Marko 12:14 - BAIBLO ALOO NGMAMI KLƆUKLƆU Ɔ

¹⁴ Benɛ a ba a, a de lɛ ke, “Tsɔɔlɔ, wa le kaa o yeɔ anɔkuale, nɛ o yi nɔ hɛ mi munyu tumi gbeye, ejakaa o hyɛ we nɔ hɛ mi; mohu, bɔ nɛ Mawu suɔ kaa adesa nɛ ba e je mi ɔ, lɔ ɔ pɛ o tsɔɔ ngɛ anɔkuale mi. Anɛ e da blɔ kaa a tsuɔ tó haa Kaisare ɔ, aloo e dɛ? Wa ha, loo wa ko ha?”

Somi He Ɔ

¹⁴ Nɛ benɛ a ba a, a ba de lɛ ke: “Tsɔɔlɔ, wa le kaa anɔkualetsɛ ji mo, nɛ o yi nɔ hɛ mi munyu tumi gbeye, ejakaa o hyɛ we nimli a hɛ mi, mohu o tsɔɔ Mawu blɔ ɔ ngɛ anɔkuale mi. Anɛ e da blɔ kaa a tsuɔ onia haa Kaisare aloo e dɛ? Wa ha aloo wa ko ha?”

Marko 12:14 ပူးပေါင်းရင်းမြစ်များ

Kronika II, 18:13

Se Mikaya he nɔ ke, “I na Yawɛ hɛ kalɔ ɔ, kaa nɔ́ nɛ Mawu ma de mi ke ma de ɔ, lɔ ɔ pɛ ma de ɔ nɛ!”

Kronika II, 19:7

Nyɛɛ ye Yawɛ gbeye, nɛ nyɛɛ pee nyɛ níhi ngɛ blɔ nɛ da nɔ; ejakaa Yawɛ, wa Mawu ɔ sume kaa a plɛ dami sane hɛ mi ngɔ bu si, aloo a hyɛ nɔ hɛ mi, aloo a he nyɔ mi ní.”

Nehemia 9:37

Zugba a baa ní babauu ha matsɛmɛ ɔmɛ nɛ a ngɔ to wa nya a mohu, se akɛnɛ wa pee yayami kɛ si mo ɔ, a pee wɔ nimli ɔmɛ, kɛ wa lohwe ɔmɛ yayami bɔ nɛ a suɔ, nɛ wa yi fi wawɛɛ nitsɛ!”

La 120:2

Yawɛ, je mi kɛ je lakpatsɛmɛ, nihi nɛ sisiɔ a sibi a dɛ mi.

La 55:21

E tuɔ munyu dɔkɔbii, se ta mohu he e ngɛ susue. E munyuhi a he jɔ bɔdɔɔ pe nu po, se afani klaatehi nɛ a hia kɛ je kpo mi.

Yeremia 42:20

kaa blɔ nɛ nyɛ hia a, blɔ ɔ dɛ, nɛ tue gblami nɛ maa nyɛɛ se ɔ, nyɛɛ kɛ nyɛ wami ma he. Nyɛ de mi ke ma kpa Yawɛ, wa Mawu ɔ pɛɛ ha nyɛ, nɛ nyɛ wo si ke nɔ́ tsuaa nɔ́ nɛ Yawɛ ma fa nyɛ ke nyɛɛ pee ɔ, nyɛ maa pee.

Mika 3:8

Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.

Mateo 22:16

Kɛkɛ nɛ a tsɔ a kaseli ɔmɛ a ti ni komɛ, kɛ Herode we bi komɛ kɛ ba e ngɔ. A ba de lɛ ke, “Tsɔɔlɔ, wa le kaa anɔkualetsɛ ji mo. Bɔ nɛ Mawu suɔ kaa adesa nɛ hi si ɔ, o tsɔɔ pɛpɛɛpɛ nɛ o yi nɔ ko nɔ ko gbeye; ejakaa o hyɛ we nimli a hɛ mi.

Mateo 22:17

Lɔ ɔ he ɔ, de wɔ; kɛ o susuu kɛɛ? Anɛ mlaa ngmɛɛ blɔ kaa a tsu tó ha Kaisare ɔ, aloo a ko tsu?”

Marko 12:13

A tsɔ Farisi bi komɛ kɛ Herode bi komɛ Yesu ngɔ, konɛ a ba bi lɛ munyu nɛ a kɛ wo e nya tso kpɛ.

Marko 12:15

Se Yesu na kaa osato a ngɛ pee, lɔ ɔ he ɔ, e ha mɛ heto ke, “Mɛni he je nyɛ ngɛ mi kae? Nyɛɛ ngɔ sika nɛ a yeɔ ɔ eko kɛ ba ma hyɛ.”

