Marko 10:52 - BAIBLO ALOO NGMAMI KLƆUKLƆU Ɔ

⁵² Kɛkɛ nɛ Yesu de lɛ ke, “Yaa, o hemi kɛ yemi tsa mo!” Amlɔ nɔuu ɔ, e bɔni nɔ́ hyɛmi, nɛ e kɛ Yesu ho.

Somi He Ɔ

⁵² Nɛ Yesu de lɛ ke: “Yaa, o hemi kɛ yemi tsa mo!” Nɛ amlɔ ɔ nɔuu ɔ, e hyɛ nɔ ekohu, nɛ e nyɛɛ Yesu se ngɛ blɔ ɔ nɔ.

Marko 10:52 ပူးပေါင်းရင်းမြစ်များ

La 146:8

Yawɛ bliɔ hɛ yuyuili a hɛngmɛ; Yawɛ woɔ ni nɛmɛ nɛ nɔ si a nɔ; Yawɛ suɔ ni nɛmɛ nɛ peeɔ nɔ́ nɛ da.

La 33:9

Ejakaa munyu kɛkɛ lɛ e tu nɛ e kɛ bɔ je ɔ. Fami kɛkɛ lɛ e fa nɛ níhi tsuo ba.

Yesaya 35:5

Hɛ yuyuili maa hyɛ nɔ́ ekohu, nɛ tuekpokutsɛmɛ maa nu nɔ́.

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Mateo 12:22

Jehanɛ, ni komɛ ngɔ nyumu ko nɛ hɛ yu, nɛ e tu we munyu hulɔ kɛ ba Yesu ngɔ; nyumu nɛ ɔ, mumi yayami ngɛ e mi. Yesu tsa lɛ, nɛ e tu munyu, nɛ e hyɛ nɔ́ ekohu.

Mateo 15:28

Jehanɛ Yesu de lɛ ke, “Yo, o hemi kɛ yemi kle! Nɔ́ nɛ o ngɛ hlae ɔ, a pee ha mo!” Nɛ jamɛ a ngmlɛfia a nɔuu ɔ, a tsa e biyo ɔ.

Mateo 21:14

Hɛ yuyuili, kɛ glɔtsɛmɛ ba e ngɔ ngɛ sɔlemi we ɔ, nɛ e tsa mɛ.

Mateo 8:3

Yesu kpã e nine mi, nɛ e ta nɔ ɔ he, nɛ e de lɛ ke, “I suɔ; o he nɛ tsɔ!” Amlɔ nɔuu ɔ, hiɔ ɔ ta ngɛ e he.

Mateo 9:22

Yesu plɛ e he, nɛ benɛ e na lɛ ɔ, e de lɛ ke, “Biyo, o tsui nɛ nɔ o mi; o hemi kɛ yemi ɔ tsa mo.” Nɛ yo ɔ na he wami jamɛ a ngmlɛfia a nɔuu.

Marko 1:31

E ya e ngɔ, nɛ e ya nu e nine si, nɛ e wo e nɔ; kɛkɛ nɛ aslã a po ngɛ yo ɔ nɔ, nɛ e te si nɛ e bɔni ni ɔmɛ sɔmɔmi ngɛ lejɛ ɔ.

Marko 5:34

Yesu de lɛ ke, “Biyo, o hemi kɛ yemi tsa mo! O hiɔ ɔ nɛ jɔ! Yaa ngɛ he jɔmi mi.”

Marko 8:25

Yesu kɛ e nine ha hɛ yuyuilɔ ɔ hɛngmɛ ɔmɛ nɔ ekohu. Jehanɛ nyumu ɔ pã e hɛngmɛ mi; a tsa lɛ, nɛ e hyɛ nɔ́ paa.

Luka 7:50

Se Yesu de yo ɔ ke, “O hemi kɛ yemi he o yi wami; yaa ngɛ he jɔmi mi.”

Luka 9:48

nɛ e de mɛ ke, “Nɔ tsuaa nɔ nɛ ma he jokuɛ nyafii nɛ ɔ atuu ngɛ ye biɛ mi ɔ, imi e he atuu ɔ nɛ; nɔ tsuaa nɔ nɛ heɔ mi atuu ɔ, nɔ nɛ tsɔ mi ɔ lɛ e he atuu ɔ nɛ. Ejakaa nɔ nyafii pe kulaa ngɛ nyɛ tsuo nyɛ kpɛti ɔ, lɛ ji nɔmlɔ nguaa pe kulaa.”

Yohane 9:32

Kɛ je benɛ a bɔ je ɔ, nɔ ko nɔ ko nui hyɛ kaa a bli nɔ ko nɛ a fɔ lɛ hɛ yuyuilɔ hɛngmɛ?

Yohane 9:39

Yesu de ke, “I ba je nɛ ɔ mi nɛ ma ba kojo, konɛ hɛ yuyuili nɛ hyɛ nɔ; nɛ nihi nɛ susuɔ kaa a ngɛ nɔ hyɛe ɔ, a hɛ nɛ yu.”

Ni Tsumi 26:18

O ma ya bli a hɛngmɛ, konɛ a je diblii mi kɛ ba la he; o ma ya je mɛ kɛ je Abosiami ɔ he wami sisi kɛ ba Mawu ngɔ. Kɛkɛ ɔ, a ma he imi Yesu nɛ a ye, nɛ Mawu maa ngɔ a he yayami kɛ pa mɛ, nɛ a maa ba a hi he ngɛ nihi nɛ Mawu hla kɛ pee e ma a a kpɛti.’