Marko 10:27 - BAIBLO ALOO NGMAMI KLƆUKLƆU Ɔ

²⁷ Yesu hyɛ a hɛ mi too nɛ e de mɛ ke, “Nimli a blɔ fa mi ɔ, a be nyɛe maa pee, ja ngɛ Mawu blɔ fa mi; ejakaa Mawu blɔ fa mi lɛɛ a nyɛɔ níhi tsuo peeɔ.”

Somi He Ɔ

²⁷ Nɛ Yesu hyɛ mɛ nɛ e ke: “Nimli a blɔfami ɔ a be nyɛe maa pee, se pi ngɛ Mawu blɔfami; ejakaa Mawu blɔfami ɔ lɛɛ a nyɛɔ nihi kulaa peɔ.”

Marko 10:27 ပူးပေါင်းရင်းမြစ်များ

Mateo 19:26

Yesu hyɛ mɛ too, nɛ e de mɛ ke, “Nimli be nyɛe maa pee enɛ ɔ; se Mawu lɛɛ e nyɛɔ peeɔ nɔ́ tsuaa nɔ!”

Yeremia 32:27

“Imi ji Yawɛ; nimli adesahi tsuo a Mawu ji mi. Anɛ nɔ́ ko peemi wa ha mi lo?

Hiob 42:2

Yawɛ, i le kaa he walɔ kpetekpleenyɛ ji mo; o nyɛɔ nɛ o peeɔ nɔ́ tsuaa nɔ́ nɛ o suɔ.

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Luka 1:37

Ejakaa Mawu lɛɛ nɔ́ ko nɔ́ ko be nɛ e be nyɛe maa pee.”

Luka 18:27

Yesu he nɔ ke, “Nɔ́ nɛ adesa nyɛ we peemi ɔ, Mawu lɛɛ e nyɛɔ peeɔ.”

Hebribi 11:19

Abraham he ye kaa Mawu ngɛ he wami nɛ e kɛ ma tle Isak si kɛ je gbeje tete. Nɛ ke a ma de ngɛ blɔ ko nɔ ɔ, Mawu tle lɛ si kɛ je gbeje ha Abraham niinɛ.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Zakaria 8:6

“Ke e he maa wa ha nihi nɛ piɛ ngɛ ma a mi be nɛ ɔ mi kaa ní nɛ ɔmɛ ma nyɛ ba ma a mi ɔ, anɛ imi hu e he maa wa ha mi lo?

Matsɛmɛ II, 7:2

Matsɛ ɔ we asafoatsɛngua a de Mawu nɔmlɔ ɔ ke, “Ke Yawɛ nitsɛ ma ha hiɔmi maa nɛ tlukaa po, nɔ́ nɛ ɔ be mi bae.” Elisha he nɔ ke, “Mo nitsɛ o maa na nɔ́ nɛ ɔ kɛ o hɛngmɛ, se o be ní ɔ eko yee!”

Hebribi 7:25

Lɔ ɔ he ɔ, nihi tsuo nɛ maa gu e nɔ kɛ ba Mawu ngɔ, amlɔ nɛ ɔ jio, hwɔɔ se jio, e ma he a yi wami. Ejakaa e ngɛ kɛ yaa neneene, nɛ e ngɛ Mawu pɛɛ kpae ha mɛ.

Matsɛmɛ II, 3:18

Elisha ya nɔ nɛ e de ke, “Nɔ́ nɛ ɔ peemi pi nɔ́ ko kulaa nɛ he wa ha Yawɛ. Yawɛ maa ngɔ Moab bi ɔmɛ hu kɛ wo nyɛ dɛ mi.

Marko 10:26

Benɛ e de kikɛ nɛ ɔ, e kaseli ɔmɛ a he mi po saminya, nɛ a bi a he ke, “Lɛɛ mɛnɔ yi wami a ma nyɛ he mɔ?”