Marko 12:29 - BAIBLO ALOO NGMAMI KLƆUKLƆU Ɔ

²⁹ Yesu he nɔ ke, “Kekleekle nɔ́ ji, ‘Israel, bu tue! Nyɔmtsɛ wa Mawu ɔ, lɛ nɔ kake pɛ ji Nyɔmtsɛ.

Somi He Ɔ

²⁹ Yesu he lɛ nɔ ke: “Kekleekle nɔ ji: ‘Bu tue, Israel, Nyɔmtsɛ wa Mawu ɔ, lɛ ji Nyɔmtsɛ kake,

Marko 12:29 ပူးပေါင်းရင်းမြစ်များ

Mose V, 6:4

“Israel ma, nyɛ hɛ nɛ hi nɔ kaa Yawɛ, wa Mawu ɔ, lɛ pɛ ji Mawu.

Luka 10:27

Nyumu ɔ he nɔ ke, “ ‘Suɔ Nyɔmtsɛ, o Mawu ɔ, kɛ o tsui tsuo, kɛ o klaa tsuo, kɛ o he wami tsuo, kɛ o juɛmi tsuo’; nɛ ‘Suɔ o nyɛmi kaa bɔ nɛ o suɔ mo nitsɛ o he ɔ.’ ”

Galatabi 3:20

Se Mawu lɛɛ lɛ nɔ kake too lɛ wo Abraham si ɔ nɛ; e gui nɔ ko nɔ ko nɔ.

Romabi 3:30

Mawu kake lɛ ngɛ kɛ ha Yuda bi, kɛ ma je li tsuo; nɛ hemi kɛ yemi nɔ Mawu guu kɛ woɔ nihi nɛ a po mɛ ɔ nguɔ. Nihi nɛ a pui mɛ ɔ hu hemi kɛ yemi ɔ nɔ nɔuu a maa gu kɛ wo mɛ nguɔ.

Yuda 1:25

lɛ Mawu kake too, wa kpɔlɔ ɔ, a gu wa Nyɔmtsɛ Yesu Kristo nɔ kɛ wo e hɛ mi nyami. E nɔ́ ji agboje, kɛ he wami, kɛ he blɔ kɛ je blema lokoo kɛ ba si amlɔ nɛ ɔ, kɛ yaa neneene tɔɔ! Amen.

1 Korintobi 8:4

Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

Yakobo 2:19

Nyɛ heɔ yeɔ kaa Mawu kake pɛ lɛ ngɛ! Saminya! Mumi yayami ɔmɛ po heɔ yeɔ ja nɔuu. Nɛ lɔ ɔ haa a nuɔ sawale, nɛ a he doɔ blibliibli.

1 Timoteo 2:5

Mawu kake kɛkɛ lɛ ngɛ, kɛ nɔ kake nɛ dlaa Mawu kɛ adesa a kpɛti. Jamɛ a nɔ ɔ ji Kristo Yesu.

Mose V, 30:6

Yawɛ, nyɛ Mawu ɔ ma ha nyɛɛ kɛ nyɛ nina tsui kpakpa nɛ buɔ tue, konɛ nyɛɛ suɔ lɛ kɛ nyɛ tsui tsuo, nɛ nyɛɛ hi jamɛ a zugba a nɔ.

1 Timoteo 1:5

Nɔ́ nɛ i ngɛ mo fae ke o pee nɛ ɔ ma ha nɛ waa suɔ wa sibi kɛ tsui nɛ mi tsɔ; wa he nile be wɔ fɔ bue, nɛ wa ma he Kristo maa ye anɔkuale mi.

Mateo 23:9

Nyɛ ko tsɛ nɔ ko nɔ ko ngɛ zugba a nɔ ‘Tsɛ’, ejakaa Tsɛ kake pɛ nyɛ ngɛ nɛ ngɛ hiɔwe.

Mateo 10:37

“Nɔ nɛ suɔ e tsɛ, loo e nyɛ pe imi ɔ, e sɛ kaa e ba peeɔ ye kaselɔ. Nɔ nɛ suɔ e binyumu, loo e biyo pe imi ɔ, e sɛ kaa e ba peeɔ ye kaselɔ.

Mose V, 10:12

“Jehanɛ, Israel bi, nyɛɛ bu nɔ́ nɛ Yawɛ, nyɛ Mawu ɔ ngɛ hlae kaa nyɛɛ pee ɔ tue. Nyɛ ja Yawɛ, nyɛ Mawu ɔ, nɛ nyɛɛ ye e mlaa amɛ tsuo a nɔ pɛpɛɛpɛ. Nyɛɛ suɔ lɛ, nɛ nyɛ sɔmɔ lɛ kɛ nyɛ tsui tsuo, kɛ nyɛ klaa tsuo.

Abɛ Womi 23:26

Ye bi, bu mi tue saminya; ha nɛ ye je mi bami nɛ pee nɔhyɛ nɔ́ ha mo!

La 86:10

Ejakaa o kle, nɛ o tsuɔ nyakpɛ níhi. Mo nɔ kake too ji Mawu.