Marko 12:11 - BAIBLO ALOO NGMAMI KLƆUKLƆU Ɔ

¹¹ Nyɔmtsɛ ɔ dɛ mi enɛ ɔ je; ke wa hyɛ ɔ, e ngɛ nyakpɛ nitsɛnitsɛ.’ ”

Somi He Ɔ

¹¹ Nyɔmtsɛ ɔ dɛ mi enɛ ɔ je, Nɛ e ngɛ nyakpɛ ngɛ wa hɛngmɛ mi?’ ”

Marko 12:11 ပူးပေါင်းရင်းမြစ်များ

La 118:23

Yawɛ dɛ mi enɛ ɔ je; hyɛ bɔ nɛ e ngɛ nyakpɛ ha!

Habakuk 1:5

Kɛkɛ nɛ Yawɛ de e ma a ke, “Nyɛɛ hyɛ je ma amɛ nɛ bɔle nyɛ kɛ kpe ɔ; nyɛ maa na nyakpɛ níhi nɛ ma ha nyɛ he mi maa po. Ejakaa ma tsu ní tsumi ko ngɛ nyɛ be nɛ ɔ mi nɛ ke a sɛɛ ha nyɛ ɔ, nyɛ be hee maa ye.

1 Timoteo 3:16

Anɔkuale ɔ nɛ kɔɔ wa jami ɔ he ɔ ji laami sane nguaa; nɔ ko nɔ ko be nyɛe maa je he nɔ́. Kristo ba je nɛ ɔ mi kaa nɔmlɔ adesa; E ye nguɔ ngɛ mumi mi; E je e he kpo ngɔ tsɔɔ Mawu bɔfohi. A fiɛ lɛ ngɛ je ma amɛ a kpɛti; A he lɛ ye ngɛ je ɔ mi tsuo. A ngɔ lɛ kɛ ho hiɔwe ya ngɛ nyami mi.

Kolosebi 1:27

Mawu suɔ kaa e ha mɛɛ a le kaa kikɛmɛ a laami sane nɛ he jua wa, nɛ hɛ mi ngɛ nyami nɛ ɔ ngɛ ní tsue ngɛ ma je li ɔmɛ hu a kpɛti. Nɛ laami sane ɔ ji, Kristo ngɛ nyɛ mi, nɛ tsɔɔ kaa nyɛ hɛ ngɛ nɔ kaa Mawu maa wo nyɛ hɛ mi nyami.

Ni Tsumi 2:12

Mɛ tsuo a nya kpɛ a he, nɛ a dɛ yaa. A bi a sibi ke, “Kɛ ji enɛ ɔ sisi kɛɛ?”

Mose IV, 23:23

Kunya ko kunya ko be Yakob nyɛe, Israel ɔ, klaami he wami ko be lɛ nyɛe. Lɛɛ a ma de ngɛ Yakob, loo Israel he ke, ‘Nyɛɛ hyɛ nyakpɛ níhi nɛ Mawu tsu ha mɛ!’

Mose I, 24:50

Laban kɛ Betuel he nɔ ke, “Akɛnɛ Yawɛ dɛ mi sane nɛ ɔ je he je ɔ, wɔɔ lɛɛ wa be nyɛe ma de he nɔ́ ko.

La 118:22

Tɛ ɔ nɛ tsu fiali ɔmɛ sake fɔ he ɔ, lɔ ɔ nɔuu ba pee kɔ nya tɛ.

Mateo 21:42

Yesu de mɛ ke, “Anɛ nyɛ kane we enɛ ɔ ngɛ ngmami ɔmɛ a mi hyɛ?” Ngmami ɔ ke, “Tɛ ɔ nɛ tsu fiali ɔmɛ sake fɔ he ɔ, lɔ ɔ tutuutu ba plɛ kɔ nya tɛ. Nyɔmtsɛ ɔ lɛ pee enɛ ɔ; hyɛ bɔ nɛ e ngɛ nyakpɛ ha!”