛmɛ nɛ a hla a tete.

Luka 21:8

Yesu de mɛ ke, “Nyɛɛ hyɛ saminya nɛ a ko mlɔɔ nyɛ, ejakaa nihi fuu maa ba, nɛ a kɛ ye biɛ maa tu munyu ke, ‘Imi ji Kristo ɔ nɛ!’ A ma de hu ke, ‘Be ɔ su ta!’ Se nyɛ ko ya nyɛɛ a se.

Yohane 5:43

I ba ngɛ Tsaatsɛ biɛ mi po nyɛ he we mi; se nɔ ko nɛ maa ba ngɛ lɛ nitsɛ e suɔmi nya a lɛɛ nyɛ ma he lɛ.