Marko 10:34 - BAIBLO ALOO NGMAMI KLƆUKLƆU Ɔ

³⁴ Ni nɛ ɔmɛ maa ye e he fɛu, nɛ a maa la lada ngɔ pue e nɔ. A maa fia lɛ kplibi, nɛ a maa gbe lɛ; se ligbi etɛ se ɔ, e maa te si kɛ ba wami mi ekohu.”

Somi He Ɔ

³⁴ ni nɛ ɔmɛ maa ye e he fɛu, nɛ a maa la lada ngɔ pue e nɔ, nɛ a maa fia lɛ kplibi, nɛ a maa gbe lɛ; nɛ ligbi etɛ se ɔ, e maa te si ekohu.”

Marko 10:34 ပူးပေါင်းရင်းမြစ်များ

Marko 14:65

A ti ni komɛ su lada pue Yesu nɔ; a kɛ bo fi e hɛ mi, nɛ a bɔni lɛ kongomi; nɛ a bi lɛ ke, “Mɛnɔ gba mo ma a?” Tsɔɔ wɔ. Buli ɔmɛ bu pue e nɔ nɛ a bɔni lɛ ma gbami kpoto kpoto.

Mateo 26:67

Kɛkɛ nɛ a su lada ngɔ pue e hɛ mi, nɛ a fiaa lɛ ní. Ni komɛ hu gba lɛ ma,

Mateo 16:21

Kɛ je jamɛ a be ɔ, Yesu bɔni e kaseli ɔmɛ demi paa ke ja e ya Yerusalem, nɛ e ya na amanehlu babauu ngɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa gbe lɛ, se ligbi etɛ se ɔ, Mawu ma tle lɛ si kɛ ba wami mi ekohu.

1 Korintobi 15:4

Ngmami ɔmɛ ke a pu lɛ, nɛ ligbi nɛ ji ligbi etɛ ɔ, a tle lɛ si kɛ ba wami mi ekohu.

Yohane 2:10

nɛ e de lɛ ke, “Ke a tsɛ ní yemi ɔ, wai kpakpa a kɛ ba maa si kekle; nɛ ke ni ɔmɛ nu bɔ nɛ a ma nyɛ ɔ loko a kɛ nɔ́ nɛ ngɔɛ ɔ baa. Se moo lɛɛ o ngɔ wai kpakpa a ngɔ to kɛ ba su be nɛ ɔ.”

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Luka 23:11

Herode kɛ e ta buli ɔmɛ ye Yesu he fɛu, nɛ a bɔ lɛ ahlua. A wo Yesu tade klɔii saminyayoo ko, nɛ Herode ha nɛ a kpale lɛ ya ha Pilato ekohu.

Marko 14:63

Osɔfo nɔkɔtɔma pe kulaa a hía e tade klɔii ɔ ngɛ e he, nɛ e de ke, “Anɛ odase yeli komɛ hia wɔ ekohu lo?

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Yesaya 50:6

I ngmɛ blɔ nɛ a fia ye se mi kpa; a jɛ mi; a hia ye kpɛni si bwɔmi, nɛ a su lada ngɔ pue ye hɛ mi kɛ pue ye hɛ mi si.

La 16:10

Ejakaa o maa bu ye he, nɛ gbenɔ he wami be ye he blɔ nae. Nɔ nɛ o suɔ lɛ ɔ, o be e he ngmɛɛe nɛ e hɛ mi nɛ kpata.

Hosea 6:2

Ngɛ ligbi enyɔ mi ɔ, e ma ha wa na he wami ekohu; ligbi etɛne ɔ, e ma wo wa nɔ nɛ waa kɛ lɛ maa hi si.

La 22:13

A gbɛɔ a nya mi hatoo kɛ woɔ mi kaa jata nɛ ngɛ huãe nɛ e hɛ mi pee klamaklama.

Hiob 30:10

A hɛ mɛ kɛ je ye kasa nya; a hiee mi. Ke a hyɛ mi kɛkɛ a la lada pue ye nɔ.

Mateo 27:63

A de lɛ ke, “Nyɔmtsɛ, wa kai kaa benɛ jamɛ a sisilɔ ɔ ngɛ je mi kɛ mwɔɔ ɔ, e de ke, ‘Ligbi etɛ se ɔ, ma te si ekohu.’

Marko 9:31

ejakaa e ngɛ e kaseli ɔmɛ ní tsɔɔe. E de mɛ ke, “A maa ngɔ Nɔmlɔ Bi ɔ ngɔ wo adesahi a dɛ mi, nɛ a maa gbe lɛ. Se ke a gbe lɛ ɔ, ligbi etɛ se ɔ, e maa te si kɛ ba wami mi ekohu.”