Marko 1:40 - BAIBLO ALOO NGMAMI KLƆUKLƆU Ɔ

⁴⁰ Nyumu ko nɛ ngɛ he womi nɔ hiɔ yaya nue ba Yesu ngɔ. E ba kpla si ngɛ e hɛ mi nɛ e kpa lɛ pɛɛ ke, “Ke o suɔ ɔ, o ma nyɛ ha ye he nɛ tsɔ!”

Somi He Ɔ

⁴⁰ Tsitsɛ ko ba Yesu ngɔ; e ba kpla si ngɛ e hɛ mi nɛ e kpa lɛ pɛɛ ke: “Ke o suɔ ɔ, o ma nyɛ ma ha ye he nɛ tsɔ.”

Marko 1:40 ပူးပေါင်းရင်းမြစ်များ

Mose I, 18:14

Anɛ nɔ́ ko peemi wa ha Yawɛ lo? Kaa bɔ nɛ i de ɔ, hiɛmɛ nɛ ɔ jeha a, ma kpale kɛ ba o ngɔ ekohu; nɛ o yo Sara ma fɔ binyumu.”

Samuel II, 3:29

Musu ɔ nɛ tloo Yoab kɛ e tsɛ we ɔ tsuo. Se tso mi hiɔtsɛ, loo nɔ ko nɛ he womi nɔ hiɔ yaya ngɛ e he, loo nyumu nɛ peeɔ e ní kaa yo, loo nɔ nɛ a gbe lɛ ngɛ ta mi, loo hwɔ yeyeetsɛ kó ta Yoab kɛ e nina a we mi gblegbleegble.”

Matsɛmɛ II, 15:5

Yawɛ ha nɛ matsɛ ɔ nu he womi nɔ hiɔ yaya; nɛ hiɔ nɛ ɔ ngɛ e he kɛ ya si e gbenɔ ligbi. Enɛ ɔ he je ɔ, e klɛ̃ kɛ ya hi we kpa mi, nɛ e binyumu Yotam ba hi matsɛ we ɔ, nɛ e kɛ hyɛ ma a nɔ.

Matsɛmɛ II, 7:3

Nyumuhi eywiɛ komɛ nɛ he womi nɔ hiɔ yaya ngɛ a he hi Samaria ma a agbo ɔ nya. Ligbi ko ɔ, a de a he ke, “Mɛni he je wa maa hi si ngɛ hiɛmɛ nɛ ɔ kɛ yaa si wa ma gbo ɔ?

Kronika II, 6:13

(Salomo pee akɔblee kpoku ko nɛ a maa da nɔ kɛ ma kue ɔ kpɛti tutuutu. E kami ji nine mi blimi nyɔngma, e blimi ji nine mi blimi nyɔngma, nɛ e hiɔwe yami ji nine mi blimi ekpa. Salomo kuɔ kpoku nɛ ɔ, nɛ e kpla si ngɛ Israel ma kpekpemi ɔ tsuo a hɛ mi, nɛ e wo e nine nɔ kɛ ya hiɔwe.)

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Mateo 17:14

Benɛ a kpale kɛ ba nimli kpekpemi ɔ a ngɔ ɔ, nyumu ko ba Yesu ngɔ ba kpla si ngɛ e hɛ mi,

Marko 1:41

Yesu muklii mi sã lɛ ngɛ e he, nɛ e kpã e nine mi nɛ e ta e he, nɛ e de lɛ ke, “I suɔ! O he nɛ tsɔ!”

Marko 10:17

Benɛ Yesu je kpo kɛ ma blɔ ɔ nɔ ekohu ɔ, nyumu ko sa fo kɛ ba na lɛ. E ba kpla si ngɛ e hɛ mi, nɛ e bi lɛ ke, “Tsɔɔlɔ kpakpa, mɛni ma pee nɛ ma ná neneene wami?”

Luka 22:41

Kɛkɛ nɛ e si mɛ maa pee tɛ fɔmi mi kɛmi, nɛ e ya kpla si, nɛ e sɔle

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

Efesobi 3:14

Enɛ ɔ he i kplaa si ngɛ Tsɛ ɔ hɛ mi.