Marko 1:45 - BAIBLO ALOO NGMAMI KLƆUKLƆU Ɔ

⁴⁵ Se nyumu ɔ pue nɔ kɛ ho, nɛ e ya bɔni sane ɔ fiɛmi ngɛ he tsuaa he. Enɛ ɔ ha sane ɔ gbɛ fĩa bɔ nɛ Yesu nyɛ we nɛ e nyɛɛ paa kɛ ya ma ko mi hu; se e hi ngapa he komɛ banee, nɛ nihi jee he tsuaa he kɛ baa e ngɔ.

Somi He Ɔ

⁴⁵ Se lɛɛ e pue nɔ kɛ ho nɛ e ya bɔni sane ɔ fiɛmi ngɛ he tsuaa he. Enɛ ɔ ha sane ɔ gbɛ fia bɔ nɛ Yesu nyɛ we nɛ e je paa kɛ sɛ ma ko mi hu; se e hi nga a nɔ he komɛ banee, nɛ nihi jee he tsuaa he baa engɔ.

Marko 1:45 ပူးပေါင်းရင်းမြစ်များ

La 77:11

Se kɛ̃, Yawɛ, i kai níhi nɛ o tsu blema a; ee, i kai nyakpɛ ní nguahi nɛ o pee ɔ.

Mateo 28:15

Lɔ ɔ he ɔ, sane nɛ ɔ mohu ba pee nɔ́ nɛ a ngɛ sɛɛe ha Yuda bi ɔmɛ kɛ ba su mwɔnɛ ɔ.

Mateo 9:26

Nɛ sane nɛ ɔ gbɛ fĩa lejɛ ɔ zugba a nɔ tsuo.

Mateo 9:31

Se benɛ a si lɛ ɔ, a ya gbɛ e he sane ɔ ngɔ fĩa lejɛ ɔ zugba a nɔ tsuo.

Marko 2:13

Yesu kpale e se ekohu kɛ ho Galilea wo ɔ nya ya. Nihi babauu ba e ngɔ, nɛ e bɔni mɛ ní tsɔɔmi.

Marko 3:20

Jehanɛ Yesu ba su we mi. Nihi babauu ba bua a he nya ekohu bɔ nɛ Yesu kɛ e kaseli ɔmɛ na we hɛ mi nɛ a ye ní po.

Marko 3:7

Yesu kɛ e kaseli ɔmɛ sã a he si kɛ ho Galilea wo ɔ nya ya, nɛ nimli babauu nyɛɛ e se. A je Galilea, Yudea,

Marko 7:36

Yesu de mɛ ke a ko sɛɛ ha nɔ ko nɔ ko kɔkɔɔkɔ; se si abɔ nɛ e ngɛ mɛ dee ke a ko wo nɔ ta a, si abɔ nɛ a ngɛ sɛɛe ha nihi ji lɔ ɔ nɛ.

Yohane 6:2

Nimli babauu nyɛɛ e se, ejakaa a na nɛ e tsa hiɔtsɛmɛ kɛ to okadi kaa Mawu Bi ji lɛ.

Tito 1:10

Ejakaa nihi babauu tsɔ atuã, nɛ a ngɛ yakayaka munyu tue kɛ ngɛ nihi sisie. Nihi nɛ deɔ ke ja a po nɔ ɔ, mɛ titli lɛ a ngɛ ní nɛ ɔ tsue.