Marko 10:22 - BAIBLO ALOO NGMAMI KLƆUKLƆU Ɔ

²² Benɛ nyumu ɔ nu nɔ́ nɛ ɔ, e hɛ mi tsake, nɛ e pue nɔ kɛ ho kɛ aywilɛho, ejakaa e ngɛ ní babauu.

Somi He Ɔ

²² Se nyumu ɔ hɛ mi tsake ngɛ munyu ɔ he, nɛ e pue nɔ kɛ ho kɛ dɔmi, ejakaa e ngɛ nihi fuu.

Marko 10:22 ပူးပေါင်းရင်းမြစ်များ

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Mateo 13:22

Wu nɛ ya pue mio mi ɔ daa si ha nihi nɛ nuɔ sɛ gbi ɔ, se je nɛ ɔ mi he nya gbami, kɛ sika suɔmi gbee sɛ gbi ɔ, nɛ e wui yiblii.

Mateo 19:22

Benɛ niheyo ɔ nu nɔ́ nɛ ɔ, e kɛ aywilɛho je lejɛ ɔ; ejakaa e ngɛ ní babauu.

Mateo 27:3

Benɛ Yuda, nɔ nɛ tsɔɔ Yesu se blɔ ɔ na kaa a bu Yesu gbenɔ fɔ ɔ, e pia e he, nɛ e kpale sika hiɔ yi nyingmi etɛ ɔ ya ha osɔfo nikɔtɔma amɛ, kɛ ma nimeli ɔmɛ.

Marko 10:21

Yesu hyɛ lɛ too nɛ e suɔ lɛ, lɔ ɔ he ɔ, e de lɛ ke, “E piɛ mo nɔ kake. Yaa nɛ o ya jua níhi tsuo nɛ o ngɛ ɔ, nɛ o dla sika a ha ohiatsɛmɛ, nɛ o ba nyɛɛ ye se.”

Marko 10:23

Yesu hyɛ e kaseli ɔmɛ a hɛ mi kɛ kpe, nɛ e de mɛ ke, “Nyɛ na bɔ nɛ e wa ha niatsɛmɛ kaa a maa ba Mawu matsɛ yemi ɔ mi!”

Marko 6:20

Herode nitsɛ hu ngɛ Yohane gbeye yee, ejakaa e le kaa Yohane ɔ, nɔmlɔ kpakpa, kɛ nɔ klɔuklɔu ji lɛ; lɔ ɔ he ɔ, e ngɔ lɛ ngɔ to slɔkee. Herode suɔ kaa e bu lɛ tue lɛɛ, se be tsuaa be nɛ e maa nu munyu kɛ je Yohane nya, e haoɔ lɛ.

Marko 6:26

E dɔ matsɛ ɔ wawɛɛ nitsɛ, se kita nɛ e ka, kɛ nihi nɛ kɛ lɛ hii si ngɛ niye ní ɔ si ɔ a he je ɔ, e nyɛ we nɛ e kua.

Luka 12:15

Jehanɛ ɔ, e de ni ɔmɛ tsuo ke, “Nyɛɛ hyɛ saminya, nɛ nyɛ hɛ ko kɔ nɔ́ ko nɔ́ ko nɔ; ejakaa pi ní babauu nɛ adesa na a mi nɛ e wami ngɛ.”

Luka 18:23

Se benɛ nyumu ɔ nu enɛ ɔ, nu lɛ, ejakaa e ngɛ ní babauu.

2 Korintobi 7:10

Ejakaa ke o hao bɔ nɛ sa Mawu hɛ mi ɔ, e haa o tsakeɔ o tsui, nɛ a heɔ o yi wami. Enɛ ɔ lɛɛ he piami ko be mi! Se ke o hao ngɛ níhi nɛ sa je ɔ hɛ mi he ɔ, gbenɔ lɛ jeɔ mi.

Efesobi 5:5

Nyɛ na nyɛɛ le kaa nihi nɛ fiɛɔ yo kɛ nyumu yakayaka fiɛmi, loo a tsuɔ mu ní, loo a hɛ kɔ̃ɔ̃ ɔ, a be blɔ nya ngɛ he nɛ Kristo kɛ Mawu ngɛ matsɛ yee ngɛ. (Ke nɔ ko kɛ hɛkɔ ngɛ nɔ́ ko se die ɔ, e ngɛ kaa wɔ jami pɛ).

2 Timoteo 4:10

ejakaa Dema lɛɛ e ya suɔ mwɔnɛmwɔnɛ je nɛ ɔ, nɛ e je ye he kɛ ho Tesalonika ya. Kreske ho Galatia ya, nɛ Tito hu ho Dalmatia ya.