Marko 12:43 - BAIBLO ALOO NGMAMI KLƆUKLƆU Ɔ

⁴³ Kɛkɛ nɛ Yesu tsɛ e kaseli ɔmɛ kɛ ba, nɛ e de mɛ ke, “I ngɛ nyɛ dee anɔkuale mi ke, nɔ́ nɛ kikɛmɛ a yalɔyo ohiatsɛ nɛ ɔ kɛ ba wo daka a mi ɔ hiɛ kulaa pe nɔ́ nɛ ni ɔmɛ tsuo kɛ ba wo mi ɔ.

Somi He Ɔ

⁴³ Nɛ Yesu tsɛ e kaseli ɔmɛ kɛ ba nɛ e de mɛ ke: “I ngɛ nyɛ dee anɔkuale mi ke: “Kikɛmɛ a yalɔyo ohiafo nɛ ɔ kɛ fuu ba wo mi pe ni ɔmɛ tsuo nɛ kɛ eko ba wo daka a mi ɔ.

Marko 12:43 ပူးပေါင်းရင်းမြစ်များ

Mateo 10:42

Niinɛ, i ngɛ nyɛ dee ke, nɔ tsuaa nɔ nɛ ma ha ni tsɔwi nɛ ɔmɛ a ti nɔ kake nyu nɛ mi jɔ nɛ e nu akɛnɛ ye kaselɔ ji lɛ he je ɔ, e hiɔwo be lɛ bɔe gblegbleegble.”

Marko 12:42

Yalɔyo ko hu ba, nɛ lɛɛ e ngɔ sika nɛ a yeɔ ɔ mi nyafii pe kulaa enyɔ pɛ kɛ ba wo mi.

Marko 12:44

Ejakaa ni ɔmɛ tsuo ɔ, nɔ́ nɛ a ná nɛ be nɔ ɔ eko a kɛ ba wo mi, se yo nɛ ɔ lɛɛ e we ohia mi ní tsuo e kɛ ba wo mi ɔ nɛ.”

Yohane 8:20

Yesu de ní nɛ ɔmɛ tsuo, be mi nɛ e ngɛ ní tsɔɔe ngɛ sɔlemi we ɔ ngɛ tsu mi he nɛ a kɛ tó tsumi daka amɛ to ɔ. Se a nui lɛ, ejakaa e be ɔ sui.

Ni Tsumi 11:29

Lɔ ɔ he ɔ, kaseli ɔmɛ pee a yi mi kaa a ti nɔ tsuaa nɔ ma tsu nɔ́ ko bɔ nɛ e ma nyɛ, konɛ a kɛ ya je ngmlaa ha nyɛmimɛ ɔmɛ ngɛ Yudea.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 8:2

Wa nyɛmimɛ ɔmɛ nɛ ngɛ Makedonia nɛ heɔ Kristo yeɔ ɔ ba na amanehlu wawɛɛ; se be tsuaa be ɔ, a bua jɔ. Jehanɛ hu, nɔ́ ko be a dɛ, se kɛ̃ ɔ, a ha nɔ́ faa kɛ je a tsui mi.