Marko 12:28 - BAIBLO ALOO NGMAMI KLƆUKLƆU Ɔ

²⁸ Benɛ Yesu kɛ Saduki bi ɔmɛ ngɛ ni ɔmɛ a mi hlae ɔ, mlaa tsɔɔli ɔmɛ a ti nɔ kake ngɛ lejɛ ɔ. E na kaa Yesu ha mɛ sane ɔ nɛ a bi lɛ ɔ heto saminya. Lɔ ɔ he ɔ, e ba Yesu ngɔ ba bi lɛ ke, “Mlaa amɛ ɔ, te nɔ́ nɛ he hia pe kulaa nɛɛ?”

Somi He Ɔ

²⁸ Nɛ mlaa tsɔɔli ɔmɛ a ti nɔ kake nɛ nu kaa a ngɛ lɛ sanehi, bie ɔ hu ba, nɛ benɛ e na kaa Yesu ha mɛ heto saminya a e bi lɛ ke: “Te nɔ nɛ ji kita amɛ kulaa a ti kekleekle nɔ́ hu?”

Marko 12:28 ပူးပေါင်းရင်းမြစ်များ

Luka 20:39

Mlaa tsɔɔli ɔmɛ a ti ni komɛ de ke, “Tsɔɔlɔ, o munyu ɔ ngɔ!”

Mateo 19:18

Niheyo ɔ bi ke, “Mɛni mlaahi?” Yesu he nɔ ke, “Koo gbe nɔmlɔ; ko puɛ gba; koo ju; koo ye lakpa odase;

Mateo 5:19

Lɔ ɔ he ɔ, nɔ tsua nɔ nɛ maa tɔ mlaa nɛ ɔmɛ a kpɛti nyafii kake, nɛ e maa tsɔɔ ni kpahi ke a pee ja a, a maa bu lɛ nɔmlɔ nyafii pe kulaa ngɛ hiɔwe matsɛ yemi ɔ mi. Se nɔ tsuaa nɔ nɛ yeɔ mlaa a nɔ, nɛ e tsɔɔ ni kpahi hu ke a pee ja a, a maa bu lɛ nɔmlɔ nguaa ngɛ hiɔwe matsɛ yemi ɔ mi.

Luka 11:42

“Nyɛ Farisi bi, musu tloo nyɛ! Nyɛ haa Mawu kowɛ, kɛ pui, kɛ ba slɔɔtohi tsuo mi dlami nyɔngmanyɔngma mi kakaaka, se dami sane yemi, kɛ Mawu suɔmi lɛɛ nyɛ si se. E sa kaa nyɛ peeɔ enɛ ɔmɛ, nɛ ekpa amɛ hu nyɛ ko si se.

Mateo 23:23

“Nyɛ mlaa tsɔɔli kɛ Farisi bi! Musu tloo nyɛ! Osatotsɛmɛ! Nyɛ haa Mawu kowɛ, kɛ anisi, kɛ kumino mi dlami nyɔngmanyɔngma mi kakaaka, se níhi nɛ mlaa a tsɔɔ kaa a he hia, níhi kaa dami sane yemi, mɔbɔ nami, kɛ anɔkuale yemi ɔ, lɔ ɔmɛ lɛɛ nyɛ siɔ. Jinɛ e sa kaa nyɛɛ pee enɛ ɔmɛ, nɛ nyɛ ko si ekpa amɛ hulɔ.

Marko 9:14

Benɛ a kpale ba na kaseli ɔmɛ nɛ piɛ ɔ, a ba na nihi babauu nɛ ba bu a nɔ, nɛ mlaa tsɔɔli komɛ kɛ mɛ ngɛ níhi a mi hlae.