Marko 1:44 - BAIBLO ALOO NGMAMI KLƆUKLƆU Ɔ

⁴⁴ E de lɛ ke, “Hyɛ, ko de nɔ ko nɔ́ ko, se mohu yaa tɛɛ nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, yaa nɛ o ya sã bɔ kaa bɔ nɛ Mose wo mlaa a, konɛ e pee okadi ha nɔ tsuaa nɔ kaa jehanɛ lɛɛ o he tsɔ.”

Somi He Ɔ

⁴⁴ “Bu tue, ko de nɔ ko enɛ ɔ; se mohu ngɔɔ o he ya tsɔɔ osɔfo ɔ nɛ e sia mo, nɛ o sa bɔ nɛ Mose to ɔ, konɛ kɔlɔ ɔ nɛ pee odase ha nɔ tsuaa nɔ kaa jeha nɛ ɔ lɛɛ o he tsɔ.”

Marko 1:44 ပူးပေါင်းရင်းမြစ်များ

Mateo 8:4

Kɛkɛ nɛ Yesu de lɛ ke, “Hyɛ, ko ya de nɔ ko nɔ́ ko oo! Se mohu yaa nɛ o kɛ o he ya tsɔɔ osɔfo ɔ, nɛ e hyɛ mo. Lɔ ɔ se ɔ, bɔ nɛ pee nɛ nihi tsuo nɛ a na kaa a tsa mo ɔ, yaa sã bɔ kaa bɔ nɛ Mose wo mlaa ke a pee ɔ.”

Marko 1:43

Kɛkɛ nɛ Yesu bɔ lɛ kɔkɔ nɛ e wo lɛ blɔ nɔuu.

Luka 17:14

Yesu na mɛ, nɛ e de mɛ ke, “Nyɛɛ ya nɛ nyɛɛ ngɔ nyɛ he ya tsɔɔ osɔfo ɔmɛ.” Benɛ a yaa ngɛ blɔ ɔ nɔ ɔ, a he womi nɔ tsɔ.

Luka 5:14

Yesu fa lɛ ke, “Ko de nɔ ko nɔ ko oo! Yaa tɛɛ nɛ o kɛ o he ya tsɔɔ osɔfo ɔ, nɛ e hyɛ mo! Lɔ ɔ se ɔ, yaa, nɛ o ya sã bɔ kaa bɔ nɛ Mose wo mlaa a, nɛ e pee okadi ha nihi tsuo kaa o he tsɔ niinɛ.”

Ni Tsumi 23:22

Asafoatsɛngua a de niheyo ɔ ke, “Ko de nɔ ko nɔ ko ke o wo sane nɛ ɔ nɔ ta ha mi.” Kɛkɛ nɛ e wo niheyo ɔ blɔ.

Romabi 15:4

Nɔ́ tsuaa nɔ́ nɛ ngɛ ngmami ɔmɛ a mi ɔ, a ngma konɛ a kɛ tsɔɔ wɔ ní. Kɛkɛ ɔ, ngmami ɔmɛ ma ha wa maa to wa tsui si; nɛ a maa wo wɔ he wami nɛ wa na hɛ kɛ nɔ fɔmi.

1 Korintobi 10:11

Níhi nɛ ba a nɔ ɔ peeɔ okadi kɛ ha ni kpahi. A ngma ní nɛ ɔmɛ kɛ ngɛ wɔ kɔkɔ bɔe, ejakaa be nɛ wa ngɛ mi nɛ ɔ kɛ nyagbe be ɔ kɛ we kulaa.