Marko 10:32 - BAIBLO ALOO NGMAMI KLƆUKLƆU Ɔ

³² Jehanɛ Yesu kɛ e kaseli ɔmɛ ngɛ blɔ ɔ nɔ kɛ yaa Yerusalem, nɛ Yesu nyɛɛ a hɛ mi. Kaseli ɔmɛ a hɛ mi pee mɛ yaa, nɛ nihi nɛ nyɛɛ se ɔ, gbeye nu mɛ. Yesu ngɔ ni nyɔngma kɛ enyɔ ɔmɛ kɛ ya se ekohu, nɛ e bɔni mɛ níhi nɛ maa ba e nɔ ɔ demi ke,

Somi He Ɔ

³² Jeha nɛ ɔ a ngɛ blɔ nɔ kɛ yaa Yerusalem, nɛ Yesu nyɛɛ a hɛ mi; kaseli ɔmɛ a he nua si mɛ, nɛ ninɛmɛ nɛ nyɛɛ se ɔ ngɛ gbeye yee. Nɛ e ngɔ ni nyɔngma kɛ enyɔ ɔ ekohu kɛ ya se nɛ e bɔni mɛ nɔ́ nɛ maa ba e nɔ ɔ demi ke:

Marko 10:32 ပူးပေါင်းရင်းမြစ်များ

Zakaria 3:8

Jehanɛ Yoshua, mo osɔfo nɔkɔtɔma pe kulaa, kɛ o nyɛmimɛ nɛ hii si ngɛ o hɛ mi, nyɛɛ bu tue. Níhi nɛ maa ba hwɔɔ se he okadi ma de nyɛ nɛ ɔ nɛ. Ma ha ye tsɔlɔ nɛ ji Tso Kɔni ɔ maa ba.

Mateo 11:25

Jamɛ a be ɔ mi ɔ, Yesu de ke, “Tsaatsɛ, hiɔwe kɛ zugba Nyɔmtsɛ! I naa mo si, ejakaa níhi nɛ o ngɔ kɛ laa ní leli, kɛ ga leli ɔ, o je kɛ tsɔɔ nihi nɛ li nɔ́ ko.

Mateo 13:11

Yesu he nɔ ke, “Nyɛɛ lɛɛ a kɛ hiɔwe matsɛ yemi ɔ mi laami sane ɔ ha nyɛ; se mɛɛ a kɛ ha we mɛ.

Marko 1:27

Ni ɔmɛ tsuo nɛ ngɛ kpe he ɔ, a he mi po, nɛ a bɔni a he bimi ke, “Mɛni ji nɛ ɔ? Tsɔɔmi he ko lo? Nɛ he wumi hu ngɛ mi. Nɔmlɔ nɛ ɔ ngɛ he wami nɛ e kɛ ngaa mumi yayamihi a yi nɛ a buɔ lɛ tue!”

Marko 4:34

Abɛhi a mi pɛ e kɛ mɛ tuɔ munyu ngɛ, se ke e piɛ e kɛ e kaseli ɔmɛ pɛ ɔ, e tsɔɔ mɛ abɛ ɔmɛ tsuo a sisi.

Luka 10:23

Jehanɛ ɔ, Yesu plɛ e hɛ mi kɛ kpee e kaseli ɔmɛ, nɛ e de mɛ ngɛ se zaa ke, “A gbaa nyɛ kaa nyɛ ngɛ níhi nɛ nyɛ na nɛ ɔ hyɛe!

Luka 19:28

Benɛ Yesu de enɛ ɔ, e sɛ ni ɔmɛ a hlami kɛ yaa Yerusalem.

Luka 9:51

Benɛ be ɔ nɛ a maa ngɔ Yesu kɛ je je nɛ ɔ mi kɛ ya hiɔwe ɔ su ta a, e muɔ e yi mi kpɔ kaa e maa ya Yerusalem.

Yohane 11:16

Toma nɛ a tsɛɛ lɛ Hayo hulɔ ɔ, de e nyɛmimɛ kaseli ɔmɛ ke, “Nyɛ ha wɔ hu waa kɛ Tsɔɔlɔ ɔ nɛ ya, nɛ waa kɛ lɛ ya gbo.”

Yohane 11:8

Kaseli ɔmɛ he nɔ ke, “Tsɔɔlɔ, pi lingmi pɛ nɛ Yuda bi ɔmɛ ka mo tɛ fiami, nɛ o yaa lejɛ ɔ ekohu?”