Marko 12:34 - BAIBLO ALOO NGMAMI KLƆUKLƆU Ɔ

³⁴ Benɛ Yesu na kaa e ha lɛ heto ngɛ ní lemi nya a, e de lɛ ke, “O kɛ Mawu matsɛ yemi ɔ kpɛti kɛ we kulaa.” Enɛ ɔ se ɔ, nɔ ko nɔ ko kɛ́ kaa e ma bi Yesu munyu ko hu.

Somi He Ɔ

³⁴ Nɛ benɛ Yesu na kaa e ha lɛ heto ngɛ ni lemi nya a, e de lɛ ke: “O kɛ Mawu matsɛ yemi ɔ kpɛti kɛ we.” Enɛ ɔ se ɔ, nɔ ko kɛ́ lɛ sane ko bimi hu.

Marko 12:34 ပူးပေါင်းရင်းမြစ်များ

Mateo 12:15

Benɛ Yesu nu kaa a so e yi nɔ ɔ, e sã e he si kɛ je lejɛ ɔ, se nihi babauu nyɛɛ e se. E tsa nihi tsuo nɛ be he wami ɔ,

Mateo 12:20

E kɛ nihi nɛ gbɔjɔ ɔ maa hi si ngɛ he jɔmi mi. E maa na dɛgutsɛmɛ mɔbɔ. E ma tsu ní nɛ ɔ hluu kɛ yaa si e ma ha nɛ dami sane yemi ma he si.

Mateo 22:46

Nɔ ko nɔ ko nyɛ we nɛ e ha Yesu heto kpakpa ko. Nɛ kɛ je jamɛ a ligbi ɔ, nɔ ko kɛ́ kaa e ma bi lɛ munyu ko hu.

Luka 20:40

Enɛ ɔ se ɔ, nɔ ko nyɛ we nɛ e bi Yesu sane ko hu.

Romabi 7:9

Imi nitsɛ hu, i hi si hyɛ nɛ i li mlaa; se benɛ mlaa a ba a, e tle yayami si wawɛɛ ngɛ ye mi, nɛ e ba pee gbenɔ ha mi.

Galatabi 2:19

Ngɛ mlaa a blɔ fa mi ɔ, i plɛ pee nɔ gbogboe, konɛ ma hi wami mi ha Mawu mohu. I kɛ Kristo a sɛu ɔ nɛ.

Kolosebi 4:6

Ke nyɛɛ kɛ nihi ngɛ ní sɛɛe ɔ, nyɛ ha nɛ munyu nɛ maa je nyɛ nya a nɛ ngɔ kaa nɔ́ ko nɛ a wo lɛ ngo, nɛ nyɛɛ le bɔ nɛ nyɛ ma ha nɔ tsuaa nɔ munyu heto bɔ nɛ sa.