Marko 10:5 - BAIBLO ALOO NGMAMI KLƆUKLƆU Ɔ

⁵ Yesu de mɛ ke, “Mose ngma mlaa nɛ ɔ, ejakaa nyɛ tue wa.

Somi He Ɔ

⁵ Yesu de mɛ ke: “Nyɛ tsui wami he je nɛ Mose ngma kita nɛ ɔ ha nyɛ ɔ nɛ;

Marko 10:5 ပူးပေါင်းရင်းမြစ်များ

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Mateo 19:8

Yesu he nɔ ke, “Mose ha nyɛ he blɔ ke nyɛɛ ngmɛɛ nyɛ yihi a he, ejakaa nyɛ tue wa; pi ja ji sane ɔ kɛ je sisije.

Ni Tsumi 7:51

Stefano ya nɔ nɛ e de ke, “Nyɛ kuɛ wa kaa amaga jali, nɛ nyɛ tsui, kɛ nyɛ tue wa kaa nɔ́ ko! Nyɛ ngɛ kaa nyɛ nɛmɛ ɔmɛ pɛ! Nyɛ hu nyɛ kplɛɛ we nɛ Mumi Klɔuklɔu ɔ nɛ tsu nyɛ he ní.

Mose V, 24:1

“Waa ngɔ lɛ kaa nyumu ko ngɔ yo, nɛ pee se ɔ, e sume lɛ hu; ejakaa e na nɔ́ yayami ko ngɛ yo ɔ he. Lɔ ɔ he ɔ, e ngma gba mi pomi womi nɛ e ngɔ wo e dɛ; nɛ e ha e je e we ɔ mi.

Mose V, 31:27

I le kaa a kuɛ wa, nɛ a tsɔɔ atuã. Be mi nɛ i ngɛ je mi ɔ, a tsɔ Yawɛ hɛ mi atuã, nɛ ke i gbo lɛɛ kɛ e ma ba hi kɛɛ?

Mose V, 9:6

Nyɛ na nɛ nyɛɛ le kaa anɔkuale mi ɔ, pi nyɛ dami nɛ nyɛ da he je nɛ Yawɛ, nyɛ Mawu ɔ kɛ zugba nɛ baa ní saminya nɛ ɔ ngɛ nyɛ hae. Dɛbi, ma nɛ kuɛ wa ji nyɛ.