Marko 11:18 - BAIBLO ALOO NGMAMI KLƆUKLƆU Ɔ

¹⁸ Osɔfo nikɔtɔma amɛ, kɛ mlaa tsɔɔli ɔmɛ nu nɔ́ nɛ e de ɔ, lɔ ɔ he ɔ, a bɔni hlami bɔ nɛ a maa pee nɛ a kpata e hɛ mi. Se a ngɛ lɛ gbeye yee, ejakaa bɔ nɛ e ngɛ mɛ ní tsɔɔe ɔ, ma kpekpemi ɔ tsuo a he mi po.

Somi He Ɔ

¹⁸ Nɛ osɔfo nikɔtɔma amɛ kɛ mlaa tsɔɔli ɔmɛ nu, nɛ lɔ ɔ he ɔ a hla bɔ nɛ a maa pee nɛ a kpata e hɛ mi; se a ngɛ lɛ gbeye yee, ejakaa asafo ɔ kulaa nya kpɛ a he ngɛ e ni tsɔɔmi ɔ he.

Marko 11:18 ပူးပေါင်းရင်းမြစ်များ

Mateo 7:28

Benɛ Yesu tu munyu nɛ ɔmɛ gbe nya a, ni ɔmɛ a nya kpɛ a he ngɛ bɔ nɛ e plɛ kɛ tsɔɔ ní ɔ he.

Marko 12:12

Yuda ma nimeli ɔmɛ pee kaa a maa nu Yesu, ejakaa a le kaa a he nɛ e bu kikɛmɛ a abɛ nɛ ɔ nɛ. Se a ngɛ ma kpekpemi ɔ gbeye yee; lɔ ɔ he ɔ, a si lɛ nɛ a je.

Ni Tsumi 24:25

Se benɛ Paulo ngɛ dami, he nɔ yemi, kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke, “Yaa lolo, ke i na deka a, ma tsɛ mo ekohu.”

Yohane 7:46

Tsɔli ɔmɛ he nɔ ke, “Bɔ nɛ nɔmlɔ nɛ ɔ tuɔ munyu ɔ, nɔ ko tu we munyu ja gblee.”

Luka 20:19

Mlaa tsɔɔli ɔmɛ, kɛ osɔfo nikɔtɔma amɛ hla kaa a maa nu Yesu jamɛ a ngmlɛfia a mi nɔuu; ejakaa a na kaa a he munyu lɛ e tu ɔ nɛ. Se a ya ye ma a gbeye.

Luka 19:47

Daa ligbi ɔ, Yesu ya tsɔɔ ní ngɛ sɔlemi we ɔ. Osɔfo nikɔtɔma amɛ, kɛ mlaa tsɔɔli ɔmɛ, kɛ ma nimeli ɔmɛ hlaa kaa a maa gbe lɛ.

Luka 4:22

Ni ɔmɛ tsuo tu e he munyu kpakpa, nɛ munyuhi nɛ a he jua wa nɛ je e nya a ha a nya kpɛ a he, nɛ a bi ke, “Anɛ pi Yosef bi ɔ ji nɛ ɔ lo?”

Marko 11:32

Se akɛnɛ ma a tsuo he ye kaa Yohane ɔ, gbalɔ ji lɛ he je ɔ, a ye ma a gbeye kaa a ma de ke adesa dɛ mi e je.

Marko 6:20

Herode nitsɛ hu ngɛ Yohane gbeye yee, ejakaa e le kaa Yohane ɔ, nɔmlɔ kpakpa, kɛ nɔ klɔuklɔu ji lɛ; lɔ ɔ he ɔ, e ngɔ lɛ ngɔ to slɔkee. Herode suɔ kaa e bu lɛ tue lɛɛ, se be tsuaa be nɛ e maa nu munyu kɛ je Yohane nya, e haoɔ lɛ.

Marko 3:6

Lɔ ɔ he ɔ, Farisi bi ɔmɛ je kpe he ɔ, nɛ amlɔ ɔ, a kɛ Herode bi ɔmɛ ya so Yesu yi nɔ, bɔ nɛ a maa pee nɛ a kpata e hɛ mi.

Marko 1:22

Nihi nɛ ba bu lɛ tue ɔ, a he mi po ngɛ e ní tsɔɔmi ɔ he, ejakaa e tsɔɔ mɛ ní kaa nɔ nɛ ngɛ he blɔ, pi kaa bɔ nɛ mlaa tsɔɔli ɔmɛ tsɔɔ ɔ.

Mateo 21:15

Osɔfo nikɔtɔma amɛ na nyakpɛ níhi nɛ Yesu pee ngɛ sɔlemi we ɔ. A na bɔ nɛ jokuɛwi hu ngɛ lele hwɔe ngɛ lejɛ ɔ nɛ a ngɛ dee ke, “A je David Bi ɔ yi!” Kɛkɛ nɛ a mi mi fu,

Yesaya 49:7

Nɔ nɛ a gbe e he guɛ wawɛɛ, nɛ je ma amɛ sume e sane saasaa a, nɔ yeli ɔmɛ a tsɔlɔ ɔ, bɔ nɛ Israel yi wami helɔ, kɛ Israel Mawu Klɔuklɔu ɔ ngɛ dee ngɛ e he ji nɛ ɔ nɛ: “Matsɛmɛ maa na mo, nɛ a maa te si ha mo; ganɔhi maa na, nɛ a ma kpla si ha mo kɛ wo o hɛ mi nyami.” Nɔ́ nɛ ɔ maa ba mi, ejakaa Yawɛ nitsɛ lɛ hla e tsɔlɔ ɔ nɛ; Israel Mawu klɔuklɔu ɔ yeɔ e siwo nɔ sisiisi.

Matsɛmɛ I, 22:18

Ahab de Yehoshafat ke, “Anɛ i de we mo ke Mikaya gbɛ manye nɔ́ ko ha we mi hyɛ gblee, kaa nɔ́ yayami pɛ e gbaa lo?”

Matsɛmɛ I, 22:8

Ahab he nɔ ke, “Nɔ kake ngɛ; lɛ ji Imla binyumu Mikaya. Se i sume lɛ, ejakaa e gbɛ manye nɔ́ ko ha we mi hyɛ gblee, ja nɔ́ yayami pɛ.” Yehoshafat de lɛ ke, “Mo ko de ja!”

Matsɛmɛ I, 21:20

Benɛ Ahab na Eliya a, e bi lɛ ke, “Ye he nyɛlɔ, pe o nuu mi nɛ ɔ?” Eliya he nɔ ke, “Ee, i nuu mo. O ngɔ o he ngɔ ha yayami peemi, nɛ o pee nɔ́ nɛ dɛ ngɛ Yawɛ hɛ mi.

Luka 2:47

Nihi tsuo nɛ ngɛ lɛ tue bue ɔ a nya kpɛ a he; ejakaa a na kaa e juɛmi mi kuɔ, nɛ e ngɛ níhi a heto hae pɛpɛɛpɛ.

Yohane 7:1

Enɛ ɔ se ɔ, Yesu kpa si ngɛ Galilea pɛ, se e sume nɛ e ya Yudea zugba a mi, ejakaa Yuda bi ɔmɛ ngɛ lɛ hlae nɛ a gbe.

Yohane 7:19

Pi Mose nɛ wo nyɛ mlaa a? Nɛ nyɛ ti nɔ ko nɔ ko yi nɔ ɔ? Mɛni he je nyɛ ngɛ hlae nɛ nyɛɛ gbe mi ɔ?”