Marko 11:13 - BAIBLO ALOO NGMAMI KLƆUKLƆU Ɔ

¹³ E na ngmɔkɔ tso nɛ ba ngɛ nɔ butuu ngɛ lokoo, nɛ e ho ya hyɛ kaa alini e ma ná nɔ́ ko ngɛ nɔ lo. Se benɛ e su he ɔ, e nɛ́ nɔ́ ja nɔ́ ko pe ba kɛkɛ, ejakaa ngmɔkɔ womi be sui lolo.

Somi He Ɔ

¹³ Nɛ e na ngmɔkɔ tso ko ngɛ lokoo nɛ ba ngɛ yi, nɛ e ho ya hyɛ kaa alinɔ e maa na nɔ ko ngɛ nɔ lo. Se benɛ e su he ɔ, e nɛ nɔ́ ko kaa ja ba sɔuu, ejakaa ngmɔkɔ womi be sui lolo.

Marko 11:13 ပူးပေါင်းရင်းမြစ်များ

Mateo 21:19

E na ngmɔkɔ tso ko ngɛ blɔ ɔ he, nɛ e gba kɛ ya he; se e nɛ nɔ́ ko nɔ́ ko ngɛ tso ɔ nɔ pe ba kɛkɛ. Lɔ ɔ he ɔ, e de tso ɔ ke, “O be yiblii ko woe hu gblegbleegble!” Nɛ ngmɔkɔ tso ɔ ngla amlɔ nɔuu.

Yesaya 5:7

Israel ma a ji Yawɛ Tabohiatsɛ ɔ wai ngmɔ ɔ nɛ; Yuda bi ɔmɛ ji wai tso kpakpa amɛ nɛ e du ɔ nɛ. E hyɛ blɔ kaa a maa ye dami sane, se muɔ si mohu a ngɛ puee. E hyɛ blɔ kaa a maa pee nɔ́ nɛ da, se amimi mohu a ngɛ ma a yee, nɛ nɔ́ nɛ ɔ ha ni ɔmɛ ngɛ ngmlaa kpae.

Luka 10:31

Tlukaa a, osɔfo ko hu ya gu jamɛ a blɔ ɔ nɔ kɛ yaa; se benɛ e na nyumu ɔ, e tsɔ e he kɛ be.

Samuel I, 6:9

Lɔ ɔ se ɔ, nyɛɛ hi lɛ hyɛe; ke e ba mi kaa tlɔɔke ɔ nyɛɛ tɛ̃ɛ̃ kɛ ya su lɛ nitsɛ e zugba a nɔ ngɛ Bet Shemesh ɔ, lɛɛ Israel Mawu ɔ ji nɔ nɛ kɛ amanehlu nguaa nɛ ɔ ba wa nɔ ɔ nɛ. Se ke e pee we ja a, lɛɛ wa maa na kaa tsa pi lɛ nɛ e gbla wa tue, se mohu matahu kɛkɛ nɛ ba po wɔ.”

Rut Womi 2:3

Kɛkɛ nɛ Rut ho ngma ngmɔ ɔmɛ a mi ya nɛ e ya nyɛɛ ní kpali ɔmɛ a se kɛ kukuɔ bibliwi ɔmɛ. He ní a nya a, e ya je Boaz, nɛ je Elimelek weku ɔ mi ɔ e ngmɔ mi.

Yesaya 5:2

E hu zugba a nɔ, e je tɛhi nɛ ngɛ mi ɔ tsuo, nɛ e du wai tso kpakpahi ngɛ mi. E ma mɔ ko nɛ a maa hi mi kɛ bu ngmɔ ɔ he, e tsua muɔ nɛ a maa nga wai yiblii kɛ wo mi. E mlɛ kɛ ya si be nɛ wai yiblii ɔ fu; se wai yiblii ɔmɛ tsuo dooɔ.

Marko 11:12

E nɔ jena benɛ a je Betania kɛ ma a, hwɔ bɔni Yesu yemi.

Marko 11:14

Yesu de ngmɔkɔ tso ɔ ke, “Nɔ ko nɔ ko be o yiblii yee hu gblegbleegble!” E kaseli ɔmɛ nu nɔ́ nɛ e de ɔ.