Marko 10:33 - BAIBLO ALOO NGMAMI KLƆUKLƆU Ɔ

³³ “Nyɛɛ bu tue; wa yaa Yerusalem, nɛ a maa ngɔ Nɔmlɔ Bi ɔ ngɔ wo osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa bu lɛ gbenɔ fɔ, nɛ a maa ngɔ lɛ ngɔ ha ma je li ɔmɛ.

Somi He Ɔ

³³ “Oʼɛ, wa yaa Yerusalem, nɛ a maa ngɔ Nɔmlɔ Bi ɔ ngɔ wo osɔfo nikɔtɔma amɛ kɛ mlaa tsɔɔli ɔmɛ a dɛ mi, nɛ a maa bu lɛ gbenɔ fɔ, nɛ a maa ngɔ lɛ ngɔ ha majeli ɔmɛ;

Marko 10:33 ပူးပေါင်းရင်းမြစ်များ

Mateo 27:2

A bɔ lɛ pã, nɛ a ngɔ lɛ ya ha Roma amlaalo ɔ nɛ a tsɛɛ lɛ Pilato ɔ.

Marko 8:31

Jehanɛ Yesu bɔni e kaseli ɔmɛ ní tsɔɔmi ke, “Ja Nɔmlɔ Bi ɔ na amanehlu babauu, nɛ́ ma nimeli ɔmɛ, osɔfo nikɔtɔma amɛ, kɛ mlaa tsɔɔli ɔmɛ kua lɛ. A maa gbe lɛ, nɛ ligbi etɛ se ɔ, e maa te si ekohu.”

Mateo 26:66

Kɛ nyɛ ngɛ dee kɛɛ?” A he nɔ ke, “E sa gbenɔ!”

Mateo 16:21

Kɛ je jamɛ a be ɔ, Yesu bɔni e kaseli ɔmɛ demi paa ke ja e ya Yerusalem, nɛ e ya na amanehlu babauu ngɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ a dɛ mi. A maa gbe lɛ, se ligbi etɛ se ɔ, Mawu ma tle lɛ si kɛ ba wami mi ekohu.

Yakobo 5:6

Nihi nɛ peeɔ nɔ́ nɛ da, se a be he wami nɛ a kɛ ma fa a he ɔ, nyɛ bu mɛ fɔ, nɛ nyɛ gbe mɛ.

Ni Tsumi 20:22

Jehanɛ, kaa bɔ nɛ Mumi Klɔuklɔu ɔ de mi ke ma pee ɔ, i yaa Yerusalem, nɛ i li nɔ́ nɛ ma ya ba ye nɔ ngɛ lejɛ ɔ.

Ni Tsumi 13:27

Se nihi nɛ ngɛ Yerusalem, kɛ ma nimeli ɔmɛ li Yesu, nɛ jehanɛ ɔ, gbali ɔmɛ a munyu ɔmɛ nɛ a kaneɔ daa Hejɔɔmi ligbi ɔ hu a nui sisi. Lɔ ɔ he ɔ, a bu lɛ fɔ; enɛ ɔ ha gbali ɔmɛ a munyu ɔ ba mi.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Yohane 18:28

Jena mɔtu mla a, a ngɔ Yesu kɛ je Kayafa ngɔ, nɛ a kɛ lɛ ya amlaalo ɔ mɔ ɔ mi. Yuda ma nimeli ɔmɛ nitsɛmɛ lɛɛ a sɛ we mi, ejakaa a sume nɛ a ble a he, bɔ nɛ pee nɛ a nyɛ nɛ a ye Hetsɔmi ɔ.

Luka 23:21

Se a kpale kpa ngmlaa ekohu ke, “Sɛu lɛ! Sɛu lɛ!”

Luka 9:22

E de mɛ hulɔ ke, “Ja Nɔmlɔ Bi ɔ na amanehlu babauu, nɛ ma nimeli ɔmɛ, kɛ osɔfo nikɔtɔma amɛ, kɛ mlaa tsɔɔli ɔmɛ kua lɛ. A maa gbe lɛ, se ligbi etɛ se ɔ, Mawu ma tle lɛ si ekohu.”

Marko 15:1

Mɔtu mla a, osɔfo nikɔtɔma amɛ, ma nimeli ɔmɛ, mlaa tsɔɔli ɔmɛ, kɛ kpe ngua a tsuo ya da, nɛ a fi Yesu; nɛ a kɛ lɛ ya ha Pilato.

Marko 14:64

Nyɛ nu musu nɛ e bɔ ɔ? Kɛ nyɛ susu kɛɛ?” Mɛ tsuo a nya pee kake kɛ de ke e yeɔ fɔ, lɔ ɔ he ɔ, a gbe lɛ.

Marko 9:31

ejakaa e ngɛ e kaseli ɔmɛ ní tsɔɔe. E de mɛ ke, “A maa ngɔ Nɔmlɔ Bi ɔ ngɔ wo adesahi a dɛ mi, nɛ a maa gbe lɛ. Se ke a gbe lɛ ɔ, ligbi etɛ se ɔ, e maa te si kɛ ba wami mi ekohu.”

Yesaya 53:3

Wa gbe e he guɛ, nɛ wa kua lɛ. E na nɔ́, nɛ e pi wawɛɛ nitsɛ. Nɔ ko nɔ ko plɛ we nɛ e hyɛ lɛ; wa gbe e he guɛ, nɛ wa bui lɛ saasaa.

Marko 9:12

E ha mɛ heto ke, “Niinɛ, Eliya maa sɛ hlami kɛ ba nɛ e ba to níhi tsuo blɔ nɔ ekohu. Se mɛni he je a ngma ngɛ Nɔmlɔ Bi ɔ he ke e maa na amanehlu babauu, nɛ a maa ngɔ lɛ kaa nɔ ko nɛ a bui lɛ ɔ?

Yohane 18:32

A de enɛ ɔ, konɛ Yesu munyu nɛ e tu kɛ tsɔɔ gbenɔ nɛ e ma gbo ɔ nɛ ba mi.