Marko 1:5 - BAIBLO ALOO NGMAMI KLƆUKLƆU Ɔ

⁵ Nihi babauu je Yudea kpokpa a nɔ, kɛ Yerusalem ma a mi kɛ ba nga a nɔ ba bu Yohane tue. A jaje a he yayami ɔmɛ, nɛ a sɔle mɛ ngɛ Yordan pa a mi.

Somi He Ɔ

⁵ Nihi tsuo pɛpɛɛpɛ nɛ ngɛ Yudea zugba a nɔ kɛ Yerusalem ma ngua a mi ɔ je kpo kɛ ho ya bu Yohane tue. A jaje a he yayami ɔmɛ nɛ a baptisi mɛ ngɛ Yordan pa a mi.

Marko 1:5 ပူးပေါင်းရင်းမြစ်များ

La 32:5

Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Mateo 4:25

Nihi babauu je Galilea, Ma Nyɔngma amɛ, Yerusalem, Yudea, kɛ mahi nɛ ngɛ Yordan pa a se ba nyɛɛ Yesu se.

Marko 1:4

Yohane nɔ sɔlelɔ ɔ ba ngɛ fiɛe nɛ e ngɛ nihi sɔlee ngɛ nga a nɔ. E ngɛ fiɛe ke, “Nyɛɛ kpale kɛ je nyɛ yayami ɔmɛ a he, nɛ́ a sɔle nyɛ konɛ Mawu nɛ ngɔ nyɛ he yayami ɔmɛ kɛ pa nyɛ.”

Marko 1:6

Yohane tade nɛ e woɔ ɔ, afukpɔngɔ he bwɔmi a kɛ pee ɛ; nɛ lohwe he womi kpa e kɛ fii e mlɛ mi, nɛ baalɛ kɛ nga nɔ hwo e yeɔ.

Yohane 1:28

A pee ní nɛ ɔmɛ tsuo ngɛ Betania, ngɛ Yordan pa a beleku je, he nɛ Yohane ngɛ nihi sɔlee ngɛ ɔ.

Yohane 3:23

Jamɛ a be ɔ, Yohane hu ngɛ nihi sɔlee ngɛ Aenon, ngɛ Salim kasa nya, ejakaa nyu babauu ngɛ lejɛ ɔ. Nihi babauu nitsɛnitsɛ ba e ngɔ, nɛ e sɔle mɛ.

Yohane 5:35

Yohane ba kaa la nɛ ngɛ tsoe, nɛ ngɛ kpɛe ha nyɛ. Se be bɔɔ pɛ nɛ nyɛ ná e he bua jɔmi.

Ni Tsumi 19:18

Nihi nɛ he ye ɔ, a ti nihi babauu hu ba, nɛ ní yayamihi nɛ a pee ɔ, a ba jaje paa ngɛ ma a hɛ mi.

Ni Tsumi 2:38

Petro de mɛ ke, “Nyɛ tsake nyɛ tsui, nɛ nyɛ ti nɔ tsuaa nɔ nɛ ha nɛ a sɔle lɛ ngɛ Yesu Kristo biɛ mi, kɛkɛ, a maa ngɔ nyɛ he yayami ɔmɛ ngɔ pa nyɛ, nɛ nyɛ ma na Mawu nɔke nɔ́ nɛ ji Mumi Klɔuklɔu ɔ.

Yakobo 5:16

Lɔ ɔ he ɔ, nyɛɛ jaje nyɛ he yayami ɔmɛ kɛ tsɔɔ nyɛ sibi; nyɛɛ sɔle ha nyɛ sibi konɛ a tsa nyɛ. Ke nɔ nɛ peeɔ nɔ́ nɛ da fa kue ha Mawu ɔ, e tsuɔ ní saminya.

Yoshua 7:19

Yoshua de Akan ke, “Ye bi, tu mi anɔkuale, nɛ o de mi nɔ́ nɛ o pee ɔ ngɛ Yawɛ, Israel Mawu ɔ hɛ mi. Mo de mi koo; mɛni o pee? Koo laa mi ba.”