Marko 11:33 - BAIBLO ALOO NGMAMI KLƆUKLƆU Ɔ

³³ Lɔ ɔ he ɔ, a he nɔ ke, “Wa li.” Yesu de mɛ ke, “Lɛɛ imi hu nɔ nɛ ha mi he blɔ nɛ i kɛ peeɔ ní nɛ ɔmɛ ɔ, i be nyɛ tsɔɔe.”

Somi He Ɔ

³³ A he nɔ nɛ a de lɛ ke: “Wa li.” Nɛ Yesu de mɛ ke: “Lɛɛ imi hu i be nyɛ tsɔɔe nɔ he blɔ nɛ i ngɛ nɛ i kɛ peɔ ni nɛ ɔmɛ mɔ.’

Marko 11:33 ပူးပေါင်းရင်းမြစ်များ

2 Korintobi 3:15

Ee, kɛ ba su mwɔnɛ ɔ, be tsuaa be nɛ a ngɛ Mose mlaa a kanee ɔ, hɛ mi hami nɔ́ ɔ ha a juɛmi nɔ.

Romabi 1:28

Jehanɛ ɔ hu, akɛnɛ nimli nɛ ɔmɛ bui a he kaa e sa mɛ kaa a leɔ Mawu ɔ, Mawu hu ngmɛɛ a he ngɔ ha juɛmi nɛ sɛ́, konɛ a pee níhi nɛ sɛ́.

Yohane 9:27

E he nɔ ke, “Tse i de nyɛ enɛ ɔ momo nɛ nyɛ bui mi tue. Mɛni nyɛ ngɛ hlae nɛ nyɛɛ nu ekohu. Nyɛ hu nyɛ suɔ kaa nyɛ maa pee e kaseli lo?”

Yohane 3:10

Yesu he nɔ ke, “Tse tsɔɔlɔ nguaa ji mo ngɛ Israel! Nɛ o li enɛ ɔ?

Mateo 21:27

Lɔ ɔ he ɔ, a ha Yesu heto ke, “Wa li.” Lɛ hu e de mɛ ke, “Lɛɛ imi hu i be nyɛ tsɔɔe nɔ́ he wami nɛ i kɛ ngɛ ní nɛ ɔmɛ pee.

Mateo 16:4

Mwɔnɛmwɔnɛ yi nɔ bi yayami nɛ li Mawu! Nyɛ bi ke ma pee nyakpɛ nɔ́ ko ha nyɛ, pi jã? Dɛbi! Okadi pɛ nɛ a ma ha nyɛ ji Yona nɔ́ ɔ.” Kɛkɛ nɛ Yesu je a he, nɛ e pue nɔ kɛ ho.

Mateo 15:14

Nyɛ ko hao nyɛ he ngɛ a he kulaa! Hɛ yuyuili nɛ ngɛ hɛ yuyuili blɔ tsɔɔe ji mɛ. Ke hɛ yuyuilɔ ngɛ hɛ yuyuilɔ blɔ tsɔɔe ɔ, mɛ ni enyɔ ɔmɛ tsuo a maa nɔ muɔ mi.”

Yesaya 56:10

E ke, “Ma hɛ mi nyɛɛli ɔmɛ nɛ sa kaa a kaa ye ma a hɛ mi ɔ, hɛ yuyuili ji mɛ tsuo; a li nɔ́ ko nɔ́ ko! A ngɛ kaa we he bumi gbehi nɛ kpa we ngmlaa; daa nɛ ɔ, mahe mi kɛkɛ a hii nɛ a hii nlae. Lɔ ɔ ji nɔ́ nɛ a suɔ!

Yesaya 1:3

Nahi le a tsɛ, nɛ tejihi hu le he nɛ a nɔ hyɛlɔ haa mɛ ní ngɛ. Se imi nitsɛ ye ma Israel ɔ, mɛɛ lɛɛ a li nɔ́ ko nɔ́ ko; a juɛmi bɛ he.”

Hiob 5:13

Ke ní leli tsɔ nihi klama a, lɛ nɛ e haa klama amɛ fɛɔ yaka nɛ a puɛ we ní.

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Marko 11:32

Se akɛnɛ ma a tsuo he ye kaa Yohane ɔ, gbalɔ ji lɛ he je ɔ, a ye ma a gbeye kaa a ma de ke adesa dɛ mi e je.

Marko 12:1

Yesu ya nɔ nɛ e kɛ mɛ tu munyu ngɛ abɛhi a mi ke, “Nyumu ko pee wai ngmɔ, nɛ e du tso tsɔwi kɛ po piɛ kɛ bɔle lɛ. E tsua wai tɛ muɔ, nɛ e ma buli a mɔ ngɛ ngmɔ ɔ mi. E ngɔ wai ngmɔ ɔ kɛ ha apaa yeli, kɛkɛ nɛ e doma.