Marko 10:21 - BAIBLO ALOO NGMAMI KLƆUKLƆU Ɔ

²¹ Yesu hyɛ lɛ too nɛ e suɔ lɛ, lɔ ɔ he ɔ, e de lɛ ke, “E piɛ mo nɔ kake. Yaa nɛ o ya jua níhi tsuo nɛ o ngɛ ɔ, nɛ o dla sika a ha ohiatsɛmɛ, nɛ o ba nyɛɛ ye se.”

Somi He Ɔ

²¹ Nɛ Yesu hyɛ lɛ nɛ e tsui nu lɛ, nɛ e de lɛ ke: “E piɛ mo nɔ́ kake. Yaa nɛ o ya jua niki tsuo nɛ o ngɛ ɔ nɛ o kɛ ha ohiafohi, nɛ o ma na juetli ngɛ hiɔwe; nɛ o ba nɛ o ba nyɛɛ ye se.”

Marko 10:21 ပူးပေါင်းရင်းမြစ်များ

Mose I, 34:19

E yi be ko nɛ Shekem ya pee nɔ́ nɛ a de lɛ ke e sa kaa e pee ɔ; ejakaa e suɔ Yakob biyo ɔ saminya. Jehanɛ se hu, a buu lɛ wawɛɛ nitsɛ ngɛ e tsɛ weku li ɔmɛ a kpɛti.

Abɛ Womi 23:23

Anɔkuale yemi, nile, tsɔsemi, kɛ sane se kɔmi a he jua wa saminya; e sa kaa a di se nɛ a ko ngmɛɛ he.

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Mateo 19:21

Yesu de lɛ ke, “Ke o ngɛ hlae nɛ o hi kɛ pi si ɔ, yaa nɛ o ya jua níhi nɛ o ngɛ ɔ, nɛ o ngɔ sika a kɛ ha ohiatsɛmɛ, nɛ o ma na juetli ngɛ hiɔwe. Kɛkɛ ɔ, kpale kɛ ba nɛ o ba nyɛɛ ye se.”

Marko 10:22

Benɛ nyumu ɔ nu nɔ́ nɛ ɔ, e hɛ mi tsake, nɛ e pue nɔ kɛ ho kɛ aywilɛho, ejakaa e ngɛ ní babauu.

Marko 8:34

Jehanɛ Yesu tsɛ ni kpekpemi ɔ, kɛ e kaseli ɔmɛ hu kɛ ba e ngɔ, nɛ e de mɛ ke, “Ke nɔ ko suɔ kaa e nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Luka 10:42

se nɔ́ kake lɛ hia. Nɔ́ nɛ hi ɔ, lɔ ɔ Maria hla a nɛ, nɛ nɔ ko nɔ ko be kpɔe ngɛ e dɛ.”

Luka 12:33

Nyɛɛ jua níhi nɛ nyɛ ngɛ ɔ tsuo, nɛ nyɛɛ ngɔ sika a kɛ ha ohiatsɛmɛ. Nyɛ hla sika kpɛɛhi nɛ be momo pee, nɛ nyɛɛ to nyɛ juetli ngɛ hiɔwe he nɛ e be tae ngɛ. Ejakaa julɔ ko julɔ ko be he sue, nɛ wɔyewɔye hu be nyɛe ma kpata hɛ mi.

Luka 16:9

Yesu ya nɔ de ke, “Lɔ ɔ he ɔ, ma de nyɛ ke nyɛɛ pee ja lo? Ma de nyɛ ke nyɛɛ pee huɛmɛ kɛ gu sisimi blɔ nɔ lo? Anɛ enɛ ɔ ma ha nɛ nyɛ ma na blɔ kɛ ya sihi he nɛ ngɛ kɛ yaa neneene ɔ lo?

