Marko 12:36 - BAIBLO ALOO NGMAMI KLƆUKLƆU Ɔ

³⁶ Ejakaa Mumi Klɔuklɔu ha David nitsɛ de ke, ‘Nyɔmtsɛ ɔ de ye Nyɔmtsɛ ɔ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ wo o nane sisi.” ’

Somi He Ɔ

³⁶ Ejakaa David nitsɛ de ngɛ Mumi Klɔuklɔu ɔ nya ke: ‘Nyɔmtsɛ ɔ de ye Nyɔmtsɛ ɔ ke: Hii ye hiɛ ɔ nɔ, Kɛ yaa su be nɛ ma ngɔ o henyɛli ɔmɛ ngɔ pee o nane si sɛ.’

Marko 12:36 ပူးပေါင်းရင်းမြစ်များ

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

Hebribi 1:13

Mawu de we Mawu bɔfo ɔmɛ a ti nɔ ko hyɛ ke, “Hii ye hiɔ nɔ kɛ yaa su be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

1 Korintobi 15:25

Ejakaa ja Kristo ye matsɛ kɛ maa su be nɛ Mawu maa ngɔ e he nyɛli tsuo ngɔ wo e nane si.

Ni Tsumi 1:16

“Ye nyɛmimɛ, Mumi Klɔuklɔu ɔ ba David nɔ be ko, nɛ e de nɔ́ ko ngɛ Yuda nɛ nyɛɛ nihi a hɛ mi ya nu Yesu ɔ he. Nɔ́ nɛ ngmami ɔ de ɔ, e sa kaa e ba mi.

Nehemia 9:30

O to o tsui si, nɛ o bɔ mɛ kɔkɔ jeha babauu. O ngɔ o mumi ɔ ngɔ wo o gbali ɔmɛ a mi, konɛ a tu munyu ngɔ tsɔɔ mɛ; se o ma a wa tue. Lɔ ɔ he ɔ, o ngmɛɛ a he ha ma kpahi nɛ a ye a nɔ.

Samuel II, 23:2

Yawɛ mumi ɔ tuɔ munyu kɛ guu ye nɔ, nɛ e sɛ gbi ɔ ngɛ ye nya he.

2 Petro 1:21

Ejakaa gbami sɛ gbi ko bɛ hyɛ nɛ adesa po de kɛkɛ ngɛ lɛ nitsɛ e suɔmi nya. Se mohu Mumi Klɔuklɔu ɔ lɛ baa nihi a nɔ nɛ a tuɔ munyu kɛ jeɔ Mawu ngɔ.

1 Petro 1:11

A bɔ mɔde kaa a maa na be nɛ nɔ́ nɛ ɔ maa ba mi, kɛ bɔ nɛ e ma plɛ kɛ ba ha. Be ɔ nɛ Kristo mumi ɔ nɛ ngɛ a mi ɔ ngɛ tsɔɔe ji lɔ ɔ nɛ. Mumi ɔ de to ke Kristo maa na amanehlu, nɛ lɔ ɔ se ɔ, e hɛ mi maa ba nyami.

Hebribi 4:7

Se Mawu to be kpa kɛ ha kikɛmɛ a he jɔɔmi ɔ, nɛ be ɔ ji “Amlɔ nɛ ɔ.” Be babauu se ɔ, Mawu ha David tu munyu nɛ ɔ kaa bɔ nɛ a wo ta momo ɔ ke, “Mwɔnɛ ɔ, ke nyɛ nu e gbi ɔ, nyɛ ko wa tue.”

2 Timoteo 3:16

Ngmami tsuaa ngmami ɔ, Mawu mumi ɔ lɛ ha nɛ nihi ngma; nɛ e hi kɛ ha ní tsɔɔmi, kɛ ha hɛ mi kami, kɛ ha nɔ dlami, kɛ tsɔsemi nɛ ma ha nɔ nɛ ba e je mi saminya.

Ni Tsumi 28:25

Se nɔ́ kake too nɛ Paulo de, nɛ lɔ ɔ kɛ nya sami wawɛɛ ba ni ɔmɛ a kpɛti, nɛ́ kpe ɔ kɛ gbɛ ji, “Nɔ́ nɛ Mumi Klɔuklɔu ɔ de nyɛ nɛmɛ ɔmɛ kɛ gu gbalɔ Yesaya nɔ ɔ ngɛ mi jã niinɛ!

Mateo 5:35

nyɛ ko ka zugba, ejakaa nɔ́ nɛ Mawu kɛ e nane maa nɔ ji lɔ ɔ nɛ; loo Yerusalem, ejakaa Matsɛ ngua a ma ji lɔ ɔ nɛ.