Marko 14:45

Benɛ Yuda su si nɔuu pɛ nɛ e ba Yesu ngɔ, nɛ e ke, “Tsɔɔlɔ!” nɛ e fiɔ e nya he.

Luka 20:22

Anɛ wa mlaa a ngmɛɛ blɔ kaa a tsu tó ha Kaisare ɔ, loo a ko tsu?”

Luka 23:2

Nɛ a bɔni e nya pomi ke, “Wa nu nyumu nɛ ɔ nɛ e ngɛ wa ma mi bi ɔmɛ a tue puɛe. Wa nu nɛ e ngɛ mɛ dee ke a ko tsu tó ha Kaisare ɔ, se lɛ nitsɛ ji Kristo, matsɛ ɔ nɛ.”

Yohane 7:18

Ke nɔ ko tuɔ munyu ngɛ lɛ nitsɛ e he wami nya a, e ngɛ hɛ mi nyami hlae ha e he. Se anɔkualetsɛ lɛɛ e hlaa kaa e maa wo nɔ nɛ tsɔ lɛ ɔ mohu hɛ mi nyami, nɛ sisimi be e mi.

Romabi 13:6

Enɛ ɔ he je nɛ nyɛ woɔ tó ɔ nɛ. Ejakaa nɔ yeli ɔmɛ ɔ, Mawu tsɔli ji mɛ; nɛ ní tsumi pɔtɛɛ nɛ a tsuɔ ji nɛ ɔ nɛ.

2 Korintobi 2:17

Wɔɔ lɛɛ wa be kaa ni kpa komɛ nɛ mɛɛ a ngɔ Mawu munyu ɔ ngɔ pee je juami nɔ́ nɛ a kɛ ngɛ si kpae ɔ. Se mohu kaa nihi nɛ le Kristo ɔ, wa tuɔ anɔkuale ɔ sisi kaa nihi nɛ a tsɔ mɛ kɛ je Mawu nitsɛ ngɔ.

2 Korintobi 2:2

Ejakaa ke i ha nɛ nyɛ ní pee mɔbɔ ɔ, mɛnɔ maa wo mi bua? Pi nyɛ nihi nɛ i ha nyɛ ní pee mɔbɔ ɔ kɛ̃ lo?

2 Korintobi 4:1

Akɛnɛ Mawu naa mɔbɔ he je ɔ, e ha wɔ ní tsumi nɛ ɔ ke wa tsu. Lɔ ɔ he ɔ, wa kɔni mi jɔ̃ we.

2 Korintobi 5:11

Lɔ ɔ he ɔ, wɔ nɛ waa kɛ bu yee Nyɔmtsɛ ɔ gbeye ɔ, wa bɔɔ mɔde tuɔ munyu tsɔɔ nihi. Wɔ nitsɛmɛ lɛɛ, Mawu le bɔ nɛ wa ngɛ ha. Nɛ i heɔ yeɔ kaa nyɛ hu nyɛ le wɔ kɛ pi si jã nɔuu.

2 Korintobi 5:16

Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.

Galatabi 1:10

Nɔ́ nɛ i ngɛ dee nɛ ɔ, anɛ e tsɔɔ kaa i ngɛ hlae nɛ ma sa adesa hɛ mi lo? Dɛbi! Nɔ́ nɛ i ngɛ hlae kɛkɛ ji kaa ma sa Mawu hɛ mi. Anɛ pe i ngɛ hlae nɛ nimli nɛ suɔ mi lo? Ke ja ji sane ɔ lɛɛ pi Kristo tsɔlɔ ji mi.

Galatabi 2:6

Se ni nɛmɛ nɛ a buu mɛ kaa a ngɛ biɛ ɔ, bɔ tsuaa bɔ nɛ a ngɛ sa a, pi ye he sane ko. Mawu hyɛ we nimli a hɛ mi; ejakaa imi lɛɛ ni nɛmɛ nɛ a buu mɛ ɔ tsɔɔ we mi nɔ́ ko ngɔ piɛ he.

Mose V, 16:19

A ko ye tue kpɛkpɛɛ sane; nɛ a ko hyɛ nɔ hɛ mi. A ko he nyɔ mi ní; ejakaa nyɔ mi ní hemi yuɔ ní leli po a hɛngmɛ, nɛ e haa a plɛɔ munyu hɛ mi buɔ si.

1 Tesalonikabi 2:4

Mohu ɔ, wa tuɔ munyu kaa bɔ nɛ Mawu tsɔɔ wɔ ke waa pee ɔ; ejakaa e na wɔ kaa nihi nɛ sa nɛ a tu sane kpakpa a ngɔ wo a dɛ mi. Wa hla we kaa waa sa nimli a hɛ mi, se mohu kaa wa maa sa Mawu pɛ hɛ mi; ejakaa lɛ nɛ e le bɔ nɛ wa tsui mi ngɛ ha.