Luka 18:22

Benɛ Yesu nu enɛ ɔ, e de lɛ ke, “E pa piɛ mo nɔ́ kake. Yaa jua níhi tsuo nɛ o ngɛ ɔ, nɛ o dla sika a ngɔ ha ohiatsɛmɛ, nɛ o ma na juetli ngɛ hiɔwe. Lɔ ɔ se ɔ, ba nɛ o ba nyɛɛ ye se.”

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Luka 9:23

Jehanɛ ɔ, e de ni ɔmɛ tsuo ke, “Ke nɔ ko suɔ kaa e maa nyɛɛ ye se ɔ, e kua e he, nɛ e hɛɛ e sɛumi tso ɔ daa ligbi kɛ nyɛɛ ye se.

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Yohane 16:33

I de nyɛ ní nɛ ɔmɛ, konɛ nyɛɛ kɛ mi nɛ hi si, konɛ nyɛ na he jɔmi. Benɛ nyɛ ngɛ je ɔ mi ɔ, haomi maa ba nyɛ nɔ; se nyɛ tsui nɛ nɔ nyɛ mi, ejakaa i ye je ɔ nɔ kunimi.”

Ni Tsumi 2:45

A jua a zugba amɛ, kɛ a weto ní tsuo, nɛ a dla sika a ngɔ ha ni ɔmɛ tsuo bɔ nɛ he hia nɔ tsuaa nɔ.

2 Korintobi 12:15

Ma suɔ kaa ma ngɔ níhi tsuo nɛ i ngɛ ɔ, kɛ ye nɔmlɔ tso ɔ tete ngɔ ha nɛ ma kɛ ye bua nyɛ. Ke i suɔ nyɛ babauu kikɛ nɛ ɔ, e sɛ kaa nyɛ hu nyɛɛ suɔ mi jã lo?

2 Timoteo 3:12

Niinɛ, nɔ tsuaa nɔ nɛ hlaa kaa e pee e he Mawu jalɔ nɛ le Kristo Yesu ɔ, a maa wa lɛ yi mi.

Hebribi 10:34

Niinɛ, nyɛ mi mi sã nyɛ ngɛ nihi nɛ a wo mɛ tsu ɔ a he; nɛ benɛ a ngɛ nyɛ níhi tsuo kpɔe ngɛ nyɛ dɛ pani nya a, nyɛɛ kɛ bua jɔmi ngmɛɛ he ha mɛ faa. Ejakaa nyɛ le kaa nɔ́ nɛ nyɛ nine su nɔ ɔ hi kulaa pe lɔ ɔmɛ, nɛ e ngɛ kɛ yaa neneene hulɔ.

Yakobo 2:10

Nɔ tsuaa nɔ nɛ maa ye mlaa amɛ tsuo a nɔ pɛpɛɛpɛ, se e ma tɔ mlaa a kake ɔ, e yeɔ fɔ kaa e tɔ mlaa amɛ tsuo.

Kpojemi 2:14

Se kɛ̃ ɔ, i kɛ mo ngɛ sane bɔɔ ko. Ni komɛ ngɛ nyɛ kpɛti nɛ ya wo Balaam tsɔɔmi ɔ. Balam lɛ tsɔɔ Balak kaa e tsɔ Israel bi ɔmɛ klama nɛ a ye wɔ nya lo, nɛ a fiɛ yo kɛ nyumu yakayaka fiɛmi.

Kpojemi 2:20

Se kɛ̃ ɔ, i kɛ mo ngɛ sane. O ngmɛ blɔ nɛ Yezebel, jamɛ a yo ɔ nɛ tsɛɔ e he gbalɔ ɔ ngɛ ye ma a ní tsɔɔe. E kɛ tsɔɔmi nɛ ɔ sisi mɛ, nɛ a ya ngɛ yo kɛ nyumu yakayaka fiɛmi fiɛe; nɛ a ngɛ wɔ nya ní hu yee.

Kpojemi 2:4

Se kɛ̃ ɔ, i kɛ mo ngɛ sane ko. O sume mi hu kaa bɔ nɛ o suɔ mi sa a.