Marko 10:18 - BAIBLO ALOO NGMAMI KLƆUKLƆU Ɔ

¹⁸ Yesu bi lɛ ke, “Mɛni he je o ngɛ mi tsɛe ke nɔ kpakpa? Nɔ kpakpa ko be kaa ja Mawu pɛ.

Somi He Ɔ

¹⁸ Nɛ Yesu bi lɛ ke: “Mɛni he je o ngɛ mi tsɛe ke nɔ kpakpa? Nɔ kpakpa ko be kaa ja Mawu nɔ kake.

Marko 10:18 ပူးပေါင်းရင်းမြစ်များ

La 119:68

O hi, nɛ o peeɔ kpakpa saminya! Moo tsɔɔ mi o mlaa amɛ.

La 145:9

Yawɛ peeɔ nɔ tsuaa nɔ kpakpa, nɛ e nuɔ nɔ́ he ha níhi tsuo nɛ e bɔ ɔ.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

Mateo 19:17

Yesu hu bi lɛ ke, “Mɛni he je o ngɛ mi nɔ́ kpakpa he sane bie? Nɔ kake pɛ ji nɔ kpakpa. Ke o ngɛ hlae nɛ o sɛ wami mi ɔ, ye mlaa amɛ a nɔ.”

Marko 10:17

Benɛ Yesu je kpo kɛ ma blɔ ɔ nɔ ekohu ɔ, nyumu ko sa fo kɛ ba na lɛ. E ba kpla si ngɛ e hɛ mi, nɛ e bi lɛ ke, “Tsɔɔlɔ kpakpa, mɛni ma pee nɛ ma ná neneene wami?”

Marko 10:19

Tse o le mlaa amɛ: ‘Koo gbe nɔmlɔ; ko puɛ gba; koo ju; koo ye lakpa odase; koo sisi nɔ; bu o tsɛ kɛ o nyɛ!’ ”

Luka 18:19

Yesu de lɛ ke, “Mɛni he je nɛ o ngɛ mi tsɛe ke nɔ kpakpa a? Nɔ ko nɔ ko be nɛ hi; Mawu pɛ ji nɔ kpakpa.

Romabi 3:12

Mɛ tsuo a tla blɔ; mɛ tsuo a puɛ; nɔ ko nɔ ko be nɛ peeɔ kpakpa, nɔ kake ngmelu po be.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

1 Yohane 4:16

Suɔmi nɛ Mawu ngɛ kɛ ha wɔ ɔ, wɔ nitsɛmɛ wa le, nɛ wa ji he nɔ́. Mawu ɔ, suɔmi ji lɛ, nɛ nɔ tsuaa nɔ nɛ suɔ nɔmlɔ kɛ e tsui tsuo ɔ, e hii Mawu mi, nɛ Mawu hu hii e mi.

1 Yohane 4:8

Nɔ tsuaa nɔ nɛ sume nɔmlɔ ɔ, e li Mawu; ejakaa Mawu ɔ, suɔmi ji lɛ.

Samuel I, 2:2

Nɔ ko be nɛ ngɛ klɔuklɔu kaa Yawɛ. E se ɔ, nɔ ko be. Ee, Mawu se ɔ, wesa he kpa ko be.