Marko 12:17 - BAIBLO ALOO NGMAMI KLƆUKLƆU Ɔ

¹⁷ Yesu he nɔ ke, “Nyɛɛ ngɔ Kaisare ɔ níhi ngɔ ha Kaisare ɔ, nɛ nyɛɛ ngɔ Mawu níhi ngɔ ha Mawu.” Nɛ Yesu he pee mɛ nyakpɛ wawɛɛ nitsɛ.

Somi He Ɔ

¹⁷ Nɛ Yesu he nɔ nɛ e de mɛ ke: “Nyɛɛ kɛ Kaisare nihi nɛ ha Kaisare, nɛ nyɛɛ kɛ Mawu nihi nɛ ha Mawu.” Nɛ e he pee mɛ nyakpɛ kɛ be nɔ.

Marko 12:17 ပူးပေါင်းရင်းမြစ်များ

Abɛ Womi 23:26

Ye bi, bu mi tue saminya; ha nɛ ye je mi bami nɛ pee nɔhyɛ nɔ́ ha mo!

Abɛ Womi 24:21

Ye bi, ye Yawɛ gbeye, nɛ o bu matsɛ. Nihi nɛ teɔ si kɛ woɔ mɛ ɔ, o kɛ jamɛatsɛmɛ ɔmɛ ko bɔ.

Malaki 1:6

Bɔ nɛ Yawɛ Tabohiatsɛ ɔ ngɛ osɔfo ɔmɛ dee ji nɛ ɔ nɛ: “Bi buu e tsɛ, nɛ tsɔlɔ hu buu e nyɔmtsɛ. Ke tsɛ ji mi ɔ, mɛni he je nyɛ bui mi mɔ? Nɛ ke nyɔmtsɛ ji mi ɔ, mɛni he je nyɛ yi mi gbeye? Nyɛ gbeɔ ye he guɛ, se kɛ̃ ɔ, nyɛ biɔ ke, ‘Kɛ wa plɛ kɛ gbe o he guɛ kɛɛ?’

Mateo 22:21

A he nɔ ke, “Kaisare ɔ.” Yesu de mɛ ke, “Lɛɛ nyɛɛ ngɔ Kaisare ɔ níhi ngɔ ha Kaisare ɔ, nɛ nyɛɛ ngɔ Mawu níhi ngɔ ha Mawu.”

Mateo 22:22

Benɛ a nu enɛ ɔ, a nya kpɛ a he, nɛ a si lɛ.

Mateo 22:33

Benɛ nimli kpekpemi ɔ nu enɛ ɔ, bɔ nɛ e plɛ kɛ tsɔɔ mɛ ní ɔ pee mɛ nyakpɛ.

Mateo 22:46

Nɔ ko nɔ ko nyɛ we nɛ e ha Yesu heto kpakpa ko. Nɛ kɛ je jamɛ a ligbi ɔ, nɔ ko kɛ́ kaa e ma bi lɛ munyu ko hu.

Mateo 8:10

Benɛ Yesu nu nɔ́ nɛ nyumu ɔ de ɔ, e hɛ mi pee lɛ yaa, nɛ e de nihi nɛ nyɛɛ e se ɔ ke, “Niinɛ, i ngɛ nyɛ dee ke Israel bi a kpɛti tete po, i nɛ hemi kɛ yemi kaa kikɛ nɛ ɔ!

Marko 12:16

A kɛ ba; nɛ e bi mɛ ke, “Mɛnɔ foni ji nɛ ɔ, nɛ mɛnɔ biɛ a ngma ngɛ nɔ ɔ?” A de lɛ ke, “Kaisare ɔ nɔ.”

Marko 12:30

Suɔ Nyɔmtsɛ, o Mawu ɔ kɛ o tsui, kɛ o klaa, kɛ o juɛmi, kɛ o he wami tsuo!’

Luka 20:25

Yesu de mɛ ke, “Saminya! Nyɛɛ ngɔ Kaisare ɔ nɔ́ ngɔ ha Kaisare ɔ, nɛ nyɛɛ ngɔ Mawu nɔ́ ngɔ ha Mawu!”

Romabi 12:1

I kpa nyɛ pɛɛ ye nyɛmimɛ, Mawu na nyɛ mɔbɔ babauu, lɔ ɔ he ɔ, nyɛɛ ngɔ nyɛ he ngɔ ha kaa bɔ nɛ a sã, se kɛ̃ e hɛ ngɛ, nɛ e he tsɔ, nɛ e saa Mawu hɛ mi; nɛ nyɛɛ kɛ nyɛ wami tsuo nɛ sɔmɔ Mawu, konɛ nyɛ jami ɔ nɛ pee ngɛ mumi mi.

Romabi 13:7

Lɔ ɔ he ɔ, bɔ nɛ ji nɔ tsuaa nɔ blɔ nya a, nyɛɛ pee ha lɛ. Ma tó nɛ sa kaa nyɛɛ wo ɔ, nyɛɛ wo; tó nɛ a heɔ ngɛ weto ní he jio, nyɛɛ wo; nihi nɛ sa he si bami ɔ, nyɛɛ ba he si ha mɛ; nɛ nyɛɛ bu nihi nɛ sa bu.

Romabi 6:13

Nyɛ ko ngɔ nyɛ nɔmlɔ tso ɔ he ní komɛ kɛ pee yayami hu. Mohu ɔ, nyɛɛ ngɔ nyɛ he ngɔ ha Mawu. Nyɛɛ ba nyɛ je mi kaa nihi nɛ a tle mɛ si kɛ je gbeje kɛ ba wami mi. Nyɛɛ ngɔ nyɛ he ngɔ ha Mawu, konɛ e ngɔ nyɛ kɛ tsu níhi nɛ da.

1 Petro 2:17

Nyɛɛ bu nɔ tsuaa nɔ; nyɛɛ suɔ nyɛmimɛ ɔmɛ nɛ ngɔ a he ngɔ ha Kristo ɔ; nyɛɛ ye Mawu gbeye, nɛ nyɛɛ bu matsɛ ɔ.