Marko 10:11 - BAIBLO ALOO NGMAMI KLƆUKLƆU Ɔ

¹¹ E de mɛ ke, “Nɔ tsuaa nɔ nɛ fieɔ e yo nɛ e ya ngɔɔ nɔ kpa a, e puɛ gba, ejakaa e pee yayami kɛ si e kekle yo ɔ.

Somi He Ɔ

¹¹ Nɛ e de mɛ ke: “Nɔ tsuaa nɔ nɛ fieɔ e yo nɛ e ya ngɔɔ nɔ kpa a, e puɛ gba.

Marko 10:11 ပူးပေါင်းရင်းမြစ်များ

Mateo 19:9

Lɔ ɔ he ɔ, i ngɛ nyɛ dee ke, nɔ tsuaa nɔ nɛ maa ngmɛɛ e yo he, nɛ pi kaa yo ɔ ya bɔ ajuama, nɛ e ma ya ngɔ yo kpa a, e puɛ gba.”

Marko 10:10

Benɛ a kpale kɛ ba we mi ɔ, Yesu kaseli ɔmɛ bi lɛ munyu ngɛ sane nɛ ɔ he ekohu.

Luka 16:18

“Nɔ tsuaa nɔ nɛ fieɔ e yo, nɛ e ya ngɔɔ yo kpa a, e puɛ gba; nyumu nɛ ya ngɔɔ yo nɛ e huno fie lɛ ɔ, lɛ hu e puɛ gba.

Romabi 7:3

Lɔ ɔ he ɔ, ke e huno ɔ ngɛ je mi kɛ mwɔɔ, nɛ e ya gba nɔ kpa a, e puɛ gba. Se ke e huno ɔ gbo ɔ, lɛɛ mlaa fi we lɛ; nɛ ke e ya gba nyumu kpa a, e puɛ we gba.

1 Korintobi 7:4

Yogbayo be he wami ngɛ lɛ nitsɛ e nɔmlɔ tso nɔ; e huno lɛ ngɛ jamɛ a he wami ɔ. Jã kɛ̃ huno hu be he wami ngɛ lɛ nitsɛ e nɔmlɔ tso nɔ; e yo lɛ ngɛ jamɛ a he wami ɔ.

Mose V, 24:2

Jehanɛ, waa ngɔ lɛ ekohu kaa yo ɔ ya gba nyumu kpa,

